مشكور اخوي على هالموضوع..

وبعدين اصلا اذا المدرسة فيها شتم للطلاب من قبل المدرسين او الادارة حرام يتسمى هالمكان مكان تربوي..
وبعدين والله ثم والله لو ان الطالب هو اللي ساب الاستاذ وربي ان الادارة ما بتخليه في حاله وعادي اتوصل السالفة للمنطقة ويمكن الوزارة بعد..

وبعدين لو انا مكان هالطالب والله ما سكتت عن الاستاذ يعني هو يسبني وانا اسكت له والله يخسي.. يعني انا ياي من بيتنا معزز ومكرم اخر شي يهيني..وهو اصلا ماله حق انه يسبني حتى لو كانت المسبة صغيرة ولو كنت انا الغلطان بعد ..والله لو انا مكان الطالب بروح اخبر الادارة واذا ما اتصرفت الادارة في شي اسمه بث مباشر وربي اني لافضحهم.. وما تفكر المدرسة انها اتي تتكلم اذا غلطت على اي حد من الاساتذة..


انا اوجه كلمة وحدة للطالب واقوله لاتسكت عن المدرس لانه صدقني اذا انت سكتت عنه تراه بيسب غيرك ونحن هالشي مانرضاه لاخوانا ..الصراحة انت لازم تروح وترمس الادارة عن اللي استوا لك ..ولازم توقف الاستاذ عند حده.. يمكن انا اكون اصغر عنك بس خذ هالنصيحة مني وخبر عالاستاذ.. وللعلم ترى الساكت عن الحق شيطان اخرس.. وانت ما لازم تسكت عن حققك..



اعرف اني وايد تكلمت وتحرطمت بس والله كل ها الحرة اللي فيني..
تقبلوا احترامي وتقديري..
اختكم:sharo0of