تمديد ساعات اليوم الدراسي هل في مصلحة الطالب ؟

[اهااات قلبي]

السلام عليكم ورحمة الله ..
انا طالبة في منطقة العين التعليمية واضم صوتي لاخواني واخواتي الطلاب والطالبات اللي هم ضد فكرة زيادة مدة الدوام الدراسي ..لانه من صدق الكل يعاني من ضيج الوقت ..وكثرة الواجبات ..والامتحانات ..والتقارير والمشاريع ..والكل يبا درجات عالية ويبا اييب معدل حلو يشرفه ويرفع راسه وراس هله..
وبعدين قبل لا يسوون هالفكرة المفروض انهم يجوفون المدارس اذا كانت مهيئة لاستقبال الطلبة لمدة 8 سااعاات..يعني 9 حصص..وهم بعد لازم يكون شي مراقبة من الوزارة او من المجلس على المقصف او الكانتين ويراقبون الاكل اللي فيه ..يعني انا اعرف وايد بنات لقو السندويجة معفنة (لونها اسود ) وواايد بنات لقو فيها دود ووااايد بنات لقو فيهاا شعر ..وين المراقبة ؟!! واذا يبنا اكل من البيت صادروه عنا وكتبونا تعهد وتوصل لانذار بحجة مخالفة قوانين المدرسة ....لا والشي اللي يقهر انه الادارة نفسهم والمعلمات محد منهم يشتري من المقصف لانهم عارفين اللي فيه بس يرضون انه نحن نشتري منه ...
المعلمات اكثرعن مرة انجوفهم مطرشين ع المطعم والا يايبين وياهم من البيت ..ابي افهم ليش يعني ؟!! هم يشتغلون ونحن لا؟!!!
مابي اطول عليكم بس اتمنى انه الجهات المسؤولة اتعيد النظر ف زيادة مدة الدوام الدراسي ..ويكون احسن لو يلغونه ع الفصل الثاني انشالله ..لانه صدق محد رايم يتحمل اكثر .. الكل وصل حده .. واايد طالبات انتقلو للمدارس الخاصة ..لانه دوامهم اقل ..
ف النهاية اشكر منتدانا الراقي والمتعاون ..واتمنى انه حد يسمع صوتنا وشكاوينا ..

مع تحياتي وتمنياتي لليميع بالنجاح والتوفيج اختكم
اهـــ قلبي ــــااات