ساعدووني أنا أغبى انسانـه فهالوجووود صدق اني مريضة ادخلو ل

[سريدا المريضة]

السلام عليكم أرجوكم ساعدوني أنا ماأفهم شي الابله فالصف تشرح الدرس وأنا ياغافلين لكم الله كلهم بقولولي سريد االغبية ... سريدا الغبية راحت... سريداا الغبية رجعت
آآآآه تعبت من حياتي أمي تكلمني سااااعة بعدين أقولها هااااا شتقوليين غبااء فيني مش طبيعي ماتتخيلوون كيف أنضرب فالبيت عشان بس أفهم تعودت عالضرب والاهانات صرت اذا ماانضربت أحس في شي غلط أعصب وأتنرفز ... سااااااااعدوني ولاتضحكوون عليي شسوي؟؟

[Major-NaZ]

ثقي بنفسك و وحاولي تحذفين الرسائل السلبية من راسج و دائما فكري بالايجابي
واهتمي بالرياضة والغذاء الصحي و تثقيف نفسك عن طريقة قراءة الكتب
وتوكلي على الله في كل شي

[BANOTA (A]

حاولي تثبتين لهم انج غير عنهم
اقري وااايد
اقعدي على النت اقري قصص
اذا قالو لج انج غبيه قولي لهم محد غبي الله عطا الناس كلهم اعقوول
وانا عندي عقل الحمدالله



واتمنى اني اتعرف عليج
ممكن .........

["yuya"]

الصراحه كلام "Major-NaZ و BANOTA (A" صحيح فحاولي تتقيدين فيه

[مقامي]

لا اله الا الله

اختي حد يقول حق عمره جيه
الله كرم الانسان عن كل خلقه باعطائه نعمة العقل
اختي للناس قدرات واحد فهمه قوي واحد متوسط واحد محتاج مساعدة
بس مب معناته انج نفس مايفهمون الاخرين
حاولي انج تبيني للناس انج شخصيه مميزة
انج انسانه واعيه اقرئي ، تصفحي ، حاول اي شي تسمعيه تحفظيه والوسيله الاولى اقري قران تمعني فيه شوفي انتي تفهمي القران ولا لا وانا متاكدة انج انسانه ذكيه جدا جدا عن كل الي يقول العكس

وبالنسبة للدراسة حاولي قبل ماتاخذي درس اقريه بالبيت حاولي تحفظي اقريه مرة مرتين بجو هادي حتى لو تفهمي ربعه

حبيبتي ثقي بنفسج واعتني بنفسج أكثر

[همسات الليل]

لا تهتمين بكلام اي شخص


لانه كلام الاشخاص اللي حولج يأثر عليج


حاولي تطنشي كل شئ ينقال حقج

وقولي الحمد لله عندي عقل


ركزي واهتمي وحاولي تفهمي

محد فهالدنيا غبيييييييي


كلنا عندنا عقول يا حبيبتي


بس انتي ركزي واهتمي وثقي بنفسج


ولا تخلين حد يهز من عزيمتج ولا من ثقتج

[سريدا المريضة]

فديييييييييييييييييييييييييييييييتكم والله

بحااول انشالله

أنا بقولج كلمتين
دامج عرفتي تسجلي في المنتدى وتكتبي هالكلام .....أنتي مب غبيه
ما شاء الله عليج أتعرفي تتواصلي مع الناس وتشرحي موقفج
هذا مب غباء في عندج شرود وتسرحين وايد طبعا هذا وراه أسباب أنتي تعرفيها وطبعا هذا الي يخليج فاقده التركيز
ركزي على الكلام وطالعي الشخص الي يكلمج وشوفي النتيجة

[صديقة الطفولة]

أجعلي لسانك مليئ بـ الإستغفار وبـ الدعاء وابقي في تواصل دائم مع اللهـ
اسألي مجربة عزيزتي فأنا قد صابتي هذه الحالة فترة وهي النسيان الشديد وعدم التركيز مع أننا ما زلنا في سن الشباب
لكن والحمدللهـ بعد ذكري للهـ كثيرا وحفظي لآيات اللهـ الكبيرة زال ما كان بي
هذه نصيحتي
فجربيها !!
موفقة
.~.~. في أمان الله .~.~.

[BANOTA (A]

حياتي والله
لا تسمعين رمستهم فها الدنيا
الكل يبي مصلحته
اكتبي فغرفتج انا ذكيه
هب غبيه
وكل ما تدخلين غرفتج
بتتشجعين
وبتقولين نعم انا ذكيه
وبثبت لكم هذا
لا امي ولا ابوي واخوي ولا اي حد في هالدنيا
بقول لي غبيه انا حالي من حالكم
عندي عقل
انا رببي خلقني بحسن صوره
والحمدالله على هالنعمه

حاولي تتفلسفين عليهم اشوي اقري اشياء غريبه
وقعدي معاهم وقولي لهم انا اليوم عرفت جذا وجذا

والله يفقج حبيبيتي

(الدنيا ما تسوى ياعمري ماتسوى)