الطلاب المواطنين والطالبات المواطنات المقبولين

الســــلام عليكم ورحمة الله وبركاتهـ ..


على جميع الطلاب والطالبات المواطنون المقبولين بالجامعه .. أخذ الفحص الطبي باسرع وقت ممكن واجراء الفحوص بأسرع وقت أيضا نتيجة استغراق نتائج التحاليل لأسبوع على الاقل وذلك لاجراء ما يلي ::

1- السكن والمواصلات

2- ال4000 درهم

3- استلام الابتـــوب المحمول



يرجى من الجميع الانتهاء من الفحص الطبي بأقل من سبوعين ..


تحيــــــــــــــآآآتي لكم ::: المشرف

أخي وهل في أي إجراءات لازم يساووها الوافدين؟؟

طيب متى موعد القبول للوافدين أخوي
وهم بيتصلوا و لا احنا نروح عندهم ( بالنسبة للوافدين )
لأني أنا شايف انو للحين معظم أو كل المقبولين مواطنين
فمتى بيكون قبول الوافدين ؟؟؟؟؟

ع العلم أخوي انو معدلي 98.6

^.^ تسلم أخوي >> الحمدلله خلصت من فحص طبي وديته عندهم ^.*

وعليكم السلام ورحمة الله وبركاته ..


أهلا وسهلا أختي rohaifa وأخي الكريم leon92 ..

بالنسبه لكم اذا ما اتصلوا لكمـ الجامعه تقدرون تروحون تراجعونهم في الجامعه والافضل تراجعونهم بأسرع وقت أحسن من انتظار الاتصال .. وشكراا :)


الله يسلمج أخيتي xx2xx


تحيــــــــــاتي ::

:)

مشكوور
بس متى استلام الاب توب؟

العفو حاضرين ..

سيتم الاتصال بكم لذلك ..

:)

السلام عليكم ..أخوي أنا مسجلة في جامعة خليفة وهم قبلوني و طلبو مني أستلم الفحص الطبي ..ألمشكلة اني مسافرة وطرشت خالتي واستلمت الفحص ..اتصلو فيني قبل يومين وسألوني لو عندي رغبة بدخول الجامعة ..طبعا عندي رغبة ونص بس المشكلة اني برجع تاريخ 12-9-2010 و أخاف يتحسبون اني ما أباهم ويطير الكرسي ..فشو أسوي فهالحالة علما بأني مو مسجلة بأي جامعة ثانية ..وعندي رغبة أكيدة في الدراسة بجامعة خليفة ...أرجو الرد سريعا

وعليج السلام ورحمة الله وبركاتهـ ..


دامـ ان خالتج الله يحفظها لج ان شاء الله استلمت بدالج الفحص.. وانتي بترجعين تاريخ 12/9 اللي هو يوم العيد .. اممــ

شوفي أختي على عيني وراسي الصراحه رااح أعطيج رقم الجامعه وكلميهم وخبريهم بالموضوع من اوله لآخره على اساس الكرسي مالج ما يسير عنج وياخذه أحد ثاني والسبب انج انتي مقبوله في جامعه وحده بس .. اللي هي جامعه خليفه بس أختي هل هو فرع أبوظبي أم الشارقه ؟؟

بالنسبه للاتصال انتي اتصلي بنفسج وعلميهم و ان شاء الله يقولون لج بننتظرج لتاريخ 12/9 على اساس اول ما ترجعين اتروحين على اي مستشفى بأسرع وقت ممكن وتخلصين كل شي لأن أظنتي ان دوام المستجدين راح يبدأ تاريخ 19/9 يعني ان شاء الله في وقت على نتيجه التحاليل مالج لين ما تطلع يبالها 4 ايام على الاقل واذا تبينها بأقل من ذلك قوليلهم ابيها آرجنت يعني بسرعه على اساس يسجلون اسمج الجامعه اسرع وقت وما يروح عليج كل شي ..

واذا لا سمح الله ما صار هذا الشي في تاريخ 12/9 .. من الافضل انج ترجعين هاي الايام بسرعه وتخلصين امورج لأن حاليا ترى باب التسجيل مسكر في الجامعه .. هذا اللي قدرت اساعدج اياه أخيتي وانا آسف تراني صح مشرف في الملتقى ولكني طالب مستجد مقبول راح ابدأ وياكمـ وحالي كحالكمـ ... اللهمـ متواصل مع الادارة بالجامعه فقط والقبول .. :)

انـــــــا آسف أخيتي وهذاا رقم الجامعه فرع أبوظبي 024018000

راح اتكلمج وحده واذا ما تقدرين انا راح اكلمها واحاول اساعدج بس ابي منج رد سريع أخيتي على اساس ارتب امورج وياج ان شاء الله ولا تحاتيين ان شاء الله الامور طيبه ;)


تحيــــــــــــــــــاتي::: المشـــرف على الملتقى

يعطون لاب تـوب ؟
ما يابولنـا سيرة !

بلى شي :)


أنـــــا رمسوني عن الاب ;)

ونــاااسة
يبيلي اتصل اليوم أسألهم
جزاك الله خيـر ..

أهلاـــ وسهــــــلا أخيتي في أي وقتـ

وييزييج الخير ان شاء الله ;)

جزاك الله خير ومشكور أخوي ..وعلى فكرة أنا مسجلة في جامعة خليفة فرع الشارجة ويا ريت اتكلمهم وتتواصل معاهم وترد علي لأني صراحة وايد خايفة وقلقة فأرجو الرد سريعا

ويزاج الف خير عنوني ..

بس يالطيبه ممكن اعرف شو رقم arn حقج ؟ على اساس اكلمهم عنج ... :)


تحيـــــــــــاتي ::

ما عندي مانع ..بس يا الطيب كلمهم عن الموضوع بالأول وتأكد إذا كانوا بينتظرون لين ما أرجع ولا لا ..و لو أصروا على الarn خبرني ..وسامحنا تعبناك ويانا

على عيني وراسي في الخدمـــــة ..


بس يوم جذي بالكثير أرد عليج ان شاء الله ..


تحيـــــــاتي

إن شا الله ..وأنا في الانتظرار

الســـــــلامـ عليكمـــ ورحمـــة الله وبركاتهـ ..


السموحه أخيتي طالبة يابانية على الانتظار :)


المهم أنــا كلمتهم عنج .. بس اتصلي لخالتج الله يحفظها لكم ان شاء الله ورمسيها على اساس تروح الجامعه وتعطيهم اسمج الكامل + رقم arn .. وتخبرهم بالموضوع ان انتي مسافره وبترجعين تاريخ 12/9 وبعدين ان شاء الله بخلونج على الانتظار وخله اتقول لهم بعد ان انتي لج رغبه في الدخول بالجامعه وما عندج قبول غير في جامعه خليفة .. وان الفحص الطبي حاليا عند خالتج .

وبعدين ان شاء الله راح ينتظرونج الى تاريخ 12/9 لين ما تراجعين الفحص الطبي واتخلصينه ويخلصونج بسرعه ويدخلون اسمج في السيستم عندهم ..


وآسف على الانتظار :)


تحيـــــــــــــــاتي ..:::: المشرف على الملتقى

تسلم أخوي والسموحة تعبناك ويانا وان شا الله برمس خالتي و الله يكتب اللي فيه الخير
تحياتي

بحفظ الله ورعايته أخيتي أنـــا في الخدمة

:)

تحيـــــــاتي