تمديد ساعات اليوم الدراسي هل في مصلحة الطالب ؟

[x00x-21]

الأحد 14 ذو القعدة 1430الأحد 14 ذو القعدة 1430
والله مش راضي ابدا ولابقتنع حشا مب دوام هذا

[labress]

والله العظيم يا ناس.....نحن عندنا 7 حصص كل يوم ...سمعت يقولون أن مدرسة السلام إلي في البرشاء بس خمس حصص..
المهم ...كل حصة عندنا 55 دقيقة ! يعني قولوا ساعة..إنزين
الفسحة الأولى 15 دقيقة ..ويييين الرحمة؟؟ والله يعينا ..صفنا فوق والمقصف تحت..يعنى يوم أنزل وأوصل لباب المقصف بسسسس..يدق الجرس ..شو كلييت؟؟ يالله ماشي الحال.
الفسحة الثانية ..مال الصلاة..10 ..10 دقائق يا ناس ..بس! ما أظني في مدرسة جي اتسوي غير مدرستنا ..ولا يمدحونه بعد..يالله تحملنا..
متى انرد البيت ؟؟4 إلا خمس...سمعتوا..يالوزارة..4 إلا 5 يعني شو؟؟؟!!!! .......ماشي وقت حق المذاكرة طبعا
والله العظيم ,, أيها السامعين والسامعات..في يوم... كللل المعلمات عطونا واجب و يبون الدفاتر مرتبة وبيجمعون اليوم الثاني ...اتخيلوا..بديت من أول ما أذن المغرب ليين ..تتوقعون متى ..أول ما أذن الفجر!!! تخيلوا..لا بعد جاستني حمى!! وداومت عسب كان عندي إمتحان..إحياء ..وأبلة الإحياء قالت حتى لو الشخص عنده عذر ,,ما بعيد الإمتحان...شوفوا الذل,, شوفوا القسوة بعينه في مدرستنا...طبعا أغلب الأبلاوات جي..بس ..هم بعد عندهم ظروف ..و يتعبون شراتنا .. بس هم كبااار ..والله !
يعني يساوون عقلهم بعقلنا ؟!........
والأغرب من الخيال ...أني ما خلصت ترتيب دفتر الرياضيات ..حد تعب مثلي؟؟ طبعا باقي الصف كملوا شغلهم الصبح أول ما داوموا والبعض ما رتبوا ..فالمعلمة شو قالت؟؟ ما بجمع اليوم ..كرهت عيشتي!!!!
أوووووووووووووووففففف ..((إرحمكم من في الأرض..يرحمكم من في السماء ))
وسلامتكم..(-_-)

["دمـي ولا دمعه أمـي"]

وربي وربي تعبنااا نحن لين الحصه الخامسه يالله ياللله ولا بعد شراكه كلله عتنقليزي ف عنقليزي وقولولنا من دام كلله انقليزي ف شوو بنفلح اونكم الطورون المنامج وربي هب حاله .. وع قولت الاخت ما نحصل وقت ندرس وا نضهر مشاريعنا والله هب حاله عيل ابصم بالعشره انه نص المدارس بتقفل من كثر الرسوب الي فيهاا .... وبعد شووو ... هيييييه تخيلكم والاكل من دام طولتو الحصص ليش ما تحطون اكل سنع شرات الناس هييه الاداره تفوووح من ريحه الاكل ونحن نشم وبطنا من صوب يكفخ عمره ... حسوو فينا ياااخي ع قولتها صمون ياابس ما شهر والعصير من كوكب ثااني .... سنوو هازاا كلاام ماافي جيين موول ... واللله حراام علييكم هئ هئ حسوو حسو ولو شوييه عيشوو معاناتنا اليومييه انتم يوعانين من الصبح ليين السااعه 4 ونص ويالليت نتريق ع لحم بطنا من الصبح ... هب كنه زوتها ,, او كانه انتو عاد بتهتموون يلا وراي تصحييح امتحانات هههههعععع

[روح البداوهـــ]

قههههههههههههههر

حسسوني الحين بنحرر فلسطين.. هع

[+طالب+]

hmmmmmmmm

i agree

[إسلام]

واللله هذه مو حالة نحن نتعب وايد بغد الدراسة للحصة التاسعة وما نروم نفكر

[ريم العين]

[frame="9 80"]
أنا أرجع البيت الساعة 2:00 لكن أختي ترجع الساعة 4:30 متى بيتغدون ميى بيدرسون وبيدرسونا ما أقول غير الله يعين على هذي الدراسة.

مع تحياتي ريم العين
[/frame]

[فتى الإسـلام]

* من طلب العلا سهر الليالي .
* قال تعالى : (( يرفع الله الذين آمنوا منكم والذين أوتو العلم درجات ))
* وقال تعالى : (( إنما يخشى اللهَ من عباده العلماء ))

أريد أوجه كلمة للمعارضين :

انتو الحين ما تتحملو 5 ساعات ، والدول الأجنبية كيف تطورت في العلم والاختراعات ـ تدرون انو كان الشخص يقضي غالبية وقته في الدراسة وطلب العلم وانو العالم في الدول الأخرى ليس له راتب محدد يعني مثلا يقدر ياخد يلي يطلبه ، ليش ؟؟؟ لانو ما يفضى ليرفه نفسه
كل وقته يقضيه بالختراعات العلم والتجارب ......
وين الحين نحنا // الله يهديكم ويساعدكم

[بـالهداوه]

انا الصراحه مب راضيه ع هـ الوضع ،


أوصل البيت الساعه 4 ومرات اتأخر اكثر ،
وفـ المدرسه ما اكل شي بسبه اكلهم والله ما ينأكل ، ويوم انييب اكل من البيت قالولنا ممنوع ، والله انا طول اليوم ايلس ع الماي بس ..


والله اللي يبا يسوي رجيم يداوم فـ المدارس ..

أصلا البنات من تبدا الحصه السابعه يبدا التسطيل ، المس تشرح وكل الصف راقد ، مادري حق منو تشرح ..!


حتى رقاد ما اروم ارقد من سبه كثره الواجبات والامتحانات و التقارير ..
والمسّات ما يراعون هـ الشي ، كل ما قلنالهم ماشي وقت قالولنا شي وقت بس انتو تظيعونه ، ~> اي تضييع وقت الله يخليكم عندنا 5 ساعات تقريبا فـ البيت ، والله ماشي وقت ..

[Lekando]

اقتباس:

المشاركة الأصلية كتبت بواسطة ALAS

السلام عليكم

تم تمديد ساعات الدوام في العام الدراسي الحالي الى تسع حصص ؟

الأسئلة التي تدور في المجتمع كثيرة منها ..... ؟

هل البيئة المدرسية مهيأة للدراسة لفترة ما بعد الظهر ؟
هل الاستيعاب سيكون جيدا ما بعد الحصة السابعة ؟
هل وهل وهل ؟؟؟

نحن هنا في الخليج قد نختلف كثيرا عن أوروبا في مسألة الوقت والطقس والعاداات والتقاليد فلا يمكن الاعتماد على ماهية المنهاج الدراسي وكثرة الحشو الذي يحويه وفترة الإنتهاء منه وعدم الأخذ في الاعتبار المسائل الأخرى المترتبه على هذا القرار ...

هناك تساؤلات وآراء كثيرة .... أود من أولياء الأمور والمعلمين والطلبة مناقشتها هنا لكن من دون تجريح فالكل يستطيع إبداء رأيه وإعطاء مقترحاته ومحاولة إقناع الوزارة بوجهة نظرة

وهنا أضع بين أيديكم هذا الإستطلاع عن مدى رضى المجتمع عن تمديد ساعات اليوم الدراسي

في أكتر من فكرة بدل التمديد إنهمـ يعطونا يم السبت دوام صباحي فقط 7 حصص و غيره

لأن لو الأسبوع كله كل يوم 9 حصص بتكون حصتين أكثر على الفاضي

و الـ 9 حصص بيكون الطالب مرهق و ما بيكون في وقط كافي للدرسة و حل الواجبات

لأن أكيد في كثير من الطلبة ما بيكونو مستوعبين الدروس

شكراً على الاهتمام و انا ابديت رأيي

تحياتي

Lekando