نتائج اختبارات نهاية الفصل الدراسي الاول الخميس القادم

[أمل الحياة]

عندي فكره

شرايكم نتكاتف كلنا
ونتصل لجريده الخليج

كلنا صوووووت واحد ضد هالتصليح العاثر

منوه بيتصل

خلنا نحدد الكلام من اليوم

<!-- / message -->

[همس الطفوله]

لا حول ولا قوة الا بالله ... والله الردود حطمتني

انا طبعاً كل اعتقادي كان انو الشهايد تنزل على النت .. وما رحت للمدرسة

يعني بجيب الشهادة يوم الاحد ... اتوقع اني من اليوم لين الاحد بكون ميته

على العموم التصحيح كان ....... لا تعليق ... بس ما بقول شي غير حسبي الله ونعم الوكيل عليهم

يعني هذا مستقبلنا !!! مو لعبة !! والله حرام عليهم .. خافوا ربكم شوي

ربيعتي علمي معدلها ف التقويم 99 يا جماعة الخير 99 !! ونسبتها النهائية 86

البنت تدمرت بصراحة .. والله اتصلت عليها صاير فيها حالة هستيريا قسم بالله .. طبعاً الحق معاها

يعني شو من 99 ل 86 !!!!!!!! والله البنت واهلها تدمروا .. كانوا يتوقعون نسبتها تكون فوق 96 !!!

وعندي 3 من ربيعات ربيعتي راسباااااات !!! <<< ادبي

و ربيعتي بعد ادبي كان معدلها ف التقويم 98 .. يابت ف النهائي 95 .. هو صح زين بس ترى بعد نزلت !!

المهم يعني انا الحين يالسه على اعصابي ... و رح اموت من الرعب


وطبعاً مثل ما في اخبار مو حلوة ونسب مب زينه .. بعد في نسب زينه

انا من المدارس الاهليه الخيريه دبي ... الاولى على الامارات من عندنا

سارة .. معدلها 100 ... ما شاء الله عليها هالبنت وايد شاطره وكنت اعرف انها بتكون الاولى على المدرسة

بس ما توقعت الاولى على الامارات ^^ ... مبروووووووك ساروه .. اكيد الحين طايرة من الفرح لووول

وبعد عندنا 5 بنات من مدرستنا من الاوائل على الامارات ...

مبروووووك الف الف مبرووووك يا بنات كلكم تستاهلون .. رفعتوا راسنا والله .. ^^


ومبرووك لكل اللي نسبهم عالية ...

واللي ما حصل نسبة اوكي بقول لكم لا تيأسوا .. وربنا كريم .. وان شاء الله الفصل الثاني نجيب نسب احسن

اهم شي انكم تدرسوا زين وتشدون حيلكم و تتعلمون من اخطائكم

والله يوفقنا يا رب

وادعولي اجيب نسبة عاليه اهئ اهئ ..