الحمار الميت
في يوم من الايام راح ( شخص ) البر وإتفق مع راعي غنم واشترى منه حمار ب 100 دينار وقاله راح اجيك بكره استلمه
في اليوم الثاني راح وقاله راعي الغنم عندي لك خبر مو حلو
قال : إعذرني ياولدي الحمار مات
قاله (الشخص ) : بسيطه رجعلي فلوسي ومافي مشكله
قال الراعي : بس انا صرفت الفلوس
قاله : بسيطه راح اخذ منك الحمار الميت
سأله الراعي : وش تبي تسوي فيه هذا ميت
قاله : راح اسوي عليه سحب يانصيب
قال الراعي : معقوله تسوي عليه سحب يانصيب وهو ميت
قاله (الشخص) : انا ما راح اقول لهم انه ميت بس انت لاتقول حق احد وشوف بعدين
وبعد مرور شهر إلتقى راعي الغنم (الشخص ) وسأله ها وش صار بالحمار الميت
قاله (الشخص ) : سويت عليه السحب وبعت 500 بطاقه وكل بطاقه بعشر دنانير وبالأخير ربحت 4990 دينار
قال الراعي : ومحد إعترض
قاله (الشخص) : محد إعترض إلا الشخص اللي ربح السحب
قال الراعي : وبعدين
قاله (الشخص ) : ولا قبلين رجعت له العشره حقته
ومرت الأيام والسنين واصبح هذا الشخص ( مسؤول ) عن أموال خلق الله.
وأعتذر إن كان في نقلي مايجرح جهه معينه.
القصه غير واقعيه ولكن مقتبسه من الواقع
