بنتي تأثرت جداً نفسياص و دراسياص بمرضي :(
السلام عليكم و رحمة الله وبركاته
اخواتي واخواني حابه اعرض عليكم مشكلتي يمكن اقدر احصل على رأي او اقتراح يساعدني في تخطيها
انا ام لطفلين فالحلقه الاولى و من اكثر من سنه تقريباً الله ابتلاني بمرض السرطان الله يكفيكم شره
حاولت قدر المستطاع اني ما ابين لأطفالي ان في اي شي
اتألم بصمت و احاول ما يلاحظون ان فيني اي تغيير حتى لو نفسياً ابدا ما ابين لهم
لكن مواعيد المستشفيات زادت و جلوسي فالمستشفى صار اكثر و التعب والارهاق صار واضح جداَ
نسيت اذكر لكم ان اطفالي الحمدلله وما شاء الله متفوقين ومن الاوائل والمتميزين
لكن هذي الفتره أثرت بصحتي و ما صرت قادره اتابعهم مثل قبل ولا اجلس معاهم بحكم الادوية الي آخذها تخدرني و المواعيد الي تاخذ عني نهار كااامل ...
اخيرا فكرت وقررت اني اكلم الاخصائية فمدارسهم وكانت متفهمه يوم قابلتني لكن ابداً ما لاحظت اي مساعده من المدرسة بتشجيع اطفالي او احتوائهم او يزيد اهتمامهم مثلا يشغلوهم بأنشطة غير صفيه او انشطة المدرسة عشان يشتتون انتباهم عن البيت..
لاني ما حصلت اي شي من المدرسة نفسيتي تعبت وصرت احاتي عيالي اكثر من قبل..
مستواهم نزل وانا الوم نفسي ومب بيدي اسوي شي..
معورني قلبي على مستواهم والنسبه والدرجات..المعلمات ملاحظين ان بنتي صارت هادية جدا جدا و و تنسى و تسرح و فالبيت عصبيه وعنيده و على اي شي تنفجر صياح
فعلا انا محتاره همي بنفسي وصحتي وهمي بعيالي ونفسيهم و مدارسهم...
ارجو منكم النصح وشامحوني على الاطالة.
