حفل هيلوين بنات جامعة زايد

[فوتوجونيك]

بعض بنات الجامعه في يوم 28 اكتوبر مسويات حفلة هلوين في نادي الفرسان ومطلوب لبس تنكري وشوفو مين ممكن يندس وسط البنات في مثل هالحفله بدون ما حد يعرفه احنا بلد اسلامي وما نبا بناتنا ينجرفون ورا هذي العادات علما بان اللي تبيع التذاكر من هالاشكال اللي يسمونهم ايمو مثل ما خبروني بنات الجامعه وسعر التذكره الوحده 100 درهم

كما وصلني علما اني اعرف بنات في الجامعه للاسف اكدو لي الخبر

حسبي الله ونعم الوكيل ارجو ان تصل للمسؤوولين ويتم عمل اللازم بخصوص هالموضوع

بنات وسيدات الامارات الموضوع خطير وانا بس ودي افهم وين اهل البنات اللي خططو ونسقو ولفو عالنوادي الخاصه وحجزو القاعه ووين الاهل اللي وافقو على ان بناتهم يسيرون مثل هالحفلات
ولا تقولون التذاكر تنباع في الجامعه ومعروف من اللي بايحضر ترا مش كل البنات مثل بعض بعضهم بتكون نيتهم بس يغيرون جو وينبسطون والبعض الاخر عندهم نوايا منحرفه وممكن البنت تشتري اكثر من تذكره وتعطيها اللي تبا واذا اندسو بينهم اولاد مثلا منو بيكشفهم خصوصا ان الحفل خاص وماحد له سلطه يتدخل

اللهم اهدي بناتنا وشبابنا وابعد عنهم شياطين الانس والجن واصلح نفوسهم وارهم الحق حقا واعنهم على اتباعه وارهم الباطل باطلا واعنهم على اجتنابه اللهم من اراد بشبابنا شرا رد كيده في نحره