السلام عليكم’ و رحمة الله
و بركاتة ,
. . صباحكم/مسـآكـم’
. . ~> خير و طـآعه
؛
[ شحـالكم شيوخـي , عساكـم بخير
,

/ ~>

حـآسب
نفسك قبل ان تُحـآسَبْ . . .
,

اظن هالمقوله , مرت على اغلبنـآ
!!
. . . . , جربتوا ؛ تدققون فيهـآ
,
تفججونهـآ و تفهمون معناها
’,
. . , تحاولون تطبقونـها
!!

. . انا كنت دوم اسمعها , دققت فيها , فججتها
, فهمتها , طبقتها ,
لا!

اليوم . . بس ركزت فيها , عرفت معناها صح
!

اليوم , صدق قررت اني احاسب نفسي
,
قبل لا اييني حساب ربي واقعد متلومه ليش سويت جي وليش سويت جي
,!

اليوم بس , فكرت فيها جد
!

. . . . لين متى بنتم ناجل نحاسب انفسنا لـ "بـآجر"
اللي هب راضـي ايي!
. . . لين متى و نحن نقول "لا بسمع
هالاغنيه بس" و نلقى ان سمعنا مليون الف اغنيه
!
. . لين متى و نحن نقول "عادي , عقب بتو و و و ب" . .
, !
. . . لين ما تنقفل ابواب رحمت ربك
!
. . . , لين ما تحس ان الوقت فات
!
لين متى . . تحاسب غيرك و "تنسى" او "تتناسى"
نفسسك!
. . . , لين ما تبدى تتحاسب
!

على طاري باجر , ترى هذا باجر كان " امس" و
"بارحة امس" و "قبل بارحة امس" و
"قبل شهر" و يمكن "قبل سنه"!!

لا والله ماشاء الله وايد قريب
,حسيتوا!
انا حسيت بالغبـآء اللي فينـآ , حسيت اننا يهال , كأن ماما تقول حق
بيبي : باجر بعطيك حلاوه و هي اصلا ما تبغي تعطيه , و كل
يوم و هي تقول حق البيبي : باجر , باجر ! . . , بس متى باجر , حتى نحن ما نعرف
!
اغلبننا يعرف , و قدر يستغل هالـ"باجر" ,
!




لين متى , و نحن نقول "كان الله غفورا
رحيما " و ننسى "ان الله شديد العقاب"
!!

. . لين ما ينزل علينا "سخط" الله
!
. . . . , لين ما "يبتلينا" ربنا بالعذاب
!
. . , لين ما "يزول" عننا كل نعم ربنا
!

دوم الناس تردد " كان الله غفورا رحيما" . . ,
بس هالشي هب يعني ان ترتكبون معاصي لين ما تشبعون , لان الله غفور رحيم , صراحه
مالك حل!!! , انزين مع انك تعررف . . , " ان الله شديد العقاب" وين راحت هاي , ولا تحذف الجزء اللي ما
تبغيه و تكتب "جزء من النص مفقود" !! , يعني عبط
احسس ,. وايد ناس جي للاسف تقول لها ان "يا فلان لا تسوي جي" بس اييك جواب مبرمج
انه يقوله " ان الله غفور رحيم" اظن هب حافظين جمله "عربيه
فصحى" غيرها!! , نعم يعني , جد كل انسان فينا يحتاي يحاسب نفسه , عشان ما يغلط و
يغلط و يغلط ! . , و عقب يتمادى في الغلط , و ينسى نفسه !

انا بشر نسيت نفس وانا اسمع الاغاني , العربي و
الانجليزي , ما نفرق معاي , المهم اسسمع!!

. . كنت و لين الحين , بس احاول اخفف , من يومين و الحمد لله ما سمعت
ولا اغنيه الا مقطع بسيط سمعته في الدوام اليوم وبعد بنات كانن مشغلات و انا مريت
عندهن ما انكر , كانوا حاطين اغنيه انا وااااايد احبها و ارتبشت وياها شوي بس عقب
شسمه يعني احترمت نفسي وسكتت , و انـآ احمد ربي و اشكره اني قدرت اخفف , لانه مضره
لي و لغيري , بسمع انا و بطرش المقطع لغيري حتى لو كان مجرد "كلام" , غيري بيعجبه
الكلام , بيحطه في "google" و في اقل من دقيقه تلقونه لقى
الاغنيه , هذا اذا ما سال الشخص اللي طرشله عن "المغني" +
"اسم الغنيه" , انت بتكسب ذنب , و اللي سمعها عقبك بيكسب
ذنب و انت بتكسب ذنبه بعد , و هذا بيطرشها لغيرك و عيرك بيسمع , بيكسب ذنب وانت بعد
بتكسب ذنب , , لييين كل هالذنوووب . . , من مقطع كنت تقدر ما تطرشه
!


لين متى "نغفل عن الطريق الصحيح" . . , و
نركض في "طريق الضلال"!

. . لين ما نحس ان
كفت "ذنوبنا" ترجح اكثر من كفت
حسناتنا"
. . . , لين ما "نحلم" بشي يخلينا
نتراعد من الخوف !
. . لين ما نسير عند مطوع عشان يساعدنـا
في الشفاء من "شي مـآ"!
. . لين ما نحس ان
مالنـآ "شغله" في هالحياه!

نحن بدينا نحس ان مالنا شغله في الحياه
, غير التخريب , في احد منكم قال . . انا بسير اكفل يتيم , انا فكرت اليوم , الشغله
والله وايد سهله , ما تاخذ وقت حتى ’ بس كل شهر تمر الهلال الاحمر . . , تعطيهم
مبلغ "150" و تتطمن ع اليتيييم و حالته , اصلا اذا كان الشي
من خاطرك بتحبه , بتستمتع فيه , بيعجبك
!


لين متى ونحن نجوف جدامنا "ناس
تموت" و ناس "تنولد" . . , بس ما نفكر في
الموضوع!
. . , لين هالانسان "مات"
.!
. . " و ليش ها "انولد"!
. . . , ليش ها "انشل"
!
. . , ليش ها " مرض"!
. . . , ليش هاي " تطلقت"!
. . ليش ها " خسر
بيزاته"!
. . , ليش نحن "عايششششششين"!

كله على بعضه , بقدرت قادر , اوكي
فاهمين هالنقطه , بس بسطوها شوي ,
ليش مرض؟. . ,
ابتلاء من ربنـآ , و يمكن يكون عقـآب , او اختبار لايمـآن العبد
!
. . . , و جوف عاد انت كم تتعذب يوم يكون "عقـآب" . . , ربك يبتليك
بالمرض لانه "امهل" . , بس الله "يمهل ولا يهمل"!! . . , يمكن ربك عطاك اكثر من
فرصه و ما تبت , اتيك الفرصه لين عندك و ترفسها , ناقص الا تترجاك وتقول "دخللك
اخلاقك بس هالمره" . . , نعم يعني ! . . , جد في هاي [مالك حل] . . , يعني اتيك
الفرصه و ما تبغيها ! . . , ربك رحمك يوم ان ابتلاك , يعني بعده عندك فرصه تتوب ,
وينك عن اللي ربك "توفاهم" بعد ما اعطاهم فرص و ما اتعضوا
!
ليش ها انولد !. . انولد "يعبد ربه" . , هب
يسمع اغاني , هب يلعب ع كيفه , هب يعصي لين ما يشبع
!

ليش "خسر بيزاته"!. . , ابتلاء , او لامه يلعب
فيهن , يعقهن بس جي , ما فكر يتبرع , ولا بدرهم واحد , ما طرت في باله فكرة ان في
غيره محتايين , ما قدر النعمه اللي عنده , ما شكر ربه , فكرة ان الناس اللي اقل منه
"ولا شي" . . , راسخه في مخه !!! . . , ليش زييين ,
كلنـآ بشر , ناس , بني ادمييين , والله هب حيوانات اللي ما
عندهم فلوس , حرام انا الاحظ هالنقطه في وايد ناس اغنياء , او ان حتى الناس اللي
ربك معطنهم بيزات , يمكن و قل القليل منهم اللي يراعون الناس اللي من الطبقه اللي
اقل منهم , ليش زين , الحمد لله عندنا نعمه غيرنا هب محصلنها , ليش ما نحمد ربنـآ ,
تراه واجب , و النعمه زواله حبايبي , احمدوا ربكم على كل حال , حتى لو ما كنتوا
اغنياء , حتى لو كنتوا في نظركم فقراء افقر شي !! . . , في
اسوء عن حالتكم !!


. . . /~>