موضوع مهم قبل كتابة أي موضوع أو رد
السلام عليكم
اخواني/تي الأعضاء
الصراحة وأنا أتصفح مواضيع وردود الصف السادس .
شفت وايد أشياء مب لازم تنكتب أو ينرد عليها مثل (السب , واللعب ,...وغيرها من المواضيع إلي ما اتخص القسم)
نحن امسوين ها القسم عشان انسهل عليكم عملية البحث عن أي شي تبونه في دراستكم إن كان (تقرير أو أوراق عمل أو حلول). لكن البعض يعرقل هذا المسار ويخلي السهل صعب.
كل إلي أبغيه منكم اخوتي انكم:
1- تكتبون العناوين ابوضوح عشان يسهل للأعضاء الآخرين القراءة
2- كتابة المواضيع الهادفة إلي اتفيد المادة وتفيدكم
3- عدم الرد بما لا ينفع
4- انكم تتعاونون في ما بينكم
5- تتعاونون معاي أو مع أي مشرف آخر
لأني الصراحة ما أبغي أحذف مواضيعكم وردودكم عسب شي ما يسوا.
خلونا نبدأ من يديد ونرتب القسم
ومشكورين على تعاونكم
