رأي طلبة الصف الثاني عشر" علمي" في امتحاناتهم من هنا

[مفوضية رأس الخيمة]

اقتباس:
المشاركة الأصلية كتبت بواسطة hawi.smaha
مفوضية ..
شو القصة الي كتبتيها لول
انا كتبت عن واحد كان مافيه ذرة وطنية و هاجر و كتبت عن عودته من مطار هيثرو لـ مطار دبي
و كتبت ذكرياته و كلامة السابق والحالي عن بلاده .. و احاسيسه واخر شي كتبت النهاية مالهم يوم وصل دبي واستقبلوه
صح يعتبر ولا غلط ؟



ههههههههههههههه والله كتبت نفس الشي ..

بلى صح ..

وانآ كتبت زيآدة إنه مآ صآر يفخر بدولته وكله

بنآطلين وتخلى عن اللبس وودر اللغة العربيه

وكله يرطن إنجليزي اونه مطور ..

وعقب مرت احدآث وحطيت النهآيه ..

[مفوضية رأس الخيمة]

اقتباس:
المشاركة الأصلية كتبت بواسطة 3NeEeD
هه اقوول اذا واحد تفلسف بالامتحان يخصمون منه علامات؟؟

بامتحان الجيولوجيا في اجابة استهبلت فيها
كتبت في البديل الغير منسجم ,, الميوسين والتبرير لانه في الاحياء وليس بالجيولوجيا هع
وامس ربيعي كتب عند برر ليش اللي نظره سليم مايجوف صورته عند الرااه المقعره ,, كتب لانه احول هع,,
بيخصموون شي؟؟



ههههههههههههههههههههههه

نفس سؤآلي مآل الميوسين كتبت فيه جوآب غلط وأدري إنه غلط

كتبت جميعهم عهود ولكن الميوسين هو العهد الذي ولد الانسآن فيه

ههههه مآ حصلت إجآبه مقنعه حليلي ..

بس إجآبتك عجيبه والله

[مفوضية رأس الخيمة]

اقتباس:
المشاركة الأصلية كتبت بواسطة ع‘ــآآلـي مستــوآهـ
الامتحان من 13 علامات الترقيم عليها 10 والباقي 3
خخخخخ لاني انا مسوي ناقط بس هاااااااع اسولف مودري والله
ع حسب الموجه ودقت راسه ^^



ههههههههه لآ لآ حرآم

كآتبة قصه ورقة ونص مآ خليت شي مآ كتبته ويطلع ع 3 درجآت ؟ جآن مآ كتبت

علآمآت الترقيم يلست أكتبهم بالأخضر اونه يعني عسب اللي يصلح يقول جوفوا

محطيه علآمآت ترقيم .. وعن الوقت مآ أدري حسيت الوقت طويل اليوم

صح بنآت مآ خلصوا بكللآآسي واتأخروا بس انآ كملت سآعتين وظهرت واعتقد هو سآعتين ونص

بس يمكن لأني كنت مستآنسه فحليت بسرعه عسب اخلص

غآلي مستوآه .. لآ تطمع 9 من 13 احسن من 0

[hawi.smaha]

ههههههههههههههه والله كتبت نفس الشي ..

بلى صح ..

وانآ كتبت زيآدة إنه مآ صآر يفخر بدولته وكله

بنآطلين وتخلى عن اللبس وودر اللغة العربيه

وكله يرطن إنجليزي اونه مطور ..

وعقب مرت احدآث وحطيت النهآيه ..

ههههههه بيقولون غاشين من بعض ..

:

شسمه انا ساعات اكون محتار بين 2 واكتب ال2 يحتسبون ع الاقل نص الدرجة ؟
مثل هذا الي تتناقشون فيه انا اخترت الميوسين و قلت ما متتابع وياهم
ووكتبت أو الهلوسين ما ادري شو اسمه وكتبت لانه من العصر الرابع هذي صح بس الثانية اظن غلط
يحسبون صح ؟

[T-Roy]

d:

الامتحانات وايــــــــــــــــــــــــــد سهلة !

الانجليزي و الرياضيات و الجيولوجيا و الفيزياء و العربي . . كل واحد أسهل من الثاني ^^

و باجر الأحياء . . . لـووووووولـ حليت الامتحان التجربي كله و بعدني ما ذاكرت

شباب و بنات , ذاكروا أول بأول . . ما بتحسون إنه في شي صعب . . و شدو حيلكم في الفصل الثاني

[أسامة حرزالله]

عندي سؤال:
في امتحان العربي: (لا يلدغ المؤمن من جحره مرتين)
هل هي استعارة مكنية أم تصريحية؟

[|{ الثُريًـآ . .]

مآ شآء لله ترمسون وتنآقشون العربي

خخ حسيته سهل فمآ دشيت من وقت المنتدى ..

صرآحة امتحآن العربي طرررررر

أشكر اللي محطي الامتحآن وسلآمي لك يآ اللي محطنه

مآ قصرت والله هب المآث .. مآلك سلآم يآ موجه المآث ..

صرآحه احسني بدعت فيه ..

بس ليش حذفتوا معآ ؟ انآ ( حذفت الفآء ) معا حسيتهآ اوكي بالجمله

والمآ مآ حذفتهآ احس مآ يصير بس الفآء لأن الكلمه اللي قبلهآ

بعد مسبوقه بفآء فشليتهآ خخخخ شكله غلط بس يالله نص درجه تنجبر ..

وموفقيييييييين وبسكم من المنتدى ورآنآ الأحيآء

طويل ومآ يخلص

موفقين اعزآآآآآآآآآئي

وين الثريآآآ اليوم مآ جفنآ رآيهـآ .. ؟!

الثريـآ تبـآ اتصيـح من القهرر !!

قسم بالله قمة القهرر اني أختآر إجآبه صح و آخر شي أشطبهآ و أحط غلط !!

كنت مختآرة معاً . .

مآ أدري ليـش قبل عن أسلم الورقه شطبتهآ و اخترت مآآ . .

و الله بصيييييييييييح ، ، مآ أحب أنقص في العربـــــــــــي ، ، ><

بالنسبه لي أنآ كتبت بعد القصه ، ، لأني مآ أعرف شو سآلفة السيرة الغيريه ، ،

مآ كنت حآضره الدرس ، ، و يوم رآجعت الكتآب فهمت انه لآزم نكتب عن هالشخصيه بالتفصيل ، ،

و بصرآحه أنآ مآ أعرف وآيد أشيآء عن الشيخ خليفه ، ،

انه متى استلم الحكم بالضبط و متى انولد و كيف اختآروه و جيه يعني ، ،

فإخترت القصه أبرك لي ، ،

و تقريباً شرآت قصتكم هههه ، ،

[|{ الثُريًـآ . .]

عندي سؤال:
في امتحان العربي: (لا يلدغ المؤمن من جحره مرتين)
هل هي استعارة مكنية أم تصريحية؟

أنـآ حطيـت مكنيـه ، ،

لأنه المشبـه به مب موجود ، ،

بس شي كلمة [ لدغ ] ، ، و هآي من أحد صفآت الثعبآن ، ،

يعني مآ صرحوآ بالمشبه به تصريح كآمل ، ،

عسب جي أنآ حطيت مكنيه ، ، ^^

[اماراتي 90]

كنت مختآرة معاً . .

مآ أدري ليـش قبل عن أسلم الورقه شطبتهآ و اخترت مآآ . .

سويت نفس الشي بأول سؤال .. شطبت الاجابة الصحيحة و حطيت الغلط

عالعموم ..

بخصوص الجهاز الهيكلي .. صورة الهيكل العظمي ويا اسامي الاعضاء حفظ؟ :s

بالتوفيق للجميع

[|{ الثُريًـآ . .]

ألحيـن أنآ بسير أكمل مذآكرة الأحيآء ، ،^^

أنآ بديت من الفصل الأخير لأني مآ أدري شو سآلفته مول لول ، ،

مآ ذآكرته و لآ مره ، ، ^^

أمآ الفصول البآجيه ممتحنيـن فيهآ الحمدلله و انعرف شو فيهآ . . ^.*

و الله يوفقكم يـآ رب ، ،