اقتباس المشاركة الأصلية كتبت بواسطة bant_alhammadi مشاهدة المشاركة
السلام عليكم
اشحالكم؟

عندي كم سؤال بخصوص الدراسة ف بوظبي
الكلاسات تكون مختلطه؟
تخصص علوم المختبرات كم سنة؟
انا هالسنة ان شاء الله رايحة 11 علمي .. بغيت أعرف اكثر عشان أتحمس للكلية
وبخصوص التسجيل لو اني كتبت كلية فاطمة للعلوم الصحية في ورقة الجامعات دايركت هم بيودون أوراقي ولا لازم انا اروح أودي اوراقي
وبخصوص المواصلات ف بوظبي؟مافي مواصلات بالمره؟؟
والإيلتس لازم انيبه ولا عادي نروح الكلية من دون هالشهاده؟
عليكم السلام ورحمة الله وبركاته
بخير ربي يعافيج من صوبج ؟

هيه الكلاسات مختلطه بس البنات فصوب والشباب فصوب ثاني
اعتقد بيودون اوراقج بس عشان تطمنين اكثر سجلي بروحج احسن
المواصلات مب متوفره لكن في بنات بروحن متفقات وشي باصات توديهن وتردهن

عادي اذا ما يبتيه بتدخلين السنة التأسيسية وعقب بتيبين الايلتس ان شاء الله - سنوات الدراسه 5 سنوات مع السنة التأسيسية .. بالنسبة لتخصص علوم المختبرات هالتخصص مب موجود فالكلية ( عندنا بكالوريوس تمريض + دبلوم رعاية صحية اوليه بس يمكن يفتحون تخصصات يديده ع سنتكم ) صراحه انا مابا اقلل من حماسج بس ان شاء الله تزورين الكولج ونسويلج تور فاليوم المفتوح او اي وقت انتي حابه تنورينا فالكلية - اصلا في زيارات للمدارس فالاوبن دي بس اتمنى اعرف انتي من اي مدرسه؟؟ عسب نطرش دعوه لمدرستكم للاوبن دي وتشوفين الكلية وتقتنعين بروحج ان شاء الله

حياج الله اختي