اقتباس:
المشاركة الأصلية كتبت بواسطة بسمة أمل }~
هاه هنا أقف مرة أخرى ..


مشاااعر مبعثرة ..

مع جسد هاامد ..

أغلبت عليه الحمى ..

اللهمــ عافنا و إغفر لنا و ارحمنا برحمتك ..

كلمااات يما ارددها داائما ..


أترك لكم الكلمات ..


••••••





نزعل ونتكبر وحنا مـن الطين

والكل منـا صـدّ لا أقبـل خويّـه
نفخر نقول إنا على الصـد قاويـن
وهي علينـا فـي الحقيقـة قويه..

••••••

نشفق على الطيبة و كـ ـسب الكريمين
وهـذي بنـا لاشـك فعلـة رديـه
ننسى نهايتنا وعلى ويـن ماشيـن
وننسى الزمان اللي جمعنا سويـه

••••••

المشكلة ماهـي بحاجـة لتخميـن
ولاهي بعد ياناس صعبـة القضيـه
دق الرقم كيفك هلا فيـك وأهليـن
أنا الخـوي اللـي مزعّـل خويـه

••••••

قلّه : تغيب وصورتك داخل العيـن
ويبقى لحبـك فـي خفوقـي بقيـه
أخوان حنا لو يجـي بيننـا شيـنو مانفتـرق دام المحبـة نـديـه

••••••

خلك قـوي لاتحتكـرك الشياطيـن
قبل الفوات وقبـل وقـت المنيـه
كلّم خويك باطيب الهـرج والليـن
وأعرف جميل الهرج يمسح رديه,

••••••

هذي هي الدنيا من الحيـن للحيـن
لابد بين النـاس تحصـل خطيـه
ومن لايقدّر غلطة أحبابـه الحيـن
يقـرأ حروفـي ويعتبرهـا هديـه

••••••

باكر تمر سنيـن وسنيـن وسنيـن
والكل يرحل في الـدروب المديـه
صدقني تندم وأذكر حروفنـا زيـن
تندم على خلـك إذا غـاب ضيّـه

••••••

دنيا غريبة وأكثر النـاس ماشيـن
وكم صاحـبٍ والله دفنتـه بيديـه

••••





تبارك الرحمن ......
كلمات راقية بمعنى جميل .....تسلسل ممتع نوعا ما ......أعجبني بصراحة موضوعها ........فنحن محتاجون إلى مثل هذه الهمسات وعلامات الإستفهام إلى قضايانا المجتعية ...........جزاك الله خيرا أختي في الله .....
أحبتك في الله حفظك الرحمن وأدخلك جنة النعيم ......
قلمك ما شاء الله مميز !!!