شكوى بخصوص امتحاني الرياضيات والانجليزي !

السلام عليكم ورحمة الله وبركاته !

يوم الاربعاء والخميس امتحنا رياضيات وانجليزي (منطقة عجمان)
وكان الامتحانين صعب صعب بالحيل
في اسئلة اول مرة اشوفهن في الامتحان
وانا خآيف الحين اييب دور ثاني والسبة هالامتحانات اليديدة !
والله ياسني احبآط من الامتحانات اليديدة واستوتلي حالة نفسية
لا اقدر اكل واشرب ولا ارقد عدل :(
ترآني ولا مرة رسبت او يبت دور ثآني فأنا الحين خايف من ها الشي
واغلب الطلاب طلعوا من قاعة الامتحان زعلانين.

===============================

دخيلكم دخليكم راعو الطلاب في الدرجات ولا ترسبون احد
يزاكم الله الف خير ^_^

إضافة لامتحان الرياضيات و اللغه الانجليزيه ..
إمتحان الكيمياء بعد كآن صعب .. والله سم ( كيف يدخلون أشيآ محذوفه و اضطرينا نحل و نحن ما نعرف )
و على هذا النظام اليديد الكل زعلان و خايف !

بس الله كريم .. =(

أتمنى تراعون طلبة المدارس و خصوصا الصف العاشر ..
مالنا غيركم يراعينا من بعد رب العآلمين !

و الله صدقت اخوي امتحان الرياضيات كان اسوء الامتحانات و اليوم بعد امتحان الكيمياء و الله ما ضامنة النجاح نهائيا اما الانجليزي فكان يعني مشيت فيه و الله يعين باتشر ع الفيزياء ...

كلامك صحيح الامتحان كااان صعب جداً , لكن أكيد بيراعوا الطلاب في التصحيح , خصوصاً ان النظام جديد , و الامتحانات صعبة و كان فيها بعض الأغلاط.

نصيحة: انسى الي فات ,, و فكر في القادم.

ان شاءالله مابيرسبووون حد


وان شاءالله تكون اجاباتكم زينة

والله يوفجكم وادعولنا بالتوفيج نحن اخر سنة

هييه والله كانوا صعب مره
وياليت يصلحووه المعلمات بعد الكمبيوتر اخ

تفائل بالخير أخوي ..~

وان شاء الله تنجح وتييب درجات عاليه ..~

و الله كلامك صح صعب جدا و الله أنا قلت 4 أسآله حليتهآآ في آمتحان رياضيات
حرام و الله شوى ها تعب راسي يعورني و أنا قاعد أحسب كم درجه لازم
أييب عشان انجح و و أحسب و أحسب حتى حسيت ان بطني و جعتني و الله
حرام أنا أذاكر و أسير المعهد يفهمناا و بعدين أشوف أمتحان غير شكل و الله
لا لا يا وزاره ..


راعونآآ ساعدونا ..

و أنا في الصف العاشر و هي أصب سنه و آخرتها رسوب بسبب خطئ و تهور الوزاره

تفاءل بالخير

السلام عليكم و رحمة الله و بركاته : بنسبة لطالب الثاني عشر

انا اتمنى انا يكون اختبار الطاب اختبار لما تعلمه و يكون منهج الامتحان ياي على هذا النمط اما انه تحطولنا الغاز ف الامتحان !
و هاذي السنه مصيرية ! اتمنى انكم تراعون هالشي و شكرا