ضرسي يعورني هعهع

[دلاعة ابوها]

آآخ آآخ ضرسي يعورني



قبل 10 سنوات تقريباً

تبدأ القصة لما بديت اشتكي من ضرسي و كله يعورني ,, فقلت خلني اروح لدكتور الأسنان و أشووف شو السالفة ,, و كانت هذي أول مرة ,, المهم دخلت و قال لي الدكتور اقعد على الكرسي و لما شفت الكرسي و الأدوات اتروعت و شردت من الغرفة و السستر تلحقني و مسكتني و انا ما افكر غير اني اظهر من الغرفة و لا شوي اشوف علامات اظافر السستر بيدي ,, مسكينة تحاول تمسكني علشان الدكتوور يرضى عليها ,, هع هع ,,و انا زاد الخوف فيني و لا شوي و القى عمري برع الغرفة ,, بس أمي ما خلتني بحالي من هذاك اليوم ,, كله تقول انتي مفشلتني عند الدكتور ,, هع هع .. و عدت الأيام و كل شيء صار زين و خف الوجع ..




قبل 8 سنوات تقريباً
ضرسي الثاني بدا يعورني من يديد و هذا كان معدووم أساساً ,, قلت خلني اجرب قوة تحملي و رحت للدكتور بس أمي ما كانت وياي ,, و لما دخلت الدكتور قال هذا يباله خلع ,, قلت ما عليه بنسوي اللي يقوله و انا خيفاانه و لا اشوف الدكتور يايب ابرة ,, فقلت بسوي نفس الحركة و بشرد بس ما نفع طلع الدكتور مسكر الباب ,, قلت أمري لله و قلعت ضرسي ..



اليوم ...

من شهر بدا ضرسي الأولاني يعورني و انا خايفه اسير للدكتور و يصير لي نفس المرة اللي فاتت ,, المهم لما ما قدرت اتحمل رحت و حطا لي الدكتور مسكن ألم و حشا ضرسي بمعجووون ((ما ادري شو ها)) ,, و اليوم كان لازم اروح عسب يقتل العصب ,, و أوني مسويه عمري بريئه قعدت على الكرسي و أنا مبتسمه للدكتوور و قلت له خلاص خف الألم فقال هذا مفعول المسكن ,, و أنا اكلمه قال لي دلووعه قومي من على الكرسي ,, و جاان استانس بس قال اذا رد يعورج ارجعي لي لان مفعول المسكن بيخلص ,, المهم طلعت من العيادة و لما شوي أحس بالوجع بس من كثر الفشيلة ما قدرت ارجع للدكتووور و هالمرة أمي كانت وياية و جان تزفني و قالت انتي كله تفشليني ,,هع هع ...
______________________________________
هذي قصتي مع الدكتور ...
ما حصلت لكم اي مواقف ؟؟>> اذا حصلت لكم قولوها هع هع

<!-- / message --><!-- google_ad_section_end -->

[kaito-kid]

خخخخخخ مواقفك صراحة عجيييييييييييييييييييييييييييييييبة تموت من الضحك

انا عن نفسي سرت للدكتور مرة قبل 3 أشهر تقريباًَ، قلت له إن ضرسي يعورني ، قاعد يفحص يشوف شو المشكلة ، بعد شوية قال مافي شئ وما أبي أشوفك هنا مرة ثانية

يعني طلع ما عندي تسوس ولا بطيخ

[دلاعة ابوها]

خخخخخخخخخخخخخ
يسلموو عالمروور الروووعهــ^__^"

[بائعة الريحان]

صراحة حتى انا بس من سنة تقريبا
رحت لدكتور شاف ضرسي وحط لي حشوة وعطاني موعد على شان اكسر الضرس
كانت ايام مدرسة امي نست ان اليوم الموعد وانا اسو عمري ما اعرف سرت المدرسة
وب صراحة عورني وايد حتى انه يجيب الصداع والضرس بعد سنة هذا هو مكان ما تخير من شي
وما يعورني