الي من جامعة العين تخصص قانون يدخل بليز

مرحبااااا

ابا حد يساعدني ويخبرني اذا صح الي بسويه والا خطا كل واحد يقولي شو رايه
انا طالبه في جامعة الامارات تخصص اللغة العربية باقلي سنه وبتخرج وخاطري اسجل الحين ف جامعة العين قانون لان احب هالتخصص وخاطري فيه من زمان لكن ف جامعتنا صعب
يعني عادي اسجل في جامعة العين قانون واكمل بعد دراستي ف جامعة الاماارات لين اتخرج وتخلص هالسنه؟
وهل القانون صعب والا سهل عندكم؟ وانتو تحسون بيكون ضغط عليه جامعتين ادوم فيهن؟
وعاد في جامعة العين اخلي دوامي مب كل الاسبوع مثلن 3 ايام ف الاسبوع
وعلى فكره انا عندي الايلس يايبه فيه خمسه يعني كم سنه يبالي وبتخرج من التحصص؟
وكم طول دواكم ؟
وكم سعر الجامعة
ياليت تساعدوني لاني محتاره وااااااااااايد وابا اهل الخبره ف التخصص يساعدوني

خلصي العربي بعدين تعالي ادرس القانون ,, القانون يباله تركيز اذا تبين تييبي فيه معدل محترم ,,, وحلو بعدين يكون عندج شهادتين بكالريوس ,,, بخصوص فترة الدراسة فما دمتي دارسة فجامعة الامارات فأول شي بتتعادل لج المواد اللي متوافقة مع مواد القانون مثل الفكر الاسلامي الحضارة العربية والخ يعني مواد الثقافة ,,, فان شاء الله لو بتشدي حيلج وبتنزلي فكل فصل 6 مواد والصيفي ثقي انج بتخلصي بحدود سنتين او بالكثير سنتين ونص ,,, أسعار المواد هي600 3 للمادة الوحدة ..... وسلامتج ياليت اكون افدتج ولو عندج اي سؤال ثاني فأهلا ً بـــك وبـــه ^_^