السلام عليكم

ما شاء الله بلادنا فيها طالبات طموحات

اخواتي العزيزات

اول شي
اختي طموح الامارات
حابه تدرسين علوم سياسيه
من وجه نظري لاتخصصين هالتخصص
بقولج ليش
لان اول شي
في اخر فترة واااااايد مواطنين متخصصين هالتخصص
يعني لين ما تكملين دارستج بعد 5سنوات
بيكون عندنا اكتفاء في الدولة
بالتالي بتواجهين صعوبه انج تلاقين شغل

وثاني شي
تخصص علوم السياسية ما تناسب البنات >> مب عنصريه
بس الساسه يبالها شاب على اساس بيكون اكثر مرونه انه يتواصل مع السياسين

وفي سبب ثاني يمكن ما تركزون عليه وايد

يعني اي بنت في هالدنيا بيها نصيبها وبتزوج
وبيكون عندها عيال ومسؤوليه

ما فكرتي كيف بيكون وضع شغلج ؟؟؟ وانتي متزوجه
وشغلج يتطلب انج تسافرين وتغيبين فترااااات عن البيت

هذي لمحه على السريع وجان بغيتي زود ممكن اتواصل وياج وافسر لج اكثر

--------

اما بخصوص التخصصات

مثل ما تشوفون دولتنا من تقدم لثاني
و نحتاج التخصصات لي تطلب تواصل مع العالم الخارجي

انا بعطيكم التخصصات لي ما فيها وااايد موطنين و تحتاج لكفائه وطنيه
من مثل:-
1- اداره موانئ مثلا >> التجارة عندنا تطور يوم بعد الثاني + بعد الاستيراد يعلب دور مهم

2- السياحة
وهذا القطاع وااااااااااااااايد مهم
لان السياحة تعتبر ثاني مصدر لدخل في الدولة بعد النفط
و تخيلوا نسبة المواطنين في السياحة 1%
يعني محتاجين وبشده مواطنين

انزين اكيد بتقولون وين بنشتغل؟؟؟
في هيئه اسمها هيئه السياحة بدبي
وهيئه السياحة في بوظبي

3- فنااادق

وهذا بعد شي مهم جدا جدا
لان مثل ما تسمعون ان الاجانب لي ايوون البلاد اكثر من المسافرين >> و هالشي انذكر في اخبار الامارات قبل اسبوع

بالتالي دام الاجانب وايد نحتاج فنادق اكثر و نحتاج كفائه وطنيه اكثر
و ادري بتقولون شوه نشتغل في فندق مب اوكي

انتوا ما بتشتغلون في الرسبشن
بتكونون في الاداااره
يعني والله حرام الاجانب ماسكين اعلى المناصب في بلادنا
ونحن نتخصص تخصصات مب مطلووبه

نصيحتي لكم

لا تتخصصون اي تخصص

فكروا ان يكون التخصص نادر ويكون مطلوب

4- عندكم التمريض

75% الممرضات لي في البلاد من دول الخليج او وافدات
ليش وين بنات البلاد

والتمريض شغله واااااااااايد اوكي ،،، ومستقبلها مضمون مثل ما تلاحظون ماشي مواطنات يشتغلن في هالمجال

ودولتنا دايم تشجع على التوطين لان هالشي في صالحها

5- التجارة والتسويق
وهذا يتبع القطاع الخاص
و مثل ما تعرفون بدا يزيد استثمار الشركات الاجنبيه و الشركات الاماراتية
و بالتالي نحتاج لتخصص التجاره والتسويق
>> دايم هالتخصص لي يحتلونه الوافدين وخصيصا "المصرين و السورين " >> اسمحولي جان غلط عليكم خخخخخخ


احس وايد تكلمت،،، وهذا نبذه بسيطه جدا
ولو تدورون بروحكم بتلاقون 100 شغله بس للاسف نحن المواطنين متخصصين نفس التخصصات
اداره او نظم معلومات او سياسه
عشان جيه ما نلاقي وظيفة في تخصصنا

واي حد محتاج اي ارشاد انا في الخدمة


واتمنى ان اكون فدتكم