السلام عليكم ورحمة الله وبركاته
اشحالكم كلن بحاله ؟
حبيت اعرف شو الفرق بين الادبي والعلمي
محتاره ماعرف شو ادخل امبين هالتخصصين
يقولوون العلمي صعب ويقولون يباله فهم
ويقولون الادبي حفظ وتعب والادبي له وايد كتب
ويقوولون ويقولوون وياكثر مقاويلهم
اريد اعرف هالاجابه من الي مرو في هالمرحلتين
اتمنى حد يرد عليه
خويتكم الفلاحيه
أختي العلمي أصعب من الأدبي و العلمي يعتمد على الفهم لكن الأدبي على الحفظ
و إذا كانت نسبتج حلوة تقدرين تدخلين علمي و إذا أحترتي صلي إستخارة و أن شاء الله ترتاحين
العلمي صعب بس مب وايد الادبي سهل يعتمد علي الحفظ و دراتنج في الادبي مضمونه اكثر من درجاتج في العلمي يعني في العلمي صعب و يمكن المدرسه اتقوم وتتفلسف
عليج و هذي الطريق للحل ماادري شوفيها و كذا فانج تضمني درجاتتج في الادبي و لا تخسريهن في العلمي و النسبه في الادبي تكون احلي عن العلمي
و ما عليج الي تصلي استخاره و ربج يسهل
ممم العلمي سواء كنتي شاطرة أو كسووله في المراحل السابقة من أول لعاشر ما مهم ،،
أهم شيء العزيمة والإصرار وشووو ما كان لازم اتذاكرين اول بأول وما تصيحين ع كل درجه فاتتج ترى الجامعه يقبلوون اللي نسبهم من 75 او 65 يعني لو كان نسبتج 90 أو 85 انتوا شرات بعض تقدروون تتخصصون دكاتره او مهندسين ،،
العلمي للي عندهم طموح يصيرووون دكاترة ومهندسيين أو لو تبوون تحصلوون ع رتبة عالية فمجال الجيش والشرطه وهووو لمحبين الرياضيات والفيزياء والكيمياء والجيولوجيا
أما الأدبي لا تستهينون فييه
هو الواقع الحياة هو اللي يساااعدج فحياتج أكثر من العلمي
الأدبي أكثر شيء فالجانب الحياة واللي يساعد ع تسهيل حياتنا اليومية ويكوون المواد اللي يدرسونها فالعلمي نفس الأدبي بس الفارق التعمق فالمنهج يكون فالعلمي
والأدبي للبزنز والتدريس والإدارة والمحاماة
وأكيييد فكلا القسمين الحفظ والفهم مهم بس العلمي بكوون الحفظ تحفظ حرف حرف خاصة فالكيمياء لاسماء الغازات والجدول الدوري أما الأدبي يمكن صياغته حسب الفهم ،،
بس نصييحة أخيييره الإستخاره أهم شيء والله انا فالبداية كنت كلا اقووول انا علمي وعلمي لين ندخلت العلمي ويلست شهر وآخر شيء قلبي ما ارتاح وصليت استخاره وحولت للادبي وارتحتت حتى الإبتسامه ما تفارق شفايفي ^^
بس لووو كنت من محبيين الرياضيات والطب لا تحولوون ادبي لأن يمكن تندمووون فالمستقبل فالنسبة ما تسوى شيء فالجامعه أهم شيء الجد والإجتهاد لان الحياة المدرسية للأصدقاء تأثير قوي وحاوللوووا تكونون شخصيتكم الذاتية لأن فالنهاية هاي حياتك ..
سوري طولت علييكم وبالتوفيق للجميع
^
مازيد عن كلام العضو الي فوقي .. أوافقه فكلامه ..
انتي شوفي وين ترتآحين اكثر وشو المواد الي تحبينها وشو حآبة تتخصصين في المستقبل ..
إذا كنتي تحبين االمواد العلمية : الكيميا والفيزيا والأحياء والجيولوجيا والرياضيات وضامنة فيهم ، ادخلي علمي
والأدبي كذلك اإذا تحبي التاريخ والجغرافيا وهالسوالف ادخلي أدبي ..
أنا كنت شراتج فعاشر محتآرة شو أختار ، لإني أحب الجغرافيا والتاريخ وفنفس الوقت أحب الكيميا والأحياء 3>
استخرت وصليت استخارة وسألت أهلي ومعلماتي ،، والحمدلله دخلت علمي وارتحت لإني حطيت هدف فبالي =)
والمواد الي كنت أحبها في الادبي ماخسرتها ،، بالعكس في وقت فراغي أقرا عن التاريخ وأشياء من الجغرافيا =)
والحمدلله ظهرت من حادي عشر علمي بنسبة جميلة وفي التسعين ^^
ولاتسمعين كلام الي يقولوا العلمي صعب ،، ولا الأدبي بكثرة مواده
كلاً من القسمين يحتآج إلى بذل الجهد ، والحادي عشر سهل ^^
إذا اجتهدتي وبذلتي جهدج بتحبينه وبتنجحين وفالج النسبة العالية ..
انا السنة اللي طافت تخرجت من حادي عشر ادبي
بصراحة الادبي ماعليه كلام بس يبون منك الاهتمام
يعني مثلا التقارير تقديمنها اول باول
وعلى فكرة الادبي و العلمي في وقتنا الحاضر نفس الشي
نصحيتي لج : إذا انتي تبين الراحة والاستقرار ادخلي ادبي
اما إذا تبين التعب و الصداع ادخلي علمي
على حسب ما تبين تصيرين في المستقبل
لو كنتي مثلا تبين تصيرين دكتورة دشي علمي مثلا
و اختاري الشي اللي تحسين انج بتبدعين فييييييييييه و بتتميزين
و ترتاحين فيه و تييبين درجات زينة
و الاستخارة ... أضمن لج أكيد
و الله يوفقج يارب
سلام عليكم ورحمة الله وبركاته
خواتي كل وحده داخله على الحادي عشر مارة بالحاله ادبي ولا علمي ..
لازم الواحد بيحب مواد في الادبي وبعد في العلمي بس تبين اتعرفين اذاالعلمي سهل ولا صعب انا بقول لج كيف..
فيزياء عاشر سهله ؟؟ رياضيات عاشر هم سهله ؟؟ كيمياء عاشر سهلة ؟؟
اذا كانت سهله وقادرة عليها سمي باسم الله ودخلي علمي ..
الصراحة يوم كنا ندرس المواد العلميه قاعده اقول ياربي هالدروس مب غيربه عليه ولا القوانيين ..
اخر شيء طلع دروس عاشر بس عليهن اضافااات ومتعمقين فيهم شوي بس سهلة ..
هذا راأأي وما شيء ريحني غير الاستخارة هي اللي بترحيج من التفكيير وعواار الرااس ..
وبالتوفيق للجميع وسمحوا لي ع الاطاله .
ثانكس ع المعلومات لأنها جداً مهمة
و الاستخارة أفضل لأنج ما بتندمين إن شاءالله :(2):