اللي قدم امتحان القبول في جامعة خليفة .. مهم

[عبيرة]

السلام عليكم ورحمة الله وبركاته..
خواتي..

مشكورات على الرد

بالنسبة لامتحان الفيزيا الحمدددددددلله انه انلغى

اما امتحان الرياضيات فخوفتوني!
انا شفت الاسئلة اللي حاطينها في موقعهم! ما كانت صعبة وايد ولا كان فيها لوغاريتمات من الاساس!!
كلها كانت خيارات وعبارة عن 18 سؤال؟!

معقولة يكون في نموذج ثاني؟


اما عن الحصة فمستحيل ..
صحيح احس نفسي ناسية كل شي في اول وثاني ثانوي
لكن ما صدقت افتك من الدروس برد ادخلها مرة ثانية !!


وردًا على سؤالج انا وافدة ..


وترا اتصلوا فيني وامتحاااااااااااني يوم الاربعاااااااااااااء
غير اني في دورة ايلتس .. يعني ما احس في وقت اسوي شي !

وهل في شي من الصفوف القديمة؟؟
اول وثاني ثانوي؟؟؟؟؟؟!!

بليز لا تقولووووووون يس!!


وشي اخير.. ترا هم يوم اتصلوا فينا قالوا لنا امتحان فيزيا ورياضيات وكمبيوتر وانجليزي!
يعني قالوا فييييييزيااا!!

[طير مبرقع]

السلام عليكم والرحمة

اشحالكم عساكم طيبين

انا مقدم بعد في جامعة خليفة ولين الحين ما حد رد على

حتى مسكووول ما سولي..خخخخ

شو الحل
والمشكلة انا ما سجلت الا في هاي الجامعة..

بيليــــــــــــــز حد يساعدي شو اسوي

شكلي بتخبل على آخر ايامي..


السمووووووحة

[علمي وبس]

طير مبرقع حالي حالك
بس هم يبدون من أعلى نسبة لأقل نسبة
وبعدين اتريا شوي

امتحانات القبول إلى 10/7



عبيرة
الإداريين اللي كلموج يمكن ما عندهم خبر
التغى امتحان الفيزياء هذي السنة بس
وانا يومياً اتصل فيهم
ورحت عندهم وسألتهم
قالوا ماشي امتحان فيزياء

والله اعلم


امتحان الرياضيات امبلا فيه لوغاريتمات
سؤال 21 مثلاً
وبعدين الامتحان مو 18 سؤال
30 سؤال!!!!!!!

وفي اول صفحة مكتوب الأشيا اللي بيمتحنونا فيها
اللي هي:
Computing and Algebra
Functions
Straight lines and Quadratic Equations
Indices and Logarithms
Trigonometry
Complex Numbers
Polynomials
Inequalities



الا ما قلتي لي
كم نسبتج؟

^_^

[طموحة تطالب بالعلم]

السلام عليكــــــــــــــم ..

شحالكم يالعربان؟


والله بغيت أستفسر لكن

أنا مسجلة فيه من 5 ايام تقريباً بس بغيت أسألكن شي نماذج امتحانات الرياضيات في موقعهم ..؟

وامتحان الانجليش كله اختياري ؟؟

والمقابلـــة شو معظم الاسئلة اللي سئلوج و جم كانت مدة امتحان الرياضيات - الانجليش - المقابلة ؟؟؟


شيخة ابوظبي / ما شاء الله امتحنتي و سويتي الانتر فيو وافتكيتي ياحيج بس على أي هندسة ناوية .؟. ^^

علمي وبس / الله يكون في عونج و إن شاء الله يقبولونا، على شو ناوية تدشين من الهندسة ؟؟


و


السموحــــــــــــــة، سألتكن وااايد .. (=

[-- شيخة بوظبي --]

!!!

ماخذين درووس و حالة

مب شراتي أكبر طاف .. كنت مسوية حفلة السبت و سهراانة و نشيت الاحد مصدعة و تعبانة و امتحنت بدون دراسه ولا شي !

و تراا الامتحان الي امتحنته في الجامعة مايخصه بالي فالموقع .. أصعب بوااااااااااااااااااااااااااااااااااااايد ..

و القبول انا قالولي عقب اسبوعين من امتحانج .. و انا من زماان ممتحنة .. و قالولي بعد تقريباً بنص 7 بالكثير بيطلعون النتايج ..

طموحة تطالب بالعلم \\ الامتحانات كلها اختيااري و عالكمبيوتر .. و شي نماذج بالموقع .. و المقابلة الي اذكره انها كانت سوالف خخخخ .. يلسي عندهم و عبري عن مشاعرج خخخخخ ..

و أي ثنك مدة كل امتحان ساعة ..

و أنا مقدمة ع هندسة كمبيوتر .. أند يووو؟!

[علمي وبس]

حتى أنا هندسة كمبيوتر..هع
الظاهر كل العالم في هندسة الكمبيوتر

عيل بغير..هع..

