كييف اخلييها تنسى؟؟!! ارجوو المسااعدة

السلاآآم علييكم..
شحاالكم...؟!
عسااكم بخيير..!!

ممممم ماعرف اذاا المكاان الصحييح و لاا بس اتمنى تسااعدووني ..

الساالفة وماا فيييها ان عندي ربييييعة عزييزة ع قلبي بس في مشكلة ان هي انسااانة مجرووووووحة و عندهااا هموووم كثييرة بس ماااعرف كييف اساااعددها،، كييف اخلييها تنسى هموومها صح ماا بتنساها بس انهاا ماا تفكر فييها واايد..
صار لهااا موقف حوولها إلى انساانة حزيينة بس هي ماا تبين هالشي يداام الكل...بس اللي يعرفهاا عدل يعرف انهاا انساانة حزينه..
يووم تكلمني مراات احس ماا اعرف شوو ارد علييها دووم اقولها نفس الجمل (لا تفكريين ف الماضي ، الدنياا ماا تسوى، اللي فات ماات، قدر الله وما شاء فعل، يمكن هذا اختبار، عيشي حيااتج وانسي لان هذا بيخرب علييج.....الخ) و الكثيير من هذه الجمل المتكررة..

بس اناا الصراااحة تعبت احس اني اناا بدييت اتضاايج..كل يووم اجووفهاا متضاايجة.
شوو الحل؟؟ كيف اسااعدها؟؟ شو اسوي عسب تنسى؟؟ او شو اخلييها تسوي عسب تنسى؟؟

تدري شي في هالحالة محد يقدر ينسيها الماضي ابدا الا لما هي خلاص تقرر ان الحياة ما تسوى الحزن انا كنت نفسها واايد واي شي ياثر فيني وبس ما ابين هذا قدام الكل كنت بس اروح امشي ويا صديقتي ابكي لين خلاص صديقتي تضايجت من حالي حاولت تساعدني بس انا كنت مو قادرة بس الشي اللي خلاني ارجع لطبيعتي القرآن والله القران رجعلي كل حياتي رجعتلي نفسيتي الطبيعية واتمنى انه يفيد صديقتك وقوليلها هالحل

صح كلام هالة مالها غير كتاب الله

^^

مشكووووووووووووورة اختي هااالة ع النصييحة و الحل..
بس هي مااشااء الله تحفظ قرآن و كل شي بس مشكلتهاا انهاا واايد اتم رووحهاا ف البييت و كل الوقت تفكر ><"
و تسلمين احتي روح مسلمة
بس ع العموووم مشكووريين و اخييرا حسييت ان في حد عطااني ساالفة ^^

خليها تفكر بشي يشغلها عن تذكير الماضي هي ما بتنسى بس بنشغالهاا ما بتتناسى

وقوليلها تقول الحكمه (( لا تفكر بالمفقود علشان ما تفقد الموجود))

وقوليلها والي محزننج ما يستاهل ثانيه من وقتج

يزاااك الله خيير اخوووي محمد الكعبي..
واشكرك من كل قلبي ع اللي قلته و و بقوولها اليووم قبل بااجر..
دمت بحفظ الرحمن..

اقتباس:

---

المشاركة الأصلية كتبت بواسطة تووووووتة

السلاآآم علييكم..
شحاالكم...؟!
عسااكم بخيير..!!

ممممم ماعرف اذاا المكاان الصحييح و لاا بس اتمنى تسااعدووني ..

الساالفة وماا فيييها ان عندي ربييييعة عزييزة ع قلبي بس في مشكلة ان هي انسااانة مجرووووووحة و عندهااا هموووم كثييرة بس ماااعرف كييف اساااعددها،، كييف اخلييها تنسى هموومها صح ماا بتنساها بس انهاا ماا تفكر فييها واايد..
صار لهااا موقف حوولها إلى انساانة حزيينة بس هي ماا تبين هالشي يداام الكل...بس اللي يعرفهاا عدل يعرف انهاا انساانة حزينه..
يووم تكلمني مراات احس ماا اعرف شوو ارد علييها دووم اقولها نفس الجمل (لا تفكريين ف الماضي ، الدنياا ماا تسوى، اللي فات ماات، قدر الله وما شاء فعل، يمكن هذا اختبار، عيشي حيااتج وانسي لان هذا بيخرب علييج.....الخ) و الكثيير من هذه الجمل المتكررة..

بس اناا الصراااحة تعبت احس اني اناا بدييت اتضاايج..كل يووم اجووفهاا متضاايجة.
شوو الحل؟؟ كيف اسااعدها؟؟ شو اسوي عسب تنسى؟؟ او شو اخلييها تسوي عسب تنسى؟؟

