من كتاباتي مسرحية عن اعادة التدوير ..

[مصلح فهد الإحبابي]

(مسرحية عن إعادة التدوير)
الابن : السلام عليكم ورحمة الله وبركاته.
الوالد :وهو سرحان وعليكم السلام ورحمة الله وبركاته ياهلا والله بولدي.
الابن : اشفيك يأبوي سرحان.
الوالد : يرى سلة المهملات مليئة فيقول ،ولدي أنا الحين ابغي اعرف هذا الزبالة كلها وين بتروح.
الابن : يأبه في شي أسمة إعادة التدوير.
الوالد : متعجب ، شو هاذي بعد أول مرة اسمع بإعادة التدوير.
الابن : اعادة التدوير هي كل شي أستعملناه من أوراق أو حديد يدخلونها في الآت حديثة وتطلع من الآله بشكل جديد جاهز للاستعمال.
الوالد : مستغرب ، وابوي يالله العفو و العافية هذا سحر يا ولدي معليك من هذا الكلام كله تراهم يقصون علينا علشان ياخذون دراهمن.
الابن : يأبه الله يهديك في العلم الحديث ما في شي أسمه سحر لأن الناس الحين تطوروا ما عادوا يستعينون بالسحر في حل مشاكلهم.
الوالد : أنزين أنا أبغي أشوف بعيني كيف يسون هذا الي تسميها اعادة التدوير.
الابن : خلاص يأبوي بسير وياك للمحل الي يبيع فيه ألة اعادة التدوير.
الوالد : توكلن على الله بس لو ملقيتك صادق ياولدي في كل هل الكلام الى قلته والله تنكسر هذي العصا على ظهرك.
الابن : وهو يضحك ، لا انشا الله بتشوف كل شي قلته بعينك ورح تتأكد من كلامي ان كان صح او غلط.
الوالد : وهم في الطريق ، يالله وين المحل.
الابن : يابوي الصبر زين.
الوالد : ياولدي انت بعدك شباب و في كامل صحتك اما انا يحافظ اشوي وانام في الشارع.
الابن : ولا تزعل يابوي وهذا المحل وصلناله.
الوالد : وهو داخل المحل ، السلام عليكم ورحمة الله وبركاته.
البائع : وعليكم السلام ورحمة الله وبركاته ياهلا والله بلوالد.
الوالد : خلصنا ياولدي أنا تعبان رونا الآلة السحرية هذي الي ترجع كل شي مثل ما كان.
الابن : يابوي كم مره قلتلك هذي اسمه آلة اعادة التدوير.
الوالد : المهم رونا هذي الي قاله الولد.
البائع : تأمر امر يالوالد.
البائع : يخرج الآلة ، هذي هي الآلة.
البائع : ولابعد انت يالوالد بسويلك خصم 25%
الابن : الوالد ممقتنع بانه في شي اسمة اعادة التدوير.
البائع : لا انشاء الله يقتنع فيه لأنه رح اعطيه نبذة عن فائدة اعادة التدوير
الوالد : قول ياولدي نحن نسمعك
البائع :1. تحمي الثروات الطبيعية
2. تقلص النفايات
3. إجاد فرص عمل جديدة
4. تحمي الطبيعة والاقتصاد في المواد الأولية.
وفي بعد الكثير بس ما ابغي اطول عليك
الوالد : يالله ياولدي رون التجربة بسرعة
البائع :انشا الله
البائع : يدخل ورقة مستعملة في الصندوق وينتظر قليلا فيخرجه من الجه الاخرى وكأنه جديدة جاهزه للاستعمال .
البائع : شفت يالوالد مفروض انه كل بيت يكون فيه آلة نفس هذي
الوالد : ما شاء الله معقوله العلم وصل الى هذي المواصيل.
الابن : يابوي الناس وصلوا القمر وانت بعدك على هذي الآله.
الوالد : ينظر الى الجمهور قائلا ، أنصح كل واحد منكم يأخذ مثل هذي الآله لانه بصراحه عجيبه وتحافظ على البيئة وتحمي الأشجار من القطع وتزيد من الوعي عند الناس في الأتجاه الى حماية البيئة.
الجميع: يدن بيد لحماية كوكبنا من التلوث البيئي الذي يهدد حياة بعض الكائنات الحية والبيئة.

مع تحيات الكاتب:مصلح فهد الاحبابي