شيخة بوظبي:
ترا امتحانج صعب لأن نسبتج صعبة..خخخخ
يعني نسبتج عالية ودرجتج في الرياضيات عالية
عشان كذي..
هم يبون ناس شاطرين (النخبة)
مو يذاكرون ويفلحون
وهم لما عطوج هذا الامتحان
يبون يمتحنون قدراتج
مو شطارتج ومذاكرتج

فهمتي علي كيف!!
يعني الامتحان يناسب درجتج ونسبتج

أنا مثلاً..
بيكون امتحاني أسهل
لأن نسبتي منخفضة
ولازم يكون يتناسب مع قدراتي
عشان كذي أنا مستانسه
لأن..
صحيح نسبتي منخفضة
بس لأني (بيني وبينج)
ما أذاكر

وهذا سبب الفرحة اللي أنا فيها
هع..


الله يوفقج غناتي
وياااااااااااااااااااا رب تنجحين ويقبلونج
يااااااااااااا رب







اوك..
بالنسبة للكمبيوتر


هذا اللي وعدتكم فيه

http://www.study4uae.com/vb/study4ua...96/#post852068





ادعولي

[-- شيخة بوظبي --]

انتي منوو قص عليج و قالج كل واحد و امتحانه يناسب قدراته؟!

كلنا كنا نفس الامتحان بس ترتيب الأسئلة غير !!

صح نسبتي حلوة بس درجتي في الرياضيات مب ذاك الزود

لا تحطين آمال على الامتحان .. ولا ترمسين فشي ما تعرفينه ..

وايد بنات نسبهم أقل عني وو بعد قالوو الامتحان صعب .. يعني ماا يخصه !!

الصراحة أكره الفلسفة و الكلام الي ماله معنى

[علمي وبس]

واااااااااااااااااو

ليش عصبتي!!!!!


يممممممممممممه




أنا سألت وايد
تعرفين..
من ثاني علمي وانا ناويه اسجل في هذي الجامعه
فصار عندي خبرة


يا ماما
أنا اقصد أن الامتحان مستواه غير من يوم لثاني
مو في نفس القاعه وامتحاناتكم غير

أنتوا اللي في نفس اليوم
هم حاطين في بالهم أنكم كلكم بمستوى واحد تقريباً

لكن احنا قوم الثمانين مستحيييييل يحطون لنا امتحان بمستوى امتحانكم
أقل عن مستوى امتحانكم


وهم لما حطوا امتحانكم
على أساس أنه على مستواكم
عاد كيفكم
شفتوه صعب ولا سهل


وبعدين انا ما غلطت
حرام استانس
لان نسبتي كانت خايسه
وجعدت اصيح
طول عمري وانا اجيب 94 وما فوق
وعلى آخر سنة 88.5

مستانسه لان بحطوني بمجموعه قوم الثمانين
وانا صحيح نسبتي في الثمانين
بس مستواي بالرياضيات
مستوى قوم التسعين

يعني الامتحان بيكون سهل


منو المتضرر!!!
انتوا
قوم التسعين
اللي في الرياضيات مثلاً في الثمانين

عطوكم امتحان على اساس انكم قوم التسعينات
وانتوا في الرياضيات ثمانينات
اللي رفعكم المواد الثانية

انظلمتوا يعني




واكتشفت أن حتى المصيبه خير
نسبتي الخايسه كانت لي خير وانا ما أدري
الحمدلله والشكر لله






وبعدين..
ليش تعصبين
حتى انا ترا اعرف اعصب

والله!!

[-- شيخة بوظبي --]

لااااا مايخصه ..

الي امتحنو عقبي امتحانهم بمستوى امتحاني و يمكن أصعب بعد !

[عبيرة]

السلام عليكم ورحمة الله وبركاته..

أختي/ علمي وبس..

فعلا الكلام اللي قلتيه ما له أساس من الصحة..

قبل كل شي .. صلوا ع النبي..

أنا نسبتي 98% .. وما امتحنت لحد الحين .. وامتحاني يوم الأربعاء.. شو رايج؟؟!



غناتي/ شيخة بوظبي ..

ممكن تقولين لي شو ياج في امتحان الرياضيات..؟؟
أي شي تتذكرينه..

أو بمعنى آخر.. أنا ما باخذ دروس ولا شي .. شكلي حالي حالج ما بدرس امتحاني اصلا بعد يومين..
بس لو تنصحيني أراجع أي كتاب ؟؟ ثاني ثانوي؟؟
ما جابوا لكم مشتقات وتكامل؟؟؟

أنا تاااااااايهة وماعرف شو أدرس

نسبتي الحمدلله ما شاء الله عالية .. لكن ترا أي شي من السنة الماضية ماعرف فيه كلمة

كانت تدرسنا مدرسة يدوب تعرف اسمها وما كنت آخذ دروس .. فاللوغاريتمات بالذات ما أفهم فيها شي !!

يا جماعة والله خوفتوني ..

أحلم كوابيس بالامتحان!!