افتقرنا من كثر الطباعة =( >>اقتراح

الســـلام عليكم ورحمة الله وبركاته


شحالكم وشخباركــ ؟؟


طلاب وطالبات عساكــم بخير وسهاله



سؤال بنات وشباب واخص بالذكر اللي في تخصص ae مامليـتوا من الطباعة

انا عندي اقتراح ليش مايعطونا كتب للـــ atm تعبنا من كثر الطباعة انا عن نفسي ونيابة عن الطالبات وربي في الاسبوع الواحد اسير للمكتبه ع الاقل 4 مرات لطابعه بس


وابوي في الشهر مرتين يغير الحبر لطابعه

يعني المعلمات نزلو ا من الموقع الاوراق وطبعوها على شكل كتاب ولكل معلمه اوراق

ومايرضون لو نزلنهاا بس ع الاب وينقصون لنا درجات >< لا لازم طباعه مافكرتوا فينا كل معلمه اطبعوا اطبعوا نحن مش فاتحين مكتبه لا ولما نبي نسير نطبع راعي المكتبه يسئل كم ورقه اقول له 265 ورقه ينصدم ويقول لا مانطبع عندنا هالكميه من الاوراق

واظطر اني اسير مكتبه في آخر الدنيا بس علشان ماتنقص درجات

انا اعرف في الدوائر والشركات الحكومية شرات الدفاع المدني او ادنوكـ او كلية خليفة لطيران

او في المؤسسات الخاصة حتى يطبعون لطلاب اللي يدرسون او يتدربون وياهم او ع الاقل حاطين لهم طابعه وعامل او عامله تطبع لهم


اتمنى اما تعطونا كتب او ندرس ع الاب فقط وممنوع من المعلمات ينقصون منا درجات عسبت الطباعة


مرات الواحد مايكون عنده احد يوصله

او الطابعه خربانه او يكون عندهـ عذر

كل شئ علا الاب توب موجود هع

وبعدين في ناس تحب دراسة الاب توب اكثر عن الاوراق xD

بس وربي كلامج صح في ليلة كل امتحان تخصص اطبع فوق 20 ورقة

هع وت وي كان سي جست الله المستعان

هيه والله دراسة الاب احسن هع هع

حتى انا مرات اطبعها بس في الامتحان عسب احل


يلا الله المستعان بس نبيهم يسون لنا ع شكل كتاب ويوزعونه ع كل طالب وطالبه

هوه امر عادي .. ومنتشر بشكل كبير في جامعاتنا و مدارسنا ..

لانه سبحان الله الدكتور او المعلم .. ما عايش في المجتمع شكله ..

لما تقوله نسيت اغلف الاوراق او اشتريت فايل .. يقولك الا بدرهم و درهمين ..

يوم تقوله تطبع ملون .. يقولك كم بياخذ درهم او درهمين ..

انا اذكر مره الدكتور قال لنا .. ليش تروح المكتبات ... اشترو طابعه ب 80 درهم .. قلت حلو السعر شكله الدكتور عنده خصم .. بس نسى ان تعبى حبر ب 80 بسر عشان لون واحد ولو اسود وملون .. 160 ..

:) .. بس اعتقد في المعهد عندكم ما يحتاج طباعه .. ليش عييل لاب توب .. و اتفاقية موقعه بين المعهد و انتل وابل ..

هههه منتشر بس نحن عدنا لابات مانبي نطبع والله افتقرنا هههه

تصدق نحن نشتري الطابعه بسعر معين بس الحبر يكون اغلى وعاد كل مره نغير الحبر والاوراق لا تنسى

وبعدين كل سايكل له اوراق غير لانه ماعدنا كتاب

هيه هو يقول بدرهم او درهمين والله الورقة الوحدة الملون بدرهمين عاد نطبع المديول تقريا 30 ورقة للماده التخصص ونحن عدنا 4 مواد تخصص فيعني هالاسبوع 30x4 =120

120 +120 = 240 هذا بس للاسبوع الاول ومرات الاوراق 45

الاسبوع الثاني 240 غير اوراق العمل اللي المعلمات الدين والعربي اطبعوا نحن نبي تطرشوهم ع الايميل ونبي اوراق ليش مادري

وثالث اسبوع والرابع يعني 240+240+240+240 =960 درهم تقريبا في الشهر وتقولين ليش مانفتقر والله

لا وبعد فوق هذا لو كان عدي اخوا بعد زياده تقريبا الف وشيء هذا غير حصص التقويه اللي اسبوعيا اخذهاا

ما شاء الله حسابات مشغلة

هوووووووووع شكلهم مساتكم وايد يعطونكم اوراق >>> اولهم الهنديه هع

انزين شو رايج نسوي صفقة بيني وبينج :(9):

صح والله حتى نحن افتقرنا من كثر الطباعة بس شو نسوي ^^ ما بيدنا حيله

هيهـ وآلله آنآ عن نفسيهـ تعبت آطبع وآلله هلكت يعل آلعدو الهلآآكـ ..
في آتوكآآد آلحمد آلله كل يوم آنقص 5 درجآآت لآن مآطبع ويوم آطبع مآتسآل عنهن ..
مرهـ نسيت آورآقيهـ ف آللوكر وعاد آلمس متحلفهـ علينآآ ونقصتني 10درجآآت ..
لآ وآلله بعد حلفت عليهآ ترسبني -.- ..
يخرب بيت هالحآلهـ مآبقآ شي ورسب ..

اقتباس:

---

المشاركة الأصلية كتبت بواسطة āĐmŋ‡ 7βҜ

هيهـ وآلله آنآ عن نفسيهـ تعبت آطبع وآلله هلكت يعل آلعدو الهلآآكـ ..
في آتوكآآد آلحمد آلله كل يوم آنقص 5 درجآآت لآن مآطبع ويوم آطبع مآتسآل عنهن ..
مرهـ نسيت آورآقيهـ ف آللوكر وعاد آلمس متحلفهـ علينآآ ونقصتني 10درجآآت ..
لآ وآلله بعد حلفت عليهآ ترسبني -.- ..
يخرب بيت هالحآلهـ مآبقآ شي ورسب ..

---

كيف اوتوكاد وطباعة ؟!!

احيدة الاوتوكاد علا الكمبيوتر صدق انها مس غير شكل ><

شفت آنهـ ع آلكمبيوتر بس عآد شوهـ نسوي آطبع غصبن عني ..
يآبوكـ آخاف آرسب من كثر مآآنقص وسبهـ آورآآق ..
آلله يعين ونعدي هآ آلسنهـ ع خير ..

احيم

أصلا اللاب إستوا مامنه فااايده أبدن

عن نفسي ابويه إشترا طابعه عوده ’ واشترا الحبر واللي يعبييه والاوراق بالدرازن ’

كل مايخلص نعبيه عادي الامور طيبه

انا مراتاا يضيع أوراقي أرد وأطبعه الصبح خخخ >متفيجه هع

اللي يقهر إنه اللاب يقولولنا فالكلاس بندوه ’ ويوم مانيبه ويانا تنازع وتنقص 5 درجاات

عافانا الله منهم يارب ’

والدراسه ع الاوراق أحسن
عشان نقدر نخطط ونكتب ’ وأكثر البنات فالمعهد يدشن المنتديات فعشان جي مب حلو إنه ندرس ع اللاب

والمس طبعا مابتخليج تضهرين من الكلاس وتيبين الاوراق من اللوكر

دامج تعرفين إنه عليج اوتوكاد وتعرفين إنه المس تبا الاوراق ليش مايبتيه بالمره وانتي سايره الكلاس

بس المس أحسن تسوي جي لانه شي بنات يحوطون وآخر شي يردون الكلاس ,’

مانباااا كتب مانباااه ’ يكفي الكتب اللي ناخذهن عووده

بتنكسر إيدناا لوجي

فأحسن شي سوو ملزمه لكل مواد التخصص وإنتهت المشكله

وهاذا رأيي

والسموحه

انا الصراحة اقوول نبي كتب والله كل التخصصات لهم كتب الا لناا ليش

آظن يعطونكم رآتب عسب تدفعون للحبر و آلأورآق p=
< آستعبطِ . .

آلله يعينَ صرآإحه ><
يعني بس تخصصكم آللي جيه ولآ ؟

راتب هع ليش اشتغل هههه

اصلا حتى مابيكفي

وابوي يدفع لي


ونحن تخصصنا الوحيد اللي نطبع تخصص الهندسة التطبيقية باقي التخصصات عندهم كتب