تجربتي في الآيلس و التوفل ...
السلام عليكم و رحمة الله و بركاته ....
طبعاً الايلس او التوفل هو أهم شي عشان نقدر ندرس التخصص اللي نباه وفي ناس تمووو عليه سنين لين ما حصلوه ، و السبب انه الاغلب
يقولون صعععب و نحن نمشي وراهم ... و أنا كتبت هالموضوع عشان أقولكم عن تجربتي فهالامتحانين و كيف الواحد يختار الانسب لقدراته
و بإذن الله تنجحون من أول مرة بس لازم تجتهدون و تشوفون قدراتكم تناسب الايلس ولا التوفل ...
1- التوفل ....
واللي امتحنته 4 مرات ... و تقريباً سعر الامتحان يتراوح مابين الـ 350 و450 ،امتحان التوفل عبارة عن 3sections...
أول section بيكون الـ listening .. و هو عبارة عن 40 سؤال ... طبعاً أول شي تسمعين conversation قصير و كل شوي
يطول الحواار ...و الاسئلة في التوفل كلها اختيارية ... و طبعآآآ اول شي نقراا الاجوبة الاربعه و عقبها بنسمع الحوار و في نهاية الحواار بنسمع
الاسئلة ... يعني الاسئلة في الليسنينج ما بتكون مكتوبة بس الخيارات الاربعه .. و اغلب الاسئلة مابتكون مبااشرة كلها
what they mean by that?! يعني اغلبه يخص القصد من هالكلام اللي قاله شخص...و طبعاً هذا اووكي للمتمرسين في الاستماع في
الانجلش و اللي وايد يطالعون برامج انجليزية ... و درجة النجاج فهالسكشن 20 ووفووق ....
ثاني section هو الـ grammer و نفس الشي 40 سؤال متنوعين مابين اختياري و ضعي خطاً على الكلمة الخاطئه!!! و تخص القواعد كلهااا
عاامة و لازم تنتبهون انه كل سؤال تحلونه لازم تحلونه على اساس القاعدة اللي تعلمتوها مب ع اساس انه الاغلب ينطق هالجملة جي .. لانه الاجانب
اغلبهم يوم يتكلمون ما يراعون قواعد لغتهم ... و نفس الشي النجاح من 20..
ثالث section هو reading و يعتبر اصعب سكشن و اتوقع فيه 4-5 فقرات مب ضروري نقراها كاملة بس أهم شي نقرا الاسئله و ندور عالاجوبة
وبيكون اول سؤال في الـ reading عن العنوان المناسب للفقره و بتكون في اسئله تخص الفقرة و في اسئلة تخص معاني بعض الكلمات و في اسئلة تخص
الضمائر و على منو يدب هالضمير..!! تقريباً بيكون شرات المدرسة ...
التوووفل عامة منااسب للي يحبون قوااعد الانجلش و انا مب من هالنووع ...يعني امتحنته 4 مرات و اعلى درجة يبتها 440 معني حاولت اذاكر من كتب ا
لكامبردج ..و هذا ما يعني انه التوفل صععب بس هو يناسب اللي يركز على القواعد في اللغة ..و الامتحان كله عباره عن 120 سؤال و الدرجة المطلوبة لكل
الجامعات 500 ..و اذا فكل section يبنا 20 بنييب 500 بالضبط ... و ع فكرة هو نوعين ibt اللي هو بالكمبيوتر و الكتاابي و انا امتحنت الكتابي ...
و أنا قريت هالكتابين واستفدت شوي منهم و وياهم سي يدي للتدريب على ال
listening و هالكتابين مال الـ tofel-IBT بس تقريبا هو نفسه باستثناء
ال writting ..
http://up.top4top.net/uploads/2011/1...05f13d1d51.png
http://up.top4top.net/uploads/2011/1...05f13d1d52.jpg
.....
و التوفل نوعين iternational و Local و الفرق انه واحد فيهم توفل عالمي .. يعني شهادته معترفه عالمياً و الثاني مؤسسي ..
شهادته معترفه داخل الجامعه اللي امتحننا فيها ...و هو عاامة لغته امريكيه و في فرق بين الانجليزية البريطانية و الامريكية في بعض تصريف
الافعال و في اشيا ثانية بعد وهو نفس المنهج المطبق على طلبة الثانوية الحين و انا درسته بس سنة عسب جي حسيت اني ماعرف شي فيه .....
قبل كان التوفل هو الاسهل للجامعات لان درجة النجاح كانت 400 و انا 3 مرات يبت اكثر عن 400 ،لانه تقريباً 400 هي الدرجة اللي ييبها اللي
مستواه متوسط ف الانجلش وو الحين الاغلب يهتمون بالايلس و يدربوون للايلس لانه هو الاسهل بالنسبالنا نحن .. لاننا اغلب الانجليزية اللي تمرعلينا
هي بريطانية و نحن مأسسسينا على البريطانية و اعتبر امتحان الايلس امتحان يكسر الملل مب شرات التوفل لان الايلس اسئلته متنوعه و مب كلها اختياري
و لا كلها كتابة ...
2- الآيلس ...
بصراحة امتحان الايلس امتحان اسهل بوايد عن التوفل اللي تميت فيه اكثر من سنة ولا فلحت لانه ما يخص القواعد بالدرجة الاولــى ... يعني
درسته ف أقل من شهر تقريباً و الحمدلله نجحت فيه,, من اوول مرررره .. و سعر الامتحان 875.. و التسجيل يكون في الكونسل او التقنية
أو بعض الجامعات .. وهو نوعين general traning و academic و انا امتحنت اكاديمك و بخبركم عن الاكاديمك لانه هو المطلوب
للجامعات...
الامتحان عبارة عن 4section..
أول section هو ال listening و هو عبارة عن 40 سؤال ...
و يقسم لـ 4 parts و كل باارت 10 اسئله..
بارت 1 هو اسهل باارت .. بيكون فيه 10 اسئلة و اغلب شي يكون ع شكل جدول ... بارت2 يكون على شكل مخطط و لا خريطة .. أنا مالي كان
خريطة و اكتب اسامي الاماكن و ضرووري نكون عارفين الاتجاهات و اللي انت دووم الخبط من بينها .. و أنا اول ما شفت انه سؤالي خريطة ع طول
كتبت الاتجاهات عشان ما أتلخبط و أنا اسمع .. و يمكن يكون على شكل توصيل ..بارت 3 .. يمكن يكون على شكل جدول أو براجراف فيه فراغات
وايد ... و بنسمعه على جزئين .. بارت 40 .. اصعب باارت عاادة بس انا ف امتحاني كان اسهل باارت .. يكون ع شكل جدول أو فراغات بس المهم
اننا بنسمعه كله مره وحده ... يعني مب مجزء ...
نصيحة : اول ما تبطلون الـ book مال ال listening بتسمعون الانتستراكشن بس نحن نعرفها و قارينها ف النت وماله داعي تنتبهون لها ..
ع طول بدولوو الصفحة و شوفو اسئله البارت 1 و في وقت من بين كل بارت و اللي وراه حق قراية الاسئلة ..انتبهو عالاسئله زين وشوفو شو المطلوب
منها ..
و طبعاً في نهاية السكشن عندنا وقت عشان ننقل الاجوبة لورقة الاجوبة ... 10 دقايق..ووقت ال section كامل هو 40 دقيقه تقريباً ... و طبعاً
المفروض انكم تكونون متدربين عليه زين ..و هالموقع وااااااااااااااااايد بيفيدكم ف كل السكشنات و خاصة اللسنينغ
http://www.ielts-exam.net/
تدربووو ع الـ 13 امتحان .. بس انتبهوو لا تيلسون طول الوقت تعيدون عسب تلقطون شي امتحنوهم جنهم امتحان .. يعني تسمعون مره وحده و اذا
ما لحقتو ع سؤال سيرو للي وراه بدون اعااادة .. و ان شااء الله ما بتييبون اقل عن 5.5 ... و هالنصاايح اختي خبرتني عنها و سبحان الله نحن ا
اثنينتنا يبنا نفس الدرجة في هالسكشن..
نبيي حق section2 و اللي لوع بجبدي .. reading وكان فيه 3parts .. و الوقت ساعه..و الاسئلة تتنوع مابين صح و غلط و توصيل
افكار الفقرات و فراغات.. الاغلب يشتكي من هالسكشن و اولهم انا .. لاني تقريبا تميت في اول بارت نص ساعه ولا قدرت احل فيه شي .. بس
الحمدلله يبت 4.5 يعني اكثر شي ترومون تييبون في الصح و الغلط درجات و ف التوصيل اما الفراغات فـ هي اصعب شي ... بس اهم شي ركزو
عالتدريب .. تدربووو.. انا ما تدربت الا شووي ...
section3 و اللي هو writting و عبارة عن 2tasks ...
task1 و اللي هو عن وصف graph ...
يابوولي رسمة اوصفها ... اهم شي نعرف كلمات تساعدنا ف الوقت ..مثلا .. ارتفاع بنسبة..
ارتفاع حاد.. تناقص .. استقرار ...
و هاي بعض الكلمات الي استفدت منها ...
* اثناء زياده عاديه الخطوط ..
Increase / increased
* زياده قويه جداً في فتره قصيره ..
Sharp increase / Sharp increased
* اثناء النقصان + النقصان القوي ..
Decrease / decreased
Decline / declined
* عندما يبقى على نفس المستوى و لا يزيد و لا ينقص
Remain steady
* لو تغير تغير طفيف جداً
Barely change
* نظره عامه للرسم البياني إذا كان فيه تقلبات و عدم انتظام نكتب هذه الكلمه ..
Fluctuate
* كلمات نستخدمها بين كل جمله و جمله ..
Then
After that
Also
For example
According
*كلمات عندما يكون هناك مقارنه بين شيئين ..
While
However
*كلمات لو ابغى اقول وصل لنسبه هذه تقريباً يعني قبل ذكر الرقم
Reach / reached
Approximately
* الكلمات المستخدمه في الاعلى ..
The most
Most of
* في الاقل
The least
Less than
* المتساوي
A similar number of …
As many …. as ….
طبعاً هاي الكلمات لقيتها ف النت و وايد استفدت منها و هذا الشكل النهائي للجراف ..
.
The graph ( shows , illustrates , provides ) information about …………
الموضوع ..
تلخصون اللي ف الجراف ... مثلا تكتبون شو اعلى نسبة و شو اقل نسبة او توصفون الاختلاف
في الفترات الزمنية .. و تلفون امثله لحلول في الجراف في الموقع اللي كتبته ..
وعادة مايكون عندنا جرافين .. فهالحالة نكتب عن الجراف الاول و الثاني و عقب نقارن من بينهم
في الخاتمه...
& الخاتمه
نوجد علاقه بين الرسمتين ، او نذكر انه الزياده او النقصان سيستمران ، او تذكر شي مميز حدث..
To sum up , …………………………………………..
ممكن تقولوا توجد علاقه طرديه بين ..... و .......
To sum up , there is a positive correlation between ……. and …………
أو توجد علاقه عكسيه بين ....... و .......
To sum up, there is a negative correlation between ……. and …………
طبعـآ كل الشكر لعضوة في منتدى مبتعث عن التوضيح بخصوص الجراف و انا نقلته عنها و
ضفت عليه ...
... task2 ... essay\
اكثر شي يكون عن ابدااء الراي او موافق و غير مواافق ...
مثال ...
Modern lifestyles mean that many parents have little time for their children. Many children suffer because they do not get as much attention from their parents as children did in the past
To what extent do you agree or disagree
حل المثاال ..
Modern lifestyle mean……………………………. . Some people argue that it is good and useful. While others want to change this idea. In this essay I will (discuss / argue ) this is not good for ……… .
Some people believe modern lifestyle have a lot of positive things. One reason is that ( it is , they are )………. ,Furthermore, ( they , it ) ………………….. . Moreover
…………………….
However , modern lifestyle is a bad things event in the present . First of all, ( they , it )………. .Secondly, ( they , it ) …………………… . thirdly, ( they , it )…......… . Finally
..................................................
.............., In my opinion
.................................................. .................,In summary
ولا تنسون تخلون سطر ف بداية كل فقره ... و لازم تكون عندكم وايد كلمات لانها ف الاكاديمك واااايد يحاسبون عالكلمات عكس الجنرال و
تكتبون اكثر عن 250 كلمة ... و انا عطوني 4.5..
نييييييي لآآآآخر سكشن و اللي هو احلى سكشن ...
speaking ... و هو اعتبره اسهل سكشن و نصيحتي لازم تكونون واثقين من عمركم يوم تحلونه و تراوون انه عندكم كلمات و تكونون
اوك في المحادثة و اغلب الاسئله تكون نقاشيه .. يعني بيناقشونج ع شي معين او عن ربيعتج و عن سلوكياتها وجي ... و انا يبت فيه 6..و
هو اللي رفع درجاتي ..
وللايلس .. بتفيدكم كتب كامبردج .. واللي هي من 1-7 .. بس اتوقع سعتها كبيره و اذا تبون بحاول احملها لكم...
و بالتوفييييييييييق للجميع .. و اتمنى انكم ماتنقلون موضوعي بدون ذكر المصدر ... http://www.study4uae.com/vb/images/smilies/smile.gif
و اترياا استفساراتكم ... http://www.study4uae.com/vb/images/smilies/smile.gif
