اذا صج حابين تقضون ع هالظاهرة دخلو المعلمين والمعلمات دورات عشان يستوعبون المنهج ويدرسون ويشرحون عدل وعطو الطالبب فرصة يذاكر شوي
انا طالبة ثنويه عامه علمي اشوف ان مناهجنا سهلة << عدا الرياضيات
شو الفايدة لما تدرس طالب ثنوية عامة منهج اول كليه قسم الرياضيات؟؟
ولا الفلسفه اللي مالها داعي والاسئله اللي كاتبينها غلط السنه الطافت مالت الثنوية العامة
معلمتنا مالت الرياضيات مامدها تشرحلنا قاعدة السلسه والمعادلات البارامتريه والاشتقاق الضمني
ولما درت انه في اجازة عطتنا 4 صفحات تمارين + مراجعة القسم بكل تمارينها واجب ويوم الاحد اول يوم دوام امتحان فيهم؟؟
مب حرام .. اهم شي الطالب يفهم مب ينقل وبس
فهل حالة لازم نلجأ للدروس الخصوصية لنكم ماعطيتونا فرصة نتعلم
وباجي المواد شو بقول وشو بخلي
الاساتذه معتمدين ع المدرس الخصوصي والمعلمة تقول انا بشرح وخلو الاستاذ يدربكم ع التمارين
نحن نعرف انه المعلم مب روبوت وبعد نعرف ان الطالب مب كمبيوتر لازم يتدرب عدل ع الاسئلة
قسم بالله حتى يوم العيد كنت اذاكر واحل واجب وماخلصت من واجب الرياضيات الا يوم اليمعه قبل اول يوم دوام بيومين!!
انا اشوف ان احسن حل ترفعون مستوى التدريس عشان مايلجا الطالب للمدرس