بسم الله الرحمن الرحيم
السلام عليكم ورحمة الله وبركاته .. أمــا بعد
هنـــــــا فقط للاستفسارات المتعلقة بجامعة خليفة ( كلا الفرعين )
أي مشــــــاركة خارج عن الاستفسارات بالجامعه ستلغى كاملا ..
تحيــــــــــــاتي
:)
بسم الله الرحمن الرحيم
السلام عليكم ورحمة الله وبركاته .. أمــا بعد
هنـــــــا فقط للاستفسارات المتعلقة بجامعة خليفة ( كلا الفرعين )
أي مشــــــاركة خارج عن الاستفسارات بالجامعه ستلغى كاملا ..
تحيــــــــــــاتي
:)
أخوي أنا قدمت للجامعة فرع أبوظبي وساويت الامتحان و المقابلة
معدلي 98.6 في الثانوية و درجات المواد في الثانوية
الفيزياء 99 الرياضيات 98 اللغة الانجليزية 96
كلمتهم يوم الخميس 27/8 وقالولي انهم طلعو قائمة واحدة بالمقبولين و اسمي مش موجود فيها
و قالولي الأسبوع الجاي بنطلع قائمة ثانية
فأنت شو رأيك هل أنتظر
و هل في قائمة ثانية
علما أنو في ناس معدلاتهم أقل مني و قبلوهم
وعليكمـ السلام ورحمة الله وبركاتهـ ..
أهلا وسهلا فيك أخوي leon92
ما شاء الله على هذا المعدل :)
هيه صحيح هذي القائمة الجديدة اللي طلعت بالمقبولين وسبوع الياي ان شاء الله تطلع قائمة هم بعد جديدة خاصة للطلاب الوافدين ..
بالنسبه للطلاب اللي اقل منك هذيلا مواطنين كانت الاولوية لهم طبعا ..
:)
لكن ما عليك غير الانتظار وان شاء الله يكون اسمك واسم كل من شارك في هالملتقى موجود في القائمة و لا تحاتي ان شاء الله خير ..
تحيـــــــــاتي لك :: المشرف
[blur]
تسلم أخوي ان شاء الله خير
[/blur]
يعطيــــــــكـ العــــــــافيــــــة
هلا اخوي..
انا امتحنت البليسمنت و أظن اني ما يبت درجة زينة في الرياضيات .. يمكن راسب بعد .. مع اني يايب 99 في الرياضيات في الثانوية
و انا ما عندي لا توفل و لا آيلس
هل بدخل سنة فاونديشن و الا على طول التخصص؟
و مشكور مقدماً
هلا بيكـ اماراتي 90..
أولا اشكرك بالاستفسار الجميل منك هذا ,,
خوي الطيب اول شي لازم تدخل سنة الفاونديشن بعدين يمتحنوك توفل او آيلتس واذا يبت درجة ناجح تدخل بعدين التخصص اللي ارغبت فيه ,,
تحيـــــــاتي لك والعفو ولو حاضرين للغاليـــــنـ
;)
السلام عليكم ورحمة الله وبركاته
مرحبا بك أخويه
ومشكور على طرحك موضوع خاص للاستفسارات
بس عندي استفسار بسيط ..
بالنسبة للايلس في الجامعة
خبرونا إنه العلامة المطلوبة 6 ..
وفي الغالب 6 تكون مطلوبة للماستر ..
أنا امتحنت ايلس ويبت 5 .. وحاليا صعب أحصل موعد ثاني امتحن به لشهر 10 ..
هل ممكن إنه الجامعة تقبلها ؟
وإذا ما تقبلها علامة 5 ماترفع من level مالي في سنة الفاونديشن ؟؟
لأنه بصراحة في امتحان القبول للانجلش حليت عالبركة ..
مع العلم إنه في السنوات السابقة كانت علامة الايلس المطلوبة 5 ..
وايدين قالولي يمكن الجامعة تقبلها ؟؟
طبعا أنا مقبولة في الجامعة سنة الفاونديشن
بس بعد الكل يطمح إنه يعدي الفاونديشن ويحدر تخصص دايركت ..
واسمحلي ياخوي
أخوي
انا اتصلت اليوم بالجامعة و قالولي انهم طلعوا قائمة جديدة و ما فيها غير اسمين لبنتين بس !!!!
مع انو معدلي 98.6 !!!!!!!!!
كيف وواحد صاحبي يمني معدله 97 و مقبول
مشكور اخوي عالرد
بالنسبة للسكن .. وين مكانه؟ و ممكن صور له او شو مواصفاته؟ يعني 2 و الا واحد فكل غرفة و هل يوفرون نت و باقي الخرابيط
و مشكور مرة ثانية
السلام عليكم ورحمة الله وبركاته
حبيت اتأكد اي يوم بيكون يوم التعريف حق الجامعة؟
بيكون يوم الاربعا؟
وعليكم السلام ورحمة الله وبركاته ..
سأتصل بالجامعه واستفسر بالمعلومات الخاصة باليوم التعريفي وبدأ الدراسه ,,, وايضا الخاص بالطلبة المستجدين .... وبالتالي سأضع موضوع لذلك فمن سبقني فجزاه الله خيرا
:)
تحيـــــــاتي :: ــــــــــــــــــــــــــــــــــــ
مرحبآآ }~
بعد اتصال الجامعة لي اليوم ..
خبروني إنه اليوم التعريفي تاريخ 15-9 أي الأربعاء القادم بعد العيد ..
ومن خلاله سيتم تعريف الطلبة بكل مايخص بالجامعة
وأي شخص عنده أي استفسار
يستفسر منهم بكل شي في هذا اليوم التعريفي
كذلك سألتهم بخصوص السكن لطلبة السكن ..
قالولي إنه في هذا اليوم التعريفي سيتم موافاتهم بكل تفاصيل السكن
وكذلك احتياجات الطالب في السكن وماذا له وعليه !
يعني بيخبرونكم بالمكان والزمان اللي تكونون متواجدين به قبل الدوام الرسمي 19-9
واللي عنده أي استفسار يطرحه عليهم في هذا اليوم التعريفي
وبيردون عليكم بكااامل التفاصيل ..
هذا اللي قدرت أعرفه من اللي اتصلت بي اليوم ..
واسمحولي
حبيت أفيدكم وأوافيكم بالجديد ..
الاسبوع الياي اليوم التعريفي؟!
متى بيردون لطلبة اينيك اللي سوولهم مقابلة الخميس اللي طاف؟
اهلا وسهلا فيك خوي leon 92 ..
اذا جذي ياخوك عيل جوف نصيبك في مكان ثاني حبيبي ولكن.. لا تستعجل عليك بهم اذهب اضغط عليهم ولا تقول انا خلاص شكلي مب مقبوول رووح لهم جووف نصيبك حاول ..
امـــااراتي 90..
في اللقاء التعريفي راح يخبرونكم ان شاء الله
تحيــــــــاتي لكمـ
بس اخوي ترا هم ما ردوا لنا بخصوص اذا كنا مقبولين و الا لا :(
الحين والله محتار .. لانه البترولي و خليفة يومهم التعريفي بنفس اليوم .. اخاف اذا سرت خليفة ما يفبلوني و تروح علي فرصة البترولي
الله يعين
يا خوي اذا انت مب مقبول في الجامعه مب لازم اضيع عليك فرصة البترولي حبيبي ...
خل عندك شي واقع ... اللقاء التعريفي بس للمقبولين ترى .. :)
تحيــــاتي لك ... وبالتوفيق حبوب
بسم الله الرحمن الرحيم
السموحه منج أخيتي Roo7 algala .. تراني ما انتبهت لمشاركتج وماكان قصدي اني ما اعبرج فقط طلب الاعتذار منج أختي :)
بالنسبه للآيلتس مبروك عليج المعدل وتستاهلين كل خير .. رووحي الجامعه شخصيا وان شاء الله يمشونج على هذا المعدل الحلو ولا تخافين وانا متأكد بيقبولنه لأن ناس غيرج قبلوه هذا المعدل .. رووحي اتحركي شدي عليهم وبخلصونج ان شاء الله ..
بالتوفيق لج مقدمـــا ..
بس استفسار يعني ما عليج أمر تردين عليه ..::
امتحان الآيلتس وين امتحنتينه وخبريني كيف امورج وياه وشو سلسلة الاسئلة فيه وكيف اقدم عليه ..؟؟
أرجو الرد السريع ..
;)
تحيـــــــــاتي ::ــــــــــــــــــــــــــــــــــــــــ
مرحبآآ }~
مسمووح ياخويـ'ه هب مشكلـ'ة عاذرتك ما انتبهت للمشاركـ'ة ..
بالحل ..
ربي يبارج بك .. وعقبالك وعقبال الجميع يارب ..
بإذن الله أنا في اليوم التعريفي بروح لهم وبشوف شو بخصوص هذا الأمر ..
وإن شاء الله يمشوني بـ5 ..
أنا وايدين قالولي حسب الدفعة ..
إذا هب وايد طلبة يايبين 6 بيمشونج ..
وإن شاء الله خير ونفتك من الفاونديشن ..
بخصوص امتحان الايلس ..
بداية لازم تحجز الامتحان قبلها بفترة ..
أنا سجلت في British council المجلس الثقافي البريطاني
وكان مقر الامتحان جامعة زايد ..
واستلمت شهادتي وهالأمور كلها من british council ..
أنصحك تتصل بهم يوم الاثنين 13-9 يفجون من 9 الصبح لـ 8 المسا اعتقد إذا ماتغير موعدهم ..
لأنه أنا عندي ورقة مواعيد امتحان الايلس
أقرب امتحان 23 أكتوبر (10) وينتهي التسجيل 14-9 يعني يوم الثلاثاء
هذا بخصوص التسجيل
اما بالنسبة للأسئلة ..
أنا قبلها شهر 6 كنت ماخذه دورة مكثفة للايلس .. كله كان عبارة practise تدريبات على الامتحان
الامتحان مكون من 4 فقرات
أول شي
1- Listening
listening مدته 45 دقيقة ويعطونك 10 دقايق لنقل الاجابات من ورقة الأسئلة لورقة الإجابات ..
مقسم الـlistening من 4 section ..
و 40 سؤال ..
نظام الأسئلة مكس اختياري وكتابة أي فراغات .. أو تحديد اماكن من خريطة ..
عدد الاختياري في الامتحان لا يتجاوز 5 فقط ..
يعني لا تعتمد إنه الامتحان اختياري .. نووو وي ..
الامتحان أغلبه اكتب وشد حيلك ..
الكلمات المطلوبة في الفراغ لا تتجاوز الكلمتين أو ثلاث ..
ومرات يطلب منكم أسعار أو أسماء وجي يعني بالفراغ
حسب اللي انت تسمعه ..
أما بالنسبة لتحديد مكان من خريطة ..
يعطوك خريطة وبها حرووف فقط من A To G ..
ويقوللك مثلاً الـshop بين المكتبة و المول ..
انت عاد جوف بالخريطة شو الحرف المكتوب وحطه بالفراغ مثلا B ..
تقريبا هذا 5 أسئلة بعد ..
طبعاً من section 1 To section 4 الأسئلة بالتدريج ..
بالنسبة للسهولة وبالنسبة بعد لإعطائك فرصة لقراءة الأسئلة ..
يعني في البداية يقولولك اقرا السؤال من 1 - 6
وجاوب باللي تسمعه ..
عقبها يقولولك اقرا من 6-10 ..
ويسمعونك الفقرة الخاصة باجابة هاييل الاربع فراغات ..
هذا الـsection 1 ..
عقبها يوم يوصلون الـsection 4 يقولولك اقرا من 30 - 40 يعني أسئلة الـsection كلها ..
جي يعني ..
بس هب شرط كل section 10 أسئلة ..
المهم إنه الاسئلة كلها 40 فراغ ..
وتقريبا يعتمد الـ listening على السرعة بعض الشيء والدقة وسرعة البديهة والانتباه ..والحظ بعد ..
ثاني شي ..
2- Reading ..
الـ Reading مكون من 3 section
يعني 3 قطع Reading ..
مدته ساعة كاملة 60 دقيقة ومايعطوك فرصة تنقل إجاباتك من ورقة الأسئلة لورقة الإجابة ..
يعني جاوب دايركت بورقة الإجابة ..
وعبارة عن 40 سؤال كذلك ..
الـReading يعتمد على السرعة والتعود أي التدريب على مثل هذه القطع الطويلة مع الدقة طبعاً ..
يعني لا تقرون القطعة كامل لاا ..
قراءة نظر ..
و قراءة الـTopic sentence لكل فقرة عسب تعرف محتوى كل فقرة ..
لاتنصدمون لي جفتوا القطع لأنه كل قطعة عبارة عن صفحتين ..
بالنسبة للأسئلة ..
فهي مكس ..
يعطوك جمل إما ..
True and False and not given
OR
Yes and No and Not given
أو اختياري .. Multipule choose
أو فراغات .. أكمل الجملة بكلمتين أو ثلاث كلمات Words .. أو قد تكون numbers ..
ومرات يعطونك قبل القطعة صفحة فيها Topic sentences
وجدامها أرقام لاتينية ..
وتحت حاطين لك حروف من A To G
و بالصفحة اللي ورا القطعة عبارة عن صفحتين كذلك .. وحاطين لك جدام كل فقرة بالقطعة حرف من A To G
وانت حط كل رقم لاتيني لـ Topic sentence جدام الحرف الدال على الفقرة المناسبة ..
هذا هو الـReading ..
مايمديك الوقت عسب تحله كله بدقة وتركيز بسبب طول القطع ..
ومرات تكون معقدة القطعة قليلاً ..
بالنسبالي الـReading حظ × حظ ..
ثالث شي ..
3- Writing ..
الـWriting عبارة عن 2 section
Task 1 and Task 2 ..
مدته 60 دقيقة ساعة كاملة ..
بالضبط 20 دقيقة لـ Task 1 و 40 دقيقة لـ Task 2
بس على فكرة الوقت هب مفصول ..
اثنينتهم ويا بعض ..
Task 1
سهل نسبياً ..
يعطونك chart واكتب عليه 150 كلمة ..
نظام فقرات طبعاً ..
الـchart له كلمات محددة احفظها واضمن درجة هالـtask ..
بالمناسبة الـchart له خمس أنواع ..
وأنت وحظك شو يكون امتحانكم ..
1. Bar charts
2. Pie charts
3. Line Graphs
4. Tables
5. Diagrams
أنا كان امتحاني Tables .. ووايد سهل ..
هذا موقع بتستفيدون منه للتدريب على الـ Task1 ..
ADMC HD Common Year Writing Graphs
أما بخصوص الـTask 2
فهو نظام الـ essay ..
يعطونك Topic وانت اكتب عنه بحدود 250 كلمة ..
ومدته المرجحة 40 دقيقة ..
أما بخصوص القسم الرابع والأخيرة ..
4- speaking ..
هذا يقيس طلاقتك بالانجلش وهو اللي يرفع المعدل على الأرجح ..
مدته 15 دقيقة ربع ساعة فقط ..
يكون امتحان الـSpeaking منفصل عن الباجي
يكون يا إما قبل الامتحان بأسبوع أو بعده بأسبوع ..
خلال هذه الأيام ..
وقد يكون بنفس اليوم بس في وقت مختلف ..
يعني عقب الامتحان بساعة ..
حسب انت وحظك ومتى موعدك ..
أنا كان امتحاني قبلها بيوم ..
تدخل القاعة انت والاستاذ فقط .. أجنبي يكون طبعا ..
في البداية يسألك أسئلة عن نفسك
اسمك ..
من وين ..
شو هي منطقك ..
شو أكثر شي يعجبك بها ..
هواياتك
وجي يعني ..
عقبها يعطيك topic ويعطيك ورقة وقلم ومده من دقيقة إلى دقيقتين
يعني مثلا أنا كان موضوعي عن كاتب أو رسام مشهور من دولتك أو أي دولة أخرى
في البداية يعطيك فترة 3 دقايق او 4 تقريبا ..
ارمس بها عن الشخص اللي اخترته
قول كل اللي تعرفه ..
منو هو ؟ من وين ؟ هل هو كاتب أو رسام ؟ شو يرسم ؟ شو يكتب ؟ ليش انت معجب به ؟
وجي يعني ..
قول كل اللي تعرفه لين مايسكتك ..
عقبها يسألك جمن سؤال جنرال وثقافة عامة ..
عن هالموضوع ..
وفي النهاية يشكرك ومع السلامة ..
نصائح :
حاول تتكلم قدر الإمكان ..
قول كل اللي عندك ..
اختار ألفاظ وكلمات دسمة وطويلة ونادرة باللغة الانجليزية لانها تزيد من درجتك ..
لا تقول اممم وجي يعني بين كل جملة والثانية خلهم متواصلين أو اسكت افضل من انك تقول اممم ..
كون جريئ وواثق من نفسك وتحدث بطلاقة
إذا مافهمت شي .. قول للسير I don't understand .. لأنه بالــ Speaking يقيس طلاقتك بالانجلش لاغير ؟؟
بالنهاية الـSpeaking يعطوك .. ومايقصرون ويرفع من المعدل ..
هذا باختصار عن الايلس ..
والايلس حظ × مجهود مضاعف × تدريبات ..
والسموحة منك ياخويه ..
وأتمنى إني أكون فدتك وفدت كل القارئين ..
هذا فقط تجربتي الأولى في الايلس ..
ونصيحة أخيرة : في كثير من المواقع للتدريب على الايلس ..
هذا موقعين استفدت منهم كثيراً ..
1- Welcome to the Abu Dhabi Men's College Higher Diploma Year 1 English Website
2- IELTS Teachers
وأتمنى للجميع إنهم يعدون الايلس ..
هو هب في صعوبة التوفل .. ولا إنه سهل سهل ..
الايلس حظ ..
وإن شاء الله الجامعة تقبل 5 وافتك ولا أرجع أعيد الامتحان ..
اسمحولي عالقصور ..
رحم الله والديج يالطيبه ...
ما تقصرين تستاهين كل خير وان شاء الله خير ...
انـــا بعد ان شاء الله يوم الاربعاء بنزل بخبرهم عن كل شي وخاصة هذا الايلتس أو التوفل لأن الصراحه كل شوي يغيرون قراراتهم وبنشوف الامور الزينه وخاصة هذا السكن ابا اسأل عنه بالضبط لأن انا ساكن في بني ياس ومحتاج هذا السكن ضرووري أيـــام الامتحانات اذا ما طلعت لي بعثة .. ;)
اقولج مرة ثانيه مشكوورة وتعبتج الصراحه السموحه
;)
تحيــــــــــاتي
بالحل ياخويه ..
وماسوينا شي ..
وموفج وإن شاء الله تظهر لك البعثة والله يسهل دروبك ..
في كثير من الأشياء يبالها توضيح
وإن شاء الله يوضحوها لنا في اليوم التعريفي ..
لأنه يوم أدق بستفسر عن شي اللي ترد علي ماتعرف التفاصيل ..
عموماً ..
إذا احتجت أي شي عن الايلتس أنا موجودة ..
وللجميع كذلك ..
السلااام علييكم ورحمه الله وبركااااته
بغيت استفسر عندي ايلس 5 بيلغوون الفاونديشن ؟؟؟!!!
لانه اغلب الجامعات يطلبون 5 !؟؟!
وبالنسبه للسكن وين بيكون؟
نحن علي دفعتنا ألغوا لنا الفونديشين ... لو عندنا ايلس 5
بس اظني هالسنه مطلوب منكم 6
والفونديشين .... يا انك اتخلص ف سمستر واحد او اتخلص ف سمسترين ... يعتمد علي ادائك في أمتحان القبول اللي سويته
ويوم 15 بيشرحون لكم كل شي و بيجاوبون علي كل اسئلتكم ^_______*
<<< توني انتبه انج بنت .... كلمتج علي اساس انج ولد لووول
[overline]:(33)::(33)::(33):
اكيد 6؟؟؟؟؟؟؟؟؟؟؟؟؟؟!!!!!!
واللي يايب 5؟[/overline]
بتتأكدين من هالشي يوم الأربعاء
بس حتي لو عندج ايلس بتأخذين انجلس
ايلس بيكنس لج انجلس 001 و 002
ولازم تاخذين انجلش 101 و 102
^_^
انجلشششششش **
مرحبآآآ
أختي Madmoisielle
اتصلت بهم وسألتهم بالنسبة للايلس 5 ..
وهل ممكن إنهم يقبلونها ؟
قالولي .. باجر أحضر معاي شهادة 5 ..
وبيرفعوني إلى level 2 ..
اي ثنك إنه بس كورس واحد فاونديشن ما أعرف بالضبط باجر بتخبرهم ..
حبيت أضيف معلومة للجميع ..
باجر بإذن الله اليوم التعريفي بيخبرونا عن جداولنا وبيعرفونا على أساتذتنا ..
وكذلك بما يخص السكن والمواصلات وهالسوالف ..
واليوم التعريفي يبدأ من 9 - 1 الظهر ..
والسموحة ..
ما تقصرين رحم الله والديج
متى موعد التقديم للجامعه
و شو الأوراق المطلوبه
و تخصص ماجستير الهندسة النوويه دراسته هنيها و إلا برع
لو انا بالفاونديشن لفل 2 ... و ما يبت ايلس 6 هالسمستر .. هل بيدخلوني سمستر فاونديشن ثاني؟
و الا بدش فيرست يير لكن بتكون عندي مادة الانجليزي؟
و مشكورين مقدماً
أهلا وسهلا بك أخي خشمشم..
يمكنك الذهاب الآن الى الرابط التالي .. للتقديم http://www.study4uae.com/vb/study4uae377/article157175/#هنا
أخي الحبيب マジド
التسجيل الجديد >>> لا يوجد ايلتس ولا توفل >>>> foundation lv 1
التسجيل الجديد >>> ايلتس 5.0 >>>>> foundation lv 2
التسجيل الجديد>>> ايلتس 6.0 >>>>> academic
foundation lv 1 >>>> foundation lv 2
foundation lv2 >>>> academic المطلوب ILETS 6.0
تحيـــــــاتي لك
تسلم اخوي عالرد :)
بس انا طالب جديد و ما عندي ايلس و دخلوني لفل 2 .. يمكن عشان النسبة اظن
بالتوفيق
لو سمحتوا بغيت أعرف شو هي التخصصات المطروحه فجامعه خليفه ..~!!
و عندهم هندسة كيمـــاء و لا لا..~؟؟؟!!
بالتوفيق لك أيضا أخي الكريمـ ..
أختي سكون :: ..
التخصصات مطروحه امامك في القسم وكل تخصص له المعروف الخاص به ..
بالنسبه الى الهندسة الكيميائية لا يوجد حاليا .. والله اعلم اذا سيتم طرحها السنه المقبله .. بانتظارهم ان شاء الله :)
السلام عليكم ورحمة الله وبركاته
هالسؤال يمكن غريب شوي
بغيت أعرف شو اسم المهندس المعماري اللي صمم جامعة خليفة (فرع أبوظبي)
وبغيت صورة واضحة للبوابة الرئيسية (إذا أمكن مع القياسات)
و مب مهم أبوظبي عادي الشارجة لو كان أسهل
وإذا تقدرون تعطوني نفس المعلومات لجامعة الشارقة أكووووون شاكر لكم طول عمري
أتمنى تجاوبوني بأسرع وقت ممكن
وشكرا لكم
الســلام عليكم ورحمة الله و بركاته ..
اخي الكريم ، بغيت استفسر عن شي ..
اختي ان شاء الله هالسنه بتتخرج من الثانوية العامه , و نسبتها في التسعينات ان شاء الله
هي طمووحه وترغب في الدراسه بجامعة حليفة فرع ابوظبي ..
حابة تدرس هندسة اتصالات .. وحابة تستفسر عن المنح ، اذا في منحه خلال الدراسه ام لا .
وايضا لأنها بنت ، فـ حبيت استفسر اذا يوجد سكن و مواصلات ..
ارجوك اخي الغالي افيدني ، ولو في رقم اتواصل معاه ، ياليت ما تبخل علي ..
بارك الله فيك وجزاك عنا كل خيــر ..
اخوك : سيف
فيه منحة اخوي
Khalifa University - المنح الدراسية و الحوافز
و فيه سكن و مواصلات للبنات في ابوظبي بس
شكرا اخوي
وبارك الله فيك
هل التسجيل مفتوح للطلاب من القسم الأدبي ..؟
ولازم يكون من الخريجين الجدد..؟
السلام عليكم ورحمة الله وبركاته
ما هي الشروط و النسبة المطلوبة مني للدخول الى اي جامعة بالدولة للتخصص في مجال الطب علما بأنني في القسم العلمي و من أبناء العرب المقيمين بالدولة
وبالنسبة للمنح الجامعية لمن تقدم وكيف تقدم لأبناء العرب ؟؟؟