أستفساراتكم حول كلية فاطمه للعلوم الصحيه

[مساعدة سريعة]

السلام عليكم

عساكم على القوة

ومبرووك للي انقبلوا وشدوا حيلكم
أول شي الكليه معترف فيها بعمان وهذا انا متأكد منه من موقع الملحقيه الثقافيه العمانية بالامارات
https://www.caa.ae/caa/desktopmodule...rograms_a.aspx

ثاني شي اختبار القبول حسب ما اختبارت انا بالكويت كان عن احياء وكيماء ورياضيات وانجليزي
وثالث شي اللي اعرفه انه اللي يتخرج لازم يشرط يخدم الكليه او مستشفيات الامارات اتمنى احد يتاكد
من هالشي

رابع شي اني خريج دبلوم عالي تمريض عام صيفي وقبل كم يوم استلمت اوراقي وما يمديني اسجل
لاني خريج كلية التمريض بالكويت والاول على الدفعه وما يمديني ارجع واعادل الشهاده بعمان وارجع
اعادلها بالامارات لانه التسجيل بيكون منتهي ولكن حبيت استفسر عن هل فيه تسجيل بالفصل الدراسي
الثاني يعني هل يوجد تسجيل لبدء الدراسة للفصل البعد القادم

خامس شي مدري الكليه للبنات اللي اعرفه انةه بنات وشباب بس اشووف هنا كله بنات >>> بدينا تفرقه

للناس المقبوله وخصوصا من العمانيين شدوا حيلكم واي شي تبونه بالتخصص انا موجود واي كتب + امتحانات
+ ملخصات +اوراق انا موجود

ولعلمكم لما تتخرجون ما راح تتوظفون بعمان على طوول الا بعد ما تجتازون اختبار الجداره الوظيفيه يعني فيه اختبار توظيف + اختبار عنجريزي


وبالتوفيق

وعليكم السلام
بس احنا قالو لنا انه جست انجلش اجزام ما في بييولوجي ولا شمست ولا ماث
حتي باستمارة الالتحاق مذكور ريسالت للانجلش والماث
وبالنسبة للعمل الاجباري ما توقع مافي خطتهم انه طول ما انت تشتغل عندهم يسحبون من راتبك
عى اساس يطون من الدين اللي عليك للدراستك
اللي اعرفه الكلية ما تستقبل شباب مو من الامارات
اي ثينك انك تبغي دراسة تكميلي يعني تاخذ البكالوريوس ؟؟؟
بس التسجيل ينتهي نهاية عالشهر سوي همه وراكض بالاوراق مايبغالها كثير
الى حد علمي انه ف تسجيل للفصل الثاني والله اعلم
عذرا على اللخبطة بالكلام لاني بيزززززززززززي وان شاء الله نستفيد من الامور اللي ذكرتها معك
وفقكم الله

[زهرة القلب]

بس اختي
كيف الامتحان

لما نسجل ويتصلوا لنا هل هو تحديد مستوى او شو؟

[غرنوووجه]

السلام عليكم <<<<
أبي اسأل إذا في راتب شهري لطلاب أثناء الدراسه؟؟؟؟
أنا سجلت في الكليه ولما سألتهم عن إعلان أسماء المقبولين قالولي بيتصلون أو بينزلون الاسماء على موقع الكليه<<<
إذا اي أحد يعرف رابط موقع الخاص للكليه يكتبه لي ولكم كل الشكر تقبلوا تحياتي!!!

[روح الخزامى]

بس اختي
كيف الامتحان

لما نسجل ويتصلوا لنا هل هو تحديد مستوى او شو؟

هلا الغالية
تقريبا تقدرين تقولين انه تحديد مستوى مهاراتج فاللغة الانجليزية

حياج الله اختي =)

[روح الخزامى]

السلام عليكم <<<<
أبي اسأل إذا في راتب شهري لطلاب أثناء الدراسه؟؟؟؟
أنا سجلت في الكليه ولما سألتهم عن إعلان أسماء المقبولين قالولي بيتصلون أو بينزلون الاسماء على موقع الكليه<<<
إذا اي أحد يعرف رابط موقع الخاص للكليه يكتبه لي ولكم كل الشكر تقبلوا تحياتي!!!

عليكم السلام ورحمة الله وبركاته

هذا البند تحت الدراسة يعني هو موجود بس بعده ما تطبق .. الراتب اكيد لمواطنين الدولة
وهذا رابط موقع الكلية
http://www.fchs.ac.ae/FCHS/

يمكن ما يفتح عندج ناو لانهم يعدلونه .. فيه تحديث وجي بس ان شاء الله ينفتح جريب

السموحه ع القصور =)

[روح الخزامى]

اقتباس:
المشاركة الأصلية كتبت بواسطة روح الخزامى

بالنسبة للتخصص اليديد هو دبلوم الرعاية الصحية الاولية

مدته سنتين او 3 سنوات مع السنة التأسيسية.

/

اما بالنسبة لباند الايلتس المطلوب لدخول برنامج البكالوريوس او الدبلوم بدون السنة التأسيسية هو 6 مب 5

هلا بج حبوبه ..


بغيت بس أنوه أن باند الأيلتس لدخول الكليه هو باند 5 ..

لأن بعض البنات اللي نسبتهم شويه نازله يطلبون منهم باند 5 عسب تقوي فرصهم للقبول ..


أما باند 6 هو بيكون مطلوب بعد السنه التأسيسيه اللي راح ياخذون فيها كورسات أنجلش مكثفه مع تدريبات لأمتحان الأيلتس ..


يعني كل شي تحت السيطره والأمور مسيره بأذن واحد أحد ..




بالتوفيق بنوتات ^^

هلا حبوبة

كلامج صحيح امية بالامية بس انا اقصد بدون السنة التأسيسية مطلوب 6 فالايلتس يمكن وحده ربي يوفقها وتييب 6 سبحان الله وتختصر الدرب شويه بدل 5 سنين يصيرن 4 سنوات دراسة هع^^

تسلمين اختي وان شاء الله نتشاوف جريب السنة اليايه ^_*
حياج الله اختي

[روح الخزامى]

هلا اخوي متفووق عماني

صح كلام الاخت ان الكلية تستقبل طلاب دولة الامارات المواطنين لكن بما ان برنامجك تكميلي تقدر تدرس فالكولج لان في بوظبي عندنا ممرضين عندهم دبلوم فالتمريض يدرسون ويانا .....المهم في تسجيل في الفصل الدراسي الثاني بس بتدرس السنة اليايه يعني ما بتقدر تدرس من الفصل الثاني لان في مواد فالفصل الاول لازم تاخذها عشان تنتقل للفصل الثاني .. لكن اباك تتأكد من قسم القبول والتسجيل عشان تطمن اكثر

02-
4018246

او

02-
4018245

اتمني تتواصل معاهم .. استاذ اسامه بيفيدك فالموضوع اكثر من اي طالب او طالبه فالكلية .. البرنامج التكميلي له متطلبات تختلف شويه عن برنامجنا نحن .. الاختلاف بسيط جدا اللي هو انك بتدرس مواد جامعة جريفث بدون مواد كلية فاطمة ^_^

بالتوفيج اخوي وان شاء الله تقدر تخلص اوراقك قبل انتهاء مدة التسجيل ويقبلونك
حياك الله الشيخ =)

[غرياف]

ياخواتي بغيت اعرف شو نراجع لاني لين الحين مامسكت شي
دخيل الله خبرووني لاني من سنه مامسكت كتاب ولا حتى ورقه

دمتوو بخير وعافيه

[uae 007]

هلاااااا بنات ..

يا مرحبا وسهلا فذمتيه فيكن وفي زميلتي اللي مستانسه بوجودها ( روح الخزامى ) ..

يلا شدن حيلكن ما بقى شي ..

وبالنسبه لغرياف ..

حبيبتي اهم شي لازم تعودين عمرج ع التحدث بالأنجلش ..

وترمسين عمرج أو اي حد يعرف انجلش حولج عسب يصلحلج على قد ما يقدر ..

واذا عندج كتاب قواعد درسي منه يمكن يفيدج ..!


وفي الMath لازم تدرسين الامور الاساسيه فيه مثل الضرب والقسمه والطرح والجمع ..


وطبعا تدرسين انواع القسمه كلها والضرب وكل شي اساسي خذتيه قبل في المدرسه ..


وأذكري الله وتوكلي عليه ..


بس لا تنسين تتدربين على انج تعرفين عن نفسج بالانجلش ..


مثل اسمج وعمرج ووين ساكنه ومن اي دوله وكم عدد اهل بيتكم وكم بنت وكم ولد .... ألخ ..


ويمكن يسئلونج عن مدرستج وهل حبيتيها والا لا .. ومن هالأمور ^^


بالتوفيق الغاليه .

وبالتوفيق للكل ان شاء الله ^^

[متفووق عماني]

وعليكم السلام
بس احنا قالو لنا انه جست انجلش اجزام ما في بييولوجي ولا شمست ولا ماث
حتي باستمارة الالتحاق مذكور ريسالت للانجلش والماث
وبالنسبة للعمل الاجباري ما توقع مافي خطتهم انه طول ما انت تشتغل عندهم يسحبون من راتبك
عى اساس يطون من الدين اللي عليك للدراستك
اللي اعرفه الكلية ما تستقبل شباب مو من الامارات
اي ثينك انك تبغي دراسة تكميلي يعني تاخذ البكالوريوس ؟؟؟
بس التسجيل ينتهي نهاية عالشهر سوي همه وراكض بالاوراق مايبغالها كثير
الى حد علمي انه ف تسجيل للفصل الثاني والله اعلم
عذرا على اللخبطة بالكلام لاني بيزززززززززززي وان شاء الله نستفيد من الامور اللي ذكرتها معك
وفقكم الله

بخصوص الامتحانات مال القبول تختلف من جامعه لجامعه
بخصوص الدراسة مدري اذا كان يقبلون أبناء المواطنات
ما مهم اذا كان ما يقبلوني كعماني بس هل يقبلوني كإين مواطنة ؟؟!!!
يس أنا ابي بكالوريس تكميلي وانا اعرف اني لو رحت استراليا بس بسنه اقدر احصله
لانه معاي دبلوم من كلية التمريض

بخصوص تسجيل هالشهر ما فيني همه لاني بعدني جالس بالكويت عندي دوره
شاكر لك على الرد واذا تحتاجون اي شي حنا بالخدمه

هلا اخوي متفووق عماني

صح كلام الاخت ان الكلية تستقبل طلاب دولة الامارات المواطنين لكن بما ان برنامجك تكميلي تقدر تدرس فالكولج لان في بوظبي عندنا ممرضين عندهم دبلوم فالتمريض يدرسون ويانا .....المهم في تسجيل في الفصل الدراسي الثاني بس بتدرس السنة اليايه يعني ما بتقدر تدرس من الفصل الثاني لان في مواد فالفصل الاول لازم تاخذها عشان تنتقل للفصل الثاني .. لكن اباك تتأكد من قسم القبول والتسجيل عشان تطمن اكثر

02-
4018246

او

02-
4018245

اتمني تتواصل معاهم .. استاذ اسامه بيفيدك فالموضوع اكثر من اي طالب او طالبه فالكلية .. البرنامج التكميلي له متطلبات تختلف شويه عن برنامجنا نحن .. الاختلاف بسيط جدا اللي هو انك بتدرس مواد جامعة جريفث بدون مواد كلية فاطمة ^_^

بالتوفيج اخوي وان شاء الله تقدر تخلص اوراقك قبل انتهاء مدة التسجيل ويقبلونك
حياك الله الشيخ =)

اول شي عساك على القوة وما قصرت
وتسلم على الارقام بكلم احد هناك يتصل ويتأكد
والله يسهل للجميع



وشدوا حيلكم


ما عقدني اي مقرر بالكلية الا الباثوفيسيولوجي