عرض للطباعة
مسا الخير // صباح الخير
.
.
اخواني و خواتي
.
تخصص البيولوجيا التطبيقية او التقنيات الحيوية:(19):
هو عن علم الوراثة و dna و هالشغلات ..
و هالتخصص يديد بس في جامعة الشارجه ..
و انا متردده عشانه .. لاني ما عرف وين بشتغل :(33):
و هل فرص العمل واايده و لا شويه ..
و هل هو صعب و لا سهل ؟؟:(34):
.
.
الله يخليكم ساعدوني اذا تقدرون..
.
السموحه منكم
اختي كراعين نملة
انا ادرس تقنيات حيوية ... خلصت السنة الاولى الحمدلله ...
خليني اكون صريحة وياج .. ما بجامل ^^
التخصص يديد ... وانطرح تقريبا اول سنة 2009
بس الإقبال حلوو ماشاءالله وعددنا مب شوية مقارنة بباقي التخصصات العلمية ^^
على بداية السنة الياية ان شاء الله بتنطرح مساقات التخصص لطلاب السنة الثالثة بس اغلبية الطلاب بيكونون سنة ثانية
يعني لين الحيين مانعرف شو طبيعة مواد التخصص بالضبط
بس عندنا فكرة عامة عن هالمواد و متحمسييين لها ^^
امممم اذا قررتي تدرسين بايوتكنولوجي بتاخذين ان شاء الله فالسنة الاولى متطلبات جامعية اجبارية او اختيارية على حسب جدولج ( متطلبات الجامعة ترومين تاخذينها فأي وقت وتساعدج عسب تحصلين درجات عالية ترفعلج المعدل بس لو خلصتيها قبل يكون احسن لان معلوماتج تكون فرش ^^ ) + اجباري تاخذين مواد علمية ( تقريبا بيكون جدولج شرات الثنوية )
* general biology 1 , general biology 2 , general biology lab هاي الكورسات لازم تاخذينها فالسنة الاولى لانها تفتحلج مساقات السنة الثانية والثالثة .. وتقريبا مافيها صعوبة كبيرة لانها تشمل كل المواضيع اللي درستيها فالثنوية مع شوية تفصيل واضافات ع الخفييف ^^
* general chemistry + lab , general physics + lab + calculus مساقات عامة ونفس الشي كأنها تلخيص للي درستيه فالثنوية ...
على السنة الثانية تاخذين مساقين تخصص خفااف يعتبرون مقدمة للسنة الثالثة basic biotech + cell biology + تاخذين متطلبات كلية اجبارية ومساقات مساندة : + Computer science + analytical chemistry + lab , organic chemistry + lab + medical english + biostatistics
على السنة الثالثة تكونين مخلصة المتطلبات كلها تقريبا وتتفرغين للتخصص ... الشغل يزيد و المواد تتكثف و تبدين مثل ما يقولون تتعمقييين ... و السنة الرابعة تاخذين فيها كورس مختصر عن كل فرع من فروع التقنيات الحيوية : البيئية + الجينية + النبات ... وتدربين على الندوات + طبعا بروجكت التخرج .. و يوم تتخرجين بيكون عندج بكالوريوس احياء تطبيقية تخصص تقنيات حيوية ويكون المجال مفتوحلج عسب تختارين واحد من الفروع وتتخصصين فيه للماستر ان شاء الله ^^
فالبداية يمكن تحسين المواد صعبة لانج بتدرسين كل شي بالانجليزي و انتي متعودة عليه بالعربي ( لو كنتي طالبة ف مدرسة حكومية ) بس مع الوقت و التكرار و طبعا المراجعة اول بأول بتثبت المعلومة و بتتعودين .. ^^
اممممم بالنسبة لفرص العمل : انا كنت محتاره شراتج قبل ما اختار التخصص .. طبيعي حبووبة اي تخصص يديد مافيه اي خريجين و مب الكل يعرفونه بتحسين ان فرص العمل له مب متوفرة بشكل كبير ... بس الاهتمام قام يزيد مع الوقت و عندنا فرصة للتدريب و التوظيف فأماكن مختلفة ( المختبرات الطبية و الجنائية و مختبرات الاغذية والبيئة و مراكز البحث العلمي ..... )
اهم شي و قبل كل شي ... صلي استخااااارة و خذي وقتج بالتفكير .. قرار اختيار التخصص مب شي هين و تتحملين نتيجته طول سنوات دراستج ... مابا اخووفج بس لازم تكونين مقتنعة و مرتاحة ولا تختارين التخصص الا لو انتي كنتي حابتنه و تحسين انج بتقدرين تمشين فيه ... و شوفي ميولج لاي المواد يعني لو تحبين الاحيا والكيميا بيناسبج التخصص بس لو كنتي من اللي يميلون للرياضيات والفيزياء تراج بس بتدرسينهم بشكل مختصر فالسنة الاولى على اساس تكون عندج خلفية علمية ... اما اذا حبيتي تتوسعين فيهم ممكن تتخصصين رياضيات او فيزياء او تدرسين هندسة ^^
اتمنى اكون وضحتلج اللي تبينه
و اي استفسار ثاني انا حاضرة ^^
بالتوفيييييييق ^^
طموحي للمعالي ... فاي جامعة انتي ؟؟
طراعين نملة .. انا من يومين اكتشتف ان هالتخصص موجود فالدولة وكنت ابا اسافر علشانه .. والحمدلله فتحوه هنيه..
حبيته مثلج والاخت طموحي ما قصتر وضحت لنا واايد .. وانا اموت فشي اسمه كيميا واحياء .. بس سؤال هل الشغل والدراسة عملية ولا مكتبية << سؤال عبيط بس ما عرفت كيف اصيغه ..
دمتي بتميز ...
يزاكم الله كل خير على الشرح والتوضيح ..
العفوو اختي دفء الثلج
حياج الله ^^
اختي كوين
انا ادرس في جامعة الشارجة
وهالتخصص مب موجود فالدولة الا عندنا ^^
جامعتنا متعاونة مع جامعة شيفيلد ف بريطانيا عسب ينسقوون برنامج التخصص
واعتقد المجال مفتوح للتدريب عقب السنة الثالثة ف شيفيلد للي حابين
ويمكن يكون في تعاون بينا وبينهم من حيث تبادل الدكاترة
و خلال السنة اللي طافت كلية العلوم نظمت ندوات و محاضرات ألقوها دكاترة اجانب و عطونا معلومات عن مواضيع و بحوث و دراسات مختلفة مرتبطة بالتخصص .. بالإضافة لمعرض العلوم و مؤتمر البحث العلمي اللي كان لنا مشاركة فيه بإسم القسم ^^
بشكل عام التخصص حلوو و مع انه ما صارله الا سنتين تقريبا بس الإقبال حلو و الدراسة ممتعة ^^
اي استفسار ثاني انا حاضرة
بالتوفيييييييج و ان شاء الله نشووفكم عندنا عقب شهرين و نص ان شاء الله ^^
طموح عالي إنتِ علمي ولا أدبي ؟
السلامـ عليكمـ .. من جد مشكورة كثير ويعطيكـ الف العافية ع المعلومات اللي قدمتيها لنا
بس بحكم اننا طالبات جدد أنا ورفيجاتي سجلنا في التقنية الحيوية ، بس عرفنا اننا راح ندخل امتحان فيزيا ورياضيات وطبعا ولا وحدة مننا كانت سامعة عن الموضوع من قبل.. فممكن تقوليلنا ايش هي طبيعة الامتحانات هذي .. وتراا كلنـا نااطرين جوابكـ لاننا من جد حاسين اننا ضايعات .. والف شكر وسوري اذا رااح نتعبكـ معنا ..
أنا بعد ناوية أدخل هذا التخصص بعد ما عرفت عنه لكن للأسف سجلت في كلية العلوم الصحية-تغذية- في فرصة إني أغير ولا لا
ضروري ردوا علي
طالبو
اكيييد علمي والا ما كنت بقدر اتخصص تقنيات حيوية ^^
اخت الحزن
حبوووبة انا كنت مكانج قبل سنة بالضبط وحسيت بالحيرة و الخوف والتردد و لين اول يوم دوام وانا مب متأكدة من اختياري ^^
بس الحمدلله مع الوقت بديت شوي شوي اتعلم و اكتسب خبرة و الحمدلله المستجدات اللي بدوا دراسة الفصل الثاني كانوا يسألوني انا وربيعاتي و ياخذون راينا يعني كل شخص فينا استفاد و فاد غيره فنفس الوقت ... ^^
شووفي بخصوص امتحان الفيزياء والرياضيات هذا مقرر ع طلاب و طالبات الهندسة + اللي بيتخصصون رياضيات و فيزياء فكلية العلوم (بحسب علمي ) بس مب مقرر على اللي مختارين تخصص التقنيات الحيوية
الهدف من هالامتحانات هو تحديد المستوى في حال كنتي محتايه كورس ريميديال (تمهيدي او تأسيسي) فالفزكس او الماث قبل ما تبدين تاخذين كورسات السنة الاولى (فزكس 1 و 2 .. كالكولس 1 و 2 ) .. يعني باختصار مب مفروض عليكم تاخذوونه انتوا بس مطالبين بشهادة توفل او ايلتس فقط لا غير ^^
في حال انج مخلصة كل اجراءات التسجيل ( مستوفية كل الاوراق المطلوبة + حاجزة كرسي ) و عندج شهادة توفل او ايلتس بالمعدل المطلوب بتستلمين جدولج فأسبوع الإرشاد و بتبدين دراسة نظامية ويانا عقبها بأسبوع ان شاء الله ... واذا ما كنتي مقدمة توفل او ايلتس تقدرين تحجزين توفل فالجامعة او برع ( التواريخ المهمة و الارشادات كلها موجودة فالفايل اللي تستلمينه وقت التسجيل + البروشورات اللي موجودة فمبنى التسجيل + ترومين تشووفين موقع الجامعة )
بالتوفيج لج ولربيعاتج حبوووبة و ان شاء الله نشوووفكم عقب شهرين ^^
أمواج هائجة
الغالية ما دامج ما بديتي دراسة لين الحين ترومين تحولين التخصص بدون اجراءات طويلة و تعقيد .. راجعي قسم التسجيل و شوفي الاجراءات ... و حتى لو بديتي عقب و بغيتي تحولين خلال الفصل المجال مفتوح بس اعتقد الموضوع يطول شوي ... تخصصج حلووو بس اذا حابه تغيرينه استخيري و اتوكلي على الله ... ^^
بالتوفييييييج لليميع
و انا حاضرة لأي سؤال او استفسار ^^
يعطيكـ ألف عافية ع التوضيح .. من جد ساعدتينا وريحتينا كثير ,, ربي يوفقكـ يالغلا ,, ماكنت راح احصل اكثر من هذي المعلومات من مكاان تاني .. سوري لاني تعبتك معي =)
يعطيكـ ألف عافية ع التوضيح ،، من جد سااعدتينا وريجتينا
مشكوووورة يا طموحي المعالي والله إن نحن نحتاج لكم ونحتاج لارشادكم وفقك الله دنيا وآخرة
اخت الحزن
ربي يعافيج حبووبة ...
ماشي تعب بالعكس استانست لني قدرت افيدكم ولو بشي بسيط ...
واذا بغيتي اي شي ثاني لا تترددين ... حياج الله ^^
امواج هائجة
العفوو الغالية لا شكر على واجب
ربي يوفقنا يمييع ان شاء الله ^^
سؤال لطموحي المعالي سوري تعبناج ويانا
في التقنييات الحيوية العملي والتطبيق يغلب الحفظ والدراسة؟؟
أنا وايد ارتبك من التجارب يا أحرق ايدي أو أخرب الجهاز
هلا أختي أمواج
الدراسة تقريبا اقدر اقول انها 70% نظري و 30% عملي ... بحسب الخطة اللي عندنا بناخذ على الأقل 10 لابات ... و الباقي كورسات نظرية ( متطلبات جامعة اختيارية واجبارية + متطلبات كلية اجبارية + متطلبات قسم اجبارية واختيارية )
اممم بالنسبة للسنة الأولى ما بتاخذين فيها لابات صعبة ... و تقريبا النظري والعملي متساوين .. يعني عندج بايو 1 و 2 وياهم لاب وتجاربه سهله اغلبها ماخذينها فالثنوية .. و مافيها حرق لا تخافين ^^ .. عندج بعد الجنرال فزكس + اللاب بعد مافيه شي اغلب الشغل فيه فالحسابات و اللاب ربورت نفسه مب التطبيق العملي ... اما لاب الكمستري هذا فيه لهب بنزن و مركبات حمضية تحرق بس لا تخافين كل تجربة شي قبلها دمونستريشن و طول الوقت المساعدين يكونون موجودين بس المهم انج تنتبهين للشرح وتمشين خطوة بخطوة وما تستعيلين شراتي عسب ما تعيدين التجربة من اول ههه .. و اذا عندج سؤال او مب متأكدة من شي على طول خبري الاستاذ\ة وهم بيساعدونج .. ( اللي يدرسون كورسات السنة الاولى وايد فرندلي انا جربت اشتغل وياهم ) ^^
اممم السنة الثانية مافيها الا لابين انا باخذهم ان شاء الله .. اورغانك + انالاتيكال كمستري .. وقالولي انهم سهلين بس يبالهم تركيز و طولة بال .. ^^
السنة الثالثة و الرابعة تبدين تتعمقين شوي وتاخذين مواد اصعب بس بتكونين متفرغة لها ( المفروض تكونين مخلصة كل المتطلبات و الكورسات الجنرال فأول سنتين ) .. واللابات لين احينه مانعرف عنها شي لأن دفعتنا سنة ثانية وطلاب السنة الثالثة بياخذوون كورسات التخصص على الفصل الياي ان شاء الله .. بنشووفهم شو بيقولوون ^^
انا متحمسة للسنة الثانية لأن السنة الأولى اعتبرتها كأنها رابع ثنوي .. اغلب اللي درسناه كنا ماخذينه فالثنوية و الاشيا اليديدة كانت خفيييفة وحلوة ^^
وان شاء الله نشوووووفكم ويانا ^^
بالتوفيييج
مشكووورة أختي طموحي المعالي وإن شاء الله نتعرف عليج في الجامعة
وفقك الله
العفووو أختي أمواج
لا شكر على واجب ...
حاضرين فأي وقت .. ^^
بالتوفييج
مشكوووووووره الغاليه طموحي المعالي .
وااايد افدتينا ..
هممممم
لازم ااذ دورة ايلتس عشان امتحن ؟؟
و لا اقدر ااخذه بدون دورات ؟؟
يعني الايلتس سهل و لا صعب ؟؟
طموحي المعالي .... ممكن بعد ما أدرس التقنيات الحيوية أصير معلمة أحياء ولا لا
كراعين نملة
العفو حبووبة لا شكر على واجب ^^
امممم شووفي بالنسبة لي أنا قدمت توفل فالجامعة و ماعندي فكرة عن الايلتس لأني ماخذت دورة ولا امتحنته .. ربيعاتي يقوولن انه سهل بس يباله تدريب يعني اذا ماجربتيه من قبل او محد خبرج عن طريقة الامتحان احسنلج تاخذين الدورة التدريبية او ع الاقل تشترين الماتيريال مال التدريب من البرتش كاونسل وتحلين الاسئلة و عقب تحجزينلج امتحان ...
تقدرين تدورين فالنت شي وايد مواقع تشرحلج عن الايلتس و توفرلج نماذج تدريب بعد
بشووف اذا حصلت فرصة بدورلج ...
ملاحظة : شهادة التوفل بمعدل 500 او الايلتس بمعدل 5 اجبارية و شرط اساسي لدراسة التخصص ... واذا ما يبتي هالمعدل وبديتي دوام بيحطونج لفل وبتدرسين انجليزي و عقب خلال الكورس بيكون عندج فرصة تقدمين توفل فالجامعة او اتيبين شهادة ايلتس ... ( انا بديت دراسة التخصص على طول فما عندي وايد معلومات بخصوص اللفل و كيف النظام )
أمواج هائجة
هيه عادي ترومين تستوين أبلة أحياء
( مجال التدريس من ضمن فرص العمل الخاصة بتخصصنا ^^ )
مشكوره ...
عندي سؤال ثاني ..
شو مجال شغلنا المستقبلي الضبط ؟؟
مكتبي و لا مختبري ؟؟
يعني شو بنشتغل بالضبط انا قريت فرص العمل الموجوده عموقع الجامعه
س ما فهمت وااايد !!!
فيا ليت توضحيلي ..
مجال الشغل حبووبة أغلبه عملي فالمختبرات
و بيكون فالمختبرات الجنائية و البيئية و مختبرات الاغذية فالبلدية او المصانع و ممكن بعد الطبية
و شي بعد فرصة للشغل المكتبي للي حابين يسوون بحوث و دراسات مثلاً أو حابين التدريس
المجال مفتوح جدامج انج بعد تكملين ماستر و تتخصصين في شي محدد .. مثلا التقنيات الحيوية الطبية أو الجنائية أو البيئية أو تكملين دراسة الطب الجزيئي ( اعتقد هالشي بيكون مطروح فمعهد الدراسات الطبية اللي فمبنى الميديكال )
اممم اي شي ما فهمتيه خبريني وبحاول اشرحه لج اكثر ^^
بالتوفيج
انا طالبة من الجزائر ومقبلة على شهادة البكالوريا واريد ان ادرس في الكلية الجامعية للتقنيات الحيوية بالامارات ان حصلت على شهادة البكالوريا باذن الله تعالى فقط ادعولي واريد ان اعرف كيفية التسجيل فيها
ارجوكم اريد رد منكم خاصة الذي يدرسون في هذه الجامعة
اختي بخصوص التسجيل لمن هم من خارج دولة الامارات ماقدر أفيدج بشي للأسف لأن ما عندي المعلومات الدقيقة .. تقