الحياة مستمرة .. حسبي الله ونعم الوكيل
السلام عليكم ورحمة الله وبركاته
بصراحة من فتر طويلة وانا حاب اكتب عن ماساة طلاب الثاني عشر العلمي بالذات قسم العلمي وطبعا مع انتظار الشهادات قررت اكتب الموضوع وافضفض
مجرد سؤال انا طالب مشغول طول الفصل بواجبات ومشاريع وتقارير وكل مادة 4 امتحانات وبيجوا بقولوا الامتحانات راح تكون صعبة وفيها مهارات عليا طيب حسبي الله عليكم مهو انا ما كان عندي وقت اخلص اسالة الكتاب بس
يعني الفصل الثاني انا فالاسبوع اللي اعطونا اياه عاساس ندرس فيه الكتب ونراجعها ما درست غير اخر وحدة بكل مادة
يا موجه الكيمياء الله لا يوفقك مو عارف انه المادة ما الها الا نص يوم حسبي الله عليك وجاي تكذب وتقول الامتحان نسبة بسيطة فيه بس بره الكتاب الله لا يوفقك مثل ما خليتنا نموت قههر يوم الامتحان والله اني دعيت عليك دعاوي ما ترجعك للبيت وما توديك الدوام وتخليك تحت عجلات السيارة
يا ناس قبل ما يجينا الوزير حنيف حسن كانوا يعطوهم شهر وطول السنة بكون فاظي وما عنده غير الدراسة وكانت الامتحانات سهلة هسة لما صار في مشاريع وتقارير والحكي الفاظي هاذ صارت الامتحانات صعبة جدا وبطريقة بنت كلب يعني ايش اقول بس والله الواحد انه حالته النفسية زي الزفت
انا ذاكر مرة انه الوزير الابق حنيف حسن قال مرة انه ما عنده عصا سحرية يخلي فيها نظامه ينجح من اول سنة لكن انتظروا فالسنين القادمة ... طيب واحنا بستين داهية ؟؟؟؟؟؟؟
مرة موجه الكيمياء للمنطقة الغربية زارنا وقاللنا خلاص الامتحانات جاي سهلة ان شاء الله وراح يغيروا التقسيم ويخلوا 60 بالمية للفصل الثاني اجا طالب رد عليه وايش استفدنا اذا كان الاساتذة صعبوا الامتحانات التقويمية وبالنهاية الحمد لله رب العالمين امتحانات اسهل من الفصل الاول لكن مو بتلك السهولة طبعا امتحانات الكيمياء والعربي كانوا اصعب من الفصل الاول
سؤال يطرح نفسه لما يكون نص الدولة بتنتظر النجاح .. الغلط بكون على مين ؟؟ عليهم والا على نظام التربية ...
سؤال ثاني .. لما القوانين بتطلع وتتعدل اثناء السنة الدراسية .. بكون سوء تخطيط المدرسين لانهم ما بستخدموا ادوات حديثة بالتدريس والا على الطالب والا على الوزارة التي تسعى للتطوير والتقدم
سؤال ثالث .. لليش وعدونا بامتحانات سهلة بالفصل الثاني طيب ليش ما قالوا اسهل لانه صراحة ما شفنا امتحانات سهلة لكن شفنا امتحانات اسهل من المسخرة اللي بالفصل الاول
سؤال رابع .. طيب لليش ما كان عندهم رحمة بعد ما شافوا بلاوي الفصل الاول وخلوا الامتحانات التقويمية سهلة لييييييييييييييييييييييييييييييييييييش
طلب ... لكل شخص تسبب بهذه المسخرة والمهزلة اللي صارت السنة ... اتمنى مثل ما انك بهدلتنا .. لازم تتقبل دعاوينا ودعاوي امهاتنا .. ترى والله واقسم بالله العلي العظيم مش مسامح اي واحد تسبب باللي صار لا دنيا ولا اخرة
قصة طالب الثانوية العامة للقسم العلمي ... في البداية دخل السنة بكل قوة .. وكله حماس وكله امل انه يجيب النسبة اللي ترضيه وترضي اهله .. بدا السنة امتحانات تقويميية بذل فيها مجهود جبار ومشاريع وتقارير تعب فيهم وواجبات ارضى ضميره وما رضي ينقلهم نقل وحاول يحل عاساس يتدرب .. وجاب نسبة حلوة فالتقويم
ونسي التعب والارهاق واستعد للامتحانات النهائية .. وبدات الامتحانات الصعبة جدا وكان الفرق بين معدل التقويم ومعدل الاختبارات 20درجة .. يعني هو كان جايب 90 وبالاختبارات جاب 70 فالحبيب بالفصل الاول جاب 80
فتدمر نفسيا وحاول يعدل وضعه النفسي مع مساعدة الاهل فالاجازة .. وبدا الفصل الثاني ليفاجا بالاساتذة معصبين من الدرجات كانه هو الوحيد اللي جاب هذي العلامات ... وبدا المدرسين يتوعدونا بامتحانت صعبةوفعلا صدقوا بوعودهم عند هذي المرحلة خلاااااااااااااااااااااااااااااااااااااااااااااااا ااااااااااااااااااااااااااااص تدمر نفسيا ومعنويا ونزلت درجاته وقبل باسبوع فاجاوه بقرار ال60 - 40 بالمية + امتحانات سهلة فاخر السنة فحاول يرجع بقوة ولكن الامتحانات كانت صعبة كالعادة....
للذكرى .... للتاريخ .... للاحزان امتحان الكيمياء الفصل الثاني ... امتحان الرياضيات والفيزياء للفصل الاول ...
استلام شهادات الفصل الاول
ان شاء الله .. يا رب يا رب للافراح استلام الشهادات للفصل الثاني رغم انه ما في مؤشرات لكن رب العالمين كبير واذا مكتوب النا اشي راح تيجي غصب عن الوزارة والمدرسين و موجه الكيمياء حتى
الله يوفقكم
الى جميع طلاب الثالث ثانوي العلمي اصدقائنا بالمحنة.. اصدقائنا بالماساة قولوا معاي
( حسبي الله ونعم الوكيل على كل من تسبب بالمهزلة )
همسة :
الحياة مستمرة .. والمستقبل ( بيد رب العالمين ) ...
همسة ثانية :
ادعولنا بالله عليكم الله يوفقنا ويوفقكم
اعذرونا على عدم التنسيق والاخطاء الاملائيا لكن وقسم بالله اني بحالة ماساوية
بعد ما كان طموحي ال91 وفوق صار طموحي ما انزل عن الثمانين
والسلام عليكم ورحمة الله وبركاته
