ذكر زايــــــــــــــــــد

[عائشة*]

السلام عليكم ورحمة الله وبركاته

ذِكْر زايد
شعر: محمد بن راشد آل مكتوم

استظل بْاسم (زايد) كل ليله وكل ليله في منامي له حضور
من أغَمّض عينيْ إتْشب الفتيله وأشْهده وأشاهده وِيْشِع نور
من جبينه يشْعِلْ الظلما شعيله وْهَمْس صوته لي به تْطيب الصدور
ما يعادِلْه البَحَر ما شي عديله لا ولا مِثْله ترى تْجِيْب الدهور
ترْكَعْ الدنيا على بابه ذليله وْتنحني لاجله عظيمات الأمور
يا اسم زايد لو لْزايد وسيله لو دقيقه بس وحده في الشعور
ألمس ايدينه وفي عينه أشَيْله هو أبويه وْخَالي وْشَيْخ العصور
قالوا المومن ترى قلبه دليله وانا قلبي إيْحِس به بين الحضور
دوم أشوفه في (خليفه) لى مثيله نَفْس (زايد) في الكرامه والظهور
مَعْ (محمَّد) واخوته نِعْم السليله الشيوخ اللى لهذي الدار سور
إخوتي وأهْلي وانا ما قِلْت عَيْله يوم أقول أنّي بهم عِزِّي يثور

منقول

قبل أن تخرج أكتب دعاء للمغفور له الشيخ زايد بن سلطان آل نهيان -رحم الله-آمــــين

[نونو الاماراتية]

^^

اللهـ يرحم شـــيخناا
و يغفـــر لــهــ
و يدخــلهـ فسيح جناتــهـ

امــين

[بنـت زايـــــد]

^^
اللهـ يرحمه
و يغفـــر له..