[frame="2 10"]
و الله مش عارفة شو بدي أحكي و لا شو . . الشراكة جابوها على أساس عشان يطورولنا التعليم .. بس الظاهر صار العكس.. مستاوانا تدهور ..و نسبنا نزلت كتييير.. و ما بندرس شي مهم أو حتى بينفعنا بحكم إنا في ثانوي "المرحلة الأخيرة قبل الجامعة".. الشراكة بتستهزء فينا و في قيمنا .. و أكبر مثال على هيك.. في تحية العلم بيكونوا بيضحكوا.. و آخر مرة عملولنا استبيان (هل أنت شخص محترم؟).. بالله عليكو هادا سؤال بينسأل؟؟!!... fficeffice" />>>
ولا موضوع الدوام اللي لل 4 العصر .. لو روبوتات كان تعبنا!!.. يعني بنداوم 9 حصص بنرجع ع البيت على الأربعة بيكون ايوم كلو ضاع .. بدنا ننام و نصحى ندرس و نعمل مشاريع و تقارير .. وكمان شغلة جديدة اسمها "تعليم ذاتي".. طيب برأيي ما نداوم أحسن .. ولا ندخل منازل .. إحنا أصلاً من الحصة السادسة بنكون ميتيين تعب .. و ما بنركز .. فداوامنا لل أربعة ع الفاضي..>>
و بالنسبة للمواد.. بحكم إنا شراكة.. فعيب عندهم الواحد يدرس من كتاب .. عشان هيك منهجنا عبارة عن ورق عمل .. و انت دبري حالك مع الفهم.. يعني لو غبتي يوم .. ما فيه مرجع تدرسي منو اللي راح عليكي!!.. كل مدرسة شركة غير عن التانية.. فكل مدرسة بتعطي أهدافها و المسات يدرسو على كيفهم.. و الامتحان بيجي غير عن اللي درسناه تماماً.. و المنهج أصلا صعب و مش مفهوم ومن كل شي بندرس شوي .. و كتيييييييييير مش لحقيين نخلصوا .. فاليوم بناخد 100 فكرة.. وما عنا مرجع أصلا ندرس منو ولا نراجع حتى.. يعني شو بدو يكون وضعنا السنة الجاية مع الشراكة في الرياضيات؟؟!! ثانوية عامة و ندرس الرياضيات من ورق.. و إحنا علمي كمان..>>
مع كل هادي الضغوط علينا .. حياتنا خربت من كل النواحي.. أنا عن نفسي بعد ما كنت وحدة دايماً مبتسمة و بتضحك و بنكت .. صرت على طول مكتئبة و زعلانة و مخنوقة .. و مش طايقة حد وما بضحك و مش عايشة حياتي .. وكإنو كل هموم الدنيا فوق راسي.. و عيلة بطلت حتى أشوفهم .. عايشة زي الغريبة معاهم .. ما بعرف شي عنهم ولا فاضية أتكلم معاهم.. ولا حتى بقعد مع ماما نص ساعة ف اليوم.. و حتى مستواي كتيير نزل .. يا ريت بس هيك.. كل يوم بكون مصدعة وما بشبع نوم .. و جسميي بوجعني و مرهقة ..و ما إلي نفس أكل أو أعمل أي شي .. و أنا متأكدة إنو أغلب الطالبات و الطلاب زي حالتي .. >>
يا ريت يحسوا فينا و يساعدونا و يخفيفوا عنا المناهج و الدوام .. و يهتموا فينا.. و يراعوا إنو إحنا بشر مش روبوتات..و يحطوا كتاب للرياضيات و يخفيفوا المنهج .. لإنو إحنا هيك هنضيع.. و هما حيخسروا جيل بحالو.. >>
[/frame]