عرض للطباعة
السلام عليكم ورحمه الله وبركاته
مبروك لكل الناجحين :(19):
اخواني بغيت اسماء معاهد ادرس IELTS
ف بوظبي او برع بوظبي لاني ساكنه صوب
منطقة الرحبه وفي معهدين قراب من منطقتنا ف الشهامه و محد نصحني فيهم
و ياليت اعرف اسعارهم وكم مدة الدورة بلييييز ابى مساعدتكم لاني ابى اسجل خلال هاليويمن ضروري:cry_1:
وعليكم السلام ورحمة الله وبركاته
في معهد اسمه els في أبوظبي
نفس منطقة مستشفى دار الشفاء اللي بشارع الدفاع
ومدة الدورة 3 اسابيع
وسعر الدورة ما ادري من 1600 الى 2400 ما بيزيد
وهذا موقعهم على النت
ELS Abu Dhabi
بالتوفيق ان شاء الله
تسلم خيو ماقصرت
بس انا سمعت انه في معاهد يدرسون فيها الشباب والبنات ويا بعض
هالمعهد بيكون مختلط ولا ..؟
الله يسلمج يا اختي
شوفي يا اختي تقريبا كل المعاهد مختلطة بس انتي لا تفكري في هذا الموضوع
لانه كل واحد بيكون في صوبه يعني ما حد بيكلمج ولا يرمسج ولا شيء
واكيد تعرفين معهد الشعاع في بني ياس اللي يعتبر من افشل المعاهد
بعد مختلط هههههههه
المهم انتي روحي وشوفي المعهد وكيف نظامهم وانا متأكد انه بيعجبج
انا رحت له مرة عشان التوفل بس كنت مستعجل وما كان عندهم دورة هذيك الوقت
فرحت وسجلت بالاميدست
بالتوفيق ان شاء الله
اعرف انه محد بيرمسني بس الاهل مايرضون
امـي فديتها راضيه بس الوالد ماخبرته ولا بخبره عسب ما يمنعني هع
افشل معهد خخخ
انا كنت اسأل عنه وطلع افشل معهد عيل هونت مابسيره
معهد اوسكار ف الشهامه هب مختلط بس مايمدحونه ومابى اخاطر واروح اسجل عندهم
تسلم اخوي وشكلي بسجل ف معهد برتش كانسل مادري كاونسل مادري شو يسمونه
أو els
يعطيك الف عافيه اخوي
ترى انا دخلت معهد اوسكار
المعهد ما اعرف اذا ممتاز والا لا
بس انا رحت داومت اول يو وما لقيت غيري الا طالبتين
فعسب شذي انا طلعت منها
خلاص توكلي على الله وسجلي في بريتيش كاونسيل او elsاقتباس:
المشاركة الأصلية كتبت بواسطة أحلى من القمر;15XXX96
بالتوفيق ان شاء الله
والله المشكله ما دل وين معهد برتش كاونسيل
انا خاطري اروحه لانه جرريب عنااقتباس:
المشاركة الأصلية كتبت بواسطة روح الامـاراتـ
بس المشكله مادري كيف تدريسهم
ف قلت اروح معهد معروف اخير لي عن اوسكار
اقتباس:
المشاركة الأصلية كتبت بواسطة أحلى من القمر
بريتيش كانسيل يا اختي
انا بقوول لج وين اكيد تعرفين جسر المقطع بعد جسر المقطع تروحين يمين وتظلين ماشية سيدا لليل ما توصلين الجسر
قبل الجسر بيجيج لوحة مكتوب عليها شارع السعادة المهم انتي ما بتطلعين من الجسر تدخلين يمين وتمشين سيدا بتلاقين اشارة
بعد الاشارة بشوي في لفة على اليسار تدخلينه بعدها خليج ماشية سيدا وبيمر عليج على يمينج كلية التقنية العليا للطلاب وشوي قدام اول اشارة
لا تتوقفين عند الاشارة في لفة على اليمين في الاشارة تدخلينه وبتلاقين نادي الجزيرة على يسارج وتمشين شوية سيدا وتدخلين على اول لفة يمين
وخليج ماشية سيدا لليل ما بتلاقي البريتيش كاونسيل على يمينج.. بناية صفرة على حمرة ما اتذكر كيف لونه؟
ارجوا اني قدرت اوضح.؟
كفيت ووفيت ماقصرت
ربيعتي دقت وسألتهم عن الدوره وقالولها انه الدورة بتبدأ
تاريخ 2-8 وبتنتهي 25-8
يعني ماينفع اني اسجل عندهم
ابى ادرس هالشهر ضروري لاني ابى اقدم اوراقي ف جامعة زايد
وطالبين مني ilets ولازم اعطيهم ياها قبل نص شهر 8
احس انه السنه بتضيع ومابسجل ف الجامعه
قصدج البريتيش كاونسيل طيب عندج els تقريبا اذا ما كنت غلطان عندهم كورس في تاريخ 10 من كل شهر
ومتابع معاج...
رحت عندهم و بيكون الكورس تاريخ 31-7 وبيستمر 3 اسابيع
بيكون ف رمضان طبعا
عندهم فترتين الاولى من الساعه 10لين 1 (3 ساعات)
والثانيه 3لين5 (ساعتين)
بشوف ف شو بسجل
والله يعين
تسلم ع متابعتك
السلام عليكم ورحمة الله وبركاته
انصحج بالفترة الصباحية من 10 لين 1
لانج بتكونين نشيطة نوعا ما
اما الفترة الثانية ما بتستوعبين غير متى آذان المغرب هههههههه >>> امزح
لانه صار لي نفس الحالة في رمضان الماضي..! هههههه
فشوفي شو الاحسن لج
والله يعين الجميع
الله يسلمج اختي هذا واجبنا
"خير الناس انفعهم للناس"
فمان الله
هلا خواتي اخواني
سؤال لصاحبة الموضوع
طمنيني خذيت دورة ايلتس في معهد els
لاني مسجلة وماداري كيف تدريبهم واعدادهم للدورة .