---

وعليكم السلام ورحمة الله وبركاته ,,

عساج بخير ,,

شوفي اختي انا عندي ربيعتي نفس الحالة وللأسف هالنوعية متشائمة وسلبية بدرجة تؤثر على من حولها ’’شكلج انت تعبتي وانهد حيلج وانت تصبريها او تفهميها بس اكيد تلاحظي ماشي تاثير ابدا ,,الحزن والهم والقلق كلها امور من نفسها مفروض هي تبدا تغير نفسها والامور تتغير ذكريها دوما (إن الله لايغير مابقوم حتى يغيروا مابأنفسهم)خبريها انها بتم ع حزنها ومشاكلها لعمرها كله مادام انه على هالحال ماحاولت تغير ع الاقل تفكيرها السلبي’لاتتساهلي وتقولي ربيعتي ماروم بضايقها اكثر,,خليها تضايق احين ولاتندم على عمرها كامل وتسأل عنه يوم القيامة ( عن عمره فيما أفناه) اختي ترى بالاخيرانت بعد بتضايقين وبتحاولي تتهربي منها ماحد يحب لنفسه الهم والضيق,,وصيها انها تستغفر الف مرة او اكثر باليوم وتحاول تشغل نفسها (الفراغ قاتل) عندها قرآن تيلس تحفظ عندها كتاب تقرأ كتب ايجابيه في كتاب حلو اسمه من حرك قطعة الجبن وفي عندج افعل شيئا مختلفا وفي كتاب اسمه لاتحزن وكتاب اسمه استمتع بحياتك يعني الحياة عندها حلوة بس للاسف هي تشوف اللون الأسود,,هالحالة كانت عندي لمدة طووووووووووووويلة بس الحمدلله بديت اغير نفسي واكتشف كم اني ضيعت 5 سنوات هباء منثورا واحاول ماافكر فيهم عشان ماارد نفس حالتي,,بديت احفظ اجزاء من القرآن ,,بديت اعشق قراءة الكتب,,احاول اتعلم السواقة وبذن الله بكمل دراسة ,,يعني الحياة حلوة لو غيرنا تفكيرنا ( احسن الظن بربك)وإن بغيتي اي نصيحة او تجربه انا موجودة اسالي والله يفرج عنها

القرآن أفضل حل

مشكووووووووورة اختي طموح إنساانة..
والله استاانست بردج وونصاايحج وااايد..
و الحمدلله تغيرت الأحوال عن قبل،، وبعض من الكتب اللي قلتيها بدت تقراها..

تسلميين حبيبتي والله يوفقج ان شاء الله..

أخي طاير الغربة..
شكرا لنصييحتك الغاالية..

دمت بحفظ الرحمن ^^

الله يعين صديقتك أختي توووتة

أترككم مع الأحاديث النبوية التي تتحدث عن نفسها


ما أصاب عبدا قط هم ولا حزن فقال :

( اللهم إني عبدك ، وابن عبدك وابن أمتك ، ناصيتي بيدك ، ماض في حكمك ، عدل في قضاؤك ، أسألك بكل اسم هو لك ، سميت به نفسك ، أو علمته أحدا من خلقك ، أو استأثرت به في علم الغيب عندك أن تجعل القرآن ربيع قلبي ، ونور صدري ، وجلاء حزني ، وذهاب همي وغمي

إلا أذهب الله همه وغمه وأبدله مكانه فرحا ،

قالوا : أفلا نتعلمهن يا رسول الله ، قال : بل ينبغي لمن يسمعهن أن يتعلمهن

الراوي: - المحدث: ابن القيم - المصدر: الصواعق المرسلة - الصفحة أو الرقم: 3/913
خلاصة حكم المحدث: صحيح



ما يصيب المؤمن من وصب ، ولا نصب ، ولا سقم ، ولا حزن ، حتى الهم يهمه ، إلا كفر به من سيئاته الراوي: أبو سعيد الخدري و أبو هريرة المحدث: مسلم - المصدر: صحيح مسلم - الصفحة أو الرقم: 2573
خلاصة حكم المحدث: صحيح


فبشريها برحمة رب العالمين

مع تطبيق آراء الأعضاء الإيجابية السابقة

فهي كلها مفيدة لحالة أختك في الله

اشكررك أخي وليد على تذكيرنا بهذه الاحاديث..
شكر جزيل من أعماق قلبي..
كم أسعدتني مداخلتك و بإذن الله سأخبرها بهذه الاحاديث وأبشرها ^^..

دمت بحفظ الله..

أفا عليج نحن في خدمة إخواننا و أخواتنا

اختي ماتخلينها بروحها كل ماتفكر ف الماضي حاولي تنسينها عسب تنسى وان شاء الله نصيحتي بتفيدها انتي بس اعيلها والكل يدعيلها ان شاء الله بتتحسن من هالحاله الكئيبه اللي اهي عايشتنها . . . تحيااتي

شكرا لك اختي العزيزة هديل الشعبي على نصيحتك الغالية..
و الحمدلله دعواتي لها مستمرة..
وبفضله تعالى تغير كل شيء فقد تحولت إلى انسانة جديدة ..

دمت بحفظ الرحمن..

السلام عليكم و الرحمه ..

اقول الشيخه .. و مثل ما قالو الاعضاء وجودج وياها يفيدها وايد ...
و معرفتج لللي صار له بيساعدها اكثر من كونج ما تعرفين عن السالفه ..
حاولي تكونين عقولتهم ( شرات ظلها ) ..
اكيد لكل مشكله اعراض سلبيه و تاثر ع حياتنا ..
لكل مشكله اسباب .. ما ادري اذا كان ها السي بيساعدها و الا ..
ذكرها للحدث اللي صار .. و معرفتها اسباب اللي صار ..

لكن و هي تفكر فالموضوع كوني وياها ..
لا تخلينها تترك المشكله و بس ..

خليها تشوف المشكله من الجانب المشرق ..
ان بدايه النجاح في الحياه الفشل و المشاكل ..

انتي فاتحيها بالمشكله .. تصيح .. ما عليه اهم شي ترتاح ..
بس فاتحيها فالمشكله و فهميها ان كل مشكله فهالدنيا لها حل ..

فهميها انها مب وحيد و بروحها ..
رويها انج وياها مهما صار و استوى ..


( و الله على كل شي قدير )

و السموحه ع القصور .. او بالاحرى تطويل الكلام :(43):

شكرا لك اختي خفايا الروح على نصائك الغالية..
و اشكر لك مساعدتك..

حفظك الله و رعاك