تمديد ساعات اليوم الدراسي هل في مصلحة الطالب ؟

[royal guard]

السلام عليكم

بصراحة اخوي انا مب راضي

لانى معقولة الواحد يرجع الساعة 3 من المدرسة ويوم يرد يتغدى وبعدين ينام يقوم الساعة 8 تقريبا و شو تبقي من االيوم؟؟
الباقي من اليوم اذاكر فيه الامتحان والله ظلمونا المفروض الوزارة يفهمون انى مب اذ زاد الوقت زاد فهم واستيعاب الطلاب نظام مملل

[رملي]

شكراً على المشاركة المفيدة

[emmmy]

صدقج ياختي يا بنت المطاف

[عبدالسلام الزواهرة]

والله لسة احنا عشر حصص الله يقطع شكله الي كثر الحصص والله عذبنا الله يجعله تنقلب في السيارة ويروح على نار جهنم علشان بكون ظالم هوه والي جاب الاجانب الي مابعرفوا يالله اسمهم يمكن بس
الله يعينا كمان على الامتحانات البدهم يسوها قرف على الاجانب قرف الي الكفار والله معصب معصب
بدنا بس 7 او 6 حصص

[iiop]

شو انا اختي تي الساعة خمس ولاتجدر تدرس لين ما تدرس شوي ياذن المغرب

[عبرني]

الصراااااااااااااحه هب راااااااضين شو لي الحصه التاسعه وين يبوون هايله يبون يذبحوونا من المذااكره انا ارد البيت الساعه 4 وماالحق اتغدى ولاافصخ هدوومي على طوول ع الفرااش تعباااانه ومنهد حيليييييي ماروووم والله وماالحق اصلي وارتب اموووري لان الوقت متااخر بنقوول ان الاسكوول اوكي بس الله يخلي الحماماااااااااااااات وصخااااااات لووووووووعه الوااحد مايوروم يتوضى فالحماااااام !!!!!

والبريك الاول يلا يلا نلحق ناآآآآآكل والله والزحمه الي فالكاانتين وحااله ....

والبريييييك الثاااني مثل ماقلت الصرااحه الحماامااااااااات يسكتووووووون شو بتقوولين اكثر شو بتسوين؟؟؟

الله يخليكم خلوا الدواامات مثل ماهي لاتغيروون شي دخييييلكم..!.!.!.!.

وثاانكس .x_x

[عبرني]

اوووووووووووووووووووووووووه نسيييييييييييت شي

يوم الويكند مانلحق نضهر الصراااحه ونستااانس ويا اهالينا؟؟؟

شو هالحااله هااايل مايحسوووون مره عفاان الله المثل يقوول ((ارحموا من فالارض يرحمكم من فالسماء))

دخييييييييييييييييييلكم لاتغيروون شي ...

والله اني كااارهه حيااتي من الدرااااسه افففففففف+_+

والله اذا هاااايله سووا الي براااسهم وزاادواا الحصص الاولااد بعد مابيقصروون بشردوون من الاسكوول ومحد بيتم فالاسكوول ...

والله يخلي المدرساات والاسااتذه الله يعينهم والله ويعيناا؟؟؟؟

+_+ *_*

[___ الهميمي ___]

والله فعلا الحال يرثى له ..... الوقت لايسعف الطلبة على القيام باعماالهم المدرسية ولا العائلية ... ولا عادات مجتمعنااا الاسلامي
لان الاشخاص الي وضعوا هذا النظام هم غير مسلمين وليس لهم .. عادات تحافظ على تمسك المجتمع وقربه من بعضه
فلذلك ..يجب تعديل هذا الخطأ الذي حدث لأنه امر لاااايطاااق


وفيه الكثيــــــــــر من التعب على الطلبة والمدرسين ....

ونرجوو ان يكوون صوتنا هذا مسمووع ...

[رها]

. طبعا .. و قطعا.... لا ,,,, ليست في مصلحة الطالب .

طبعا كيف ؟؟!! و ليش ؟؟!!
أنا عندي الإجابة الصريحة لكم ...

مثلا في منطقة بوظبي .. 9 حصص !! و الله يعينهم .. يعني يردون في حالة يرثى لها ..
عمي مدير بمدرسة من مدارس العين .. يقوم ساعة 4 الفجر ..
و يرجع وقت المغرب . لان بوظبي بعيدة عنا و لا زم يقطع ساعتين بالسيارة ..

و ما يلحق يوصل الا ناام . حتى عياله ما يقدر يشوفهم ..,, هذا بالنسبة للمدراء و المدرسين .
أما بالنسبة لنا احنا الطلاب .. الله يعين ..

نقوم من قبل صلاة الفجر . يالله يالله نرتب أمورنا علشان نروح المدرسة .. و نسير من وقت للمدرسة ..

و الله مدرستنا ما قصرت .. و سوت لنا مصلى يديد بالمدرسة .. لكن .. هل هذا يكفي ؟؟!!

طبعا .. (( لا ))

نقوم من وقت أكثر من السنة الماضية . و نروح بدري .. نكون ميتين من التعب . ليش ,. ؟؟!! الجواب جاي .

و نرجع بعد صلاة العصر . كيف نتغدى . ولا أذوقه الغدى . أرجع . هلكاانة .. ع طوول أبي أنام و مرات و الله من التعب أنام بلبس المدرسة و لما أقوم أغير ..
و أنام لي أقل من نص ساعة . تخيلوا ..
و أقوم . وا حنا ما شا الله موول ما عندنا امتحانات و لا واجبات ..

أتم لبعد الساعه 3 و أنا أذاكر و أحاول أخلص نفسي ..
و أنام من الساعة 4 للساعة 5:30 .. و أروح المدرسة و بمووت من التعب .. أبا أناام .. و ما نكمل 5 حصص .
الا المخ مقفل . يللا تحملوا 4 حصص زياادة ...
الصراحة .. هلاك ــــــــــــــــــــــــــــــ بنمووت ــــــــــــــــــــــــــــ

تعب تعب تعب .... بس شو نسوي ؟؟؟؟!!
و المناهج الصراحة صعبة .. و الله يعين . بس لمنو نشتكي ؟؟!!
اللي اشتكى لأحد غير الله يكون ذليل . و طبعا مافيه أحد يبا يكون ذليل . و يروح يقوول شي .

حسبنا الله و نعم الوكيل ........

مافيه أحد بيقدر يحس فينا غير الله ... و النعم بالله .,..

[سيلان الدموع]

انا بصراحة.. ما وصل لعندي شي.. بس يمكن السنة الجاية .. انا بصراحة بدي اسال .. اللي عندو 9 حصص بدوام كل يوم اشلون بيمضي يومه؟.. حبابين ادعوا انهن يلغوا هالقرار انا مو طايقة استنى 5 ساعات بالمدرسة.. للتاسعة اشلون بقى.؟!!!