ساااعدوني الله يخليكم....خاصة طالبات و طلاب جامعة زايد و الامارات...والله تعبت من التفكييييير ><

بسم الله الرحمن الرحيم

انا الحين طالبة في الثانوية العامة و طبعا هذي فترة امتحانات و بقى لي كم يوم و اخلص ان شاء الله

و المشكلة اني للحين محتارة ع سالفة الجامعة....و المصيبة الاكبر ان آخر موعد لتغير الاختيار بالنسبة للجامعات فـ نابو بعد اسبوع...يعني خلاااص ما شي وقت
والله ما اقدر ارقد من كثر التفكير

انا من بوظبي....و طالبة علمي
و مثل ما تعرفون جامعة زايد ما تفرق عندها الادبي والعلمي
وانا انقهرت ع هالشي...يعني لو كنت اعرف كنت بدخل ادبي وبييب نسبة احسن عن اللي باخذها ف علمي...لكن الحمد لله على كل حال...
(تظل تخصصت العلمي مطلوبة اكثر!!) <<<ترفع من معنوياتها خخخ
المهم...فقررت ادخل جامعة الامارات بعد ما كنت مختاره زايد في المرة الاولى....لكن طبعا غيرت الاختيار مره ثانية و رديت حق زايد

اولا...انا غيرت المره الاولى لجامعة الامارات لان في جامعة زايد ماشي تخصصات علمية...بس لفتني تخصص ف كلية الآداب و العلوم...اللي هو (الصحة البيئية) بس انا ما اعرف عنه شي!!
ف ياليت من طالبات و طلاب جامعة زايد يكلموني اكثر عن هالتخصص و شو مجالات العمل اللي اقدر ادخلها ف المستقبل ان شاء الله و هل هو مطلوب ولا لا ..و يتطلب كم سنة من الدراسة؟؟<<ما تفرق عدد السنوات اذا كنت ف بوظبي و قريبة من اهلي ^^
و اذا درجة سيبا الانجلش 186 و الرياضيات 179..بكوون في أي لفل..واذا خذيت الايلتس بـ شو بيفيدني بالضبط؟؟

و بالنسبة لجامعة الامارات...انا حبيت الاحياء الخلوية الجزيئية في كلية العلوم (احياء) واللي اعرفه انه تخصص مطلوب
بس انا ما اعرف كيف نظام جامعة الامارات...يعني من بعد اللفلات شو ناخذ؟ يعني ندخل التخصص على طول ولا شي جنيرال و مادري شو
لاني الصرااحه ما ودي ابعد عن اهلي مدة 5 سنين...يعني ودي تكون المدة اقل..لاني حاسة اني ما بقدر اتأقلم و انا بعيدة عن امي و ابوي واخواني و اختي t_t رغم اني لو سرت العين ابى اسكن عند يدتي ..لكن بعد انا ما ارتااح هناك واايد....ماشي مكان ترتاح فيه كثر بيتك !!

اللي حابة اسأل عنه...هالتخصص كم سنة تقريبا...و مثل ما قلت قبل اني ماخذه 186 في السيبا و في الموضوع التعبيري 5 و الثاني 4.5 و الرياضيات يبت فيه 179
فـ تقريبا بكون في أي لفل؟؟

و اذا اخذت الايلتس و قدرت اييب الدرجه المطلوبة ان شاء الله...شو بيصير؟؟؟ بدخل التخصص على طول ولا بدرس لمدة سنة ونص وبعدين التخصص؟؟ و التخصص كم سنة تقريبا؟؟

الله يخلييكم ردوو علي و الله بنفجججر من كثر التفكير....خلاص ما بقى لي وقت كلها أياام و اذا ما غيرت بتم ف جامعة زايد ><

اذا كان تخصص الصحة البيئية مطلووب و مجالات العمل فيه حلوة و متوفرة فـ هالشي بيخفف عني شوي

اعذرووني اسئلتي واايدة لكن تدروون ...مستقبل وتحديد مصير