السّلام عليكم و رحمة الله و بركاته
يسعد صباحكم و مساكم بكل خير و طاعة . .
الإسبوع الإوّل عدى على خير
الحمدلله أغلب الإمتحانات كانت سهلة إلا إمتحان اليوم
" الفيزياء " هههه صعب و الله !
آ آ آ المهم يوم الأحد عندنا إمتحان كيمياء.
صحيح إنها مادة دسمة ، لكن حاولوا تقرونها و تفهمونها
الحين عندنا خميس/جمعة/سبت، ذاكروا في هالأيام
.
.
أولاِ : حاب أقول للمس مالنا ( شكراً ) على كل شي شرحتيه لنا طول هالفترة.
وو هالورقة المس مسوتنها حبّيت أحطها لكم عشان تستفيدون منها.
ثانياً : هذي الدروس و الصفحات اللي بتدخل في الإمتحان،
طبعاً مع المشاريع اللي أخذناهم.
* أضغط على الصورة عشان تتكبر و يطلع واضح.
ثالثاً و أخيراً : في المرفقات حطيت لكم ورقة فيها شو الدروس الداخلة،
و كيف تذاكر الكتاب و أوراق عمل و إمتحانات محلولة ووو الخ.
،
- همسة -
في الملف بتلقون كلام باللون الأزرق و تحته خط
إضغطوا عليه عشان يطلعلكم المطلوب.
حمّود - مشرف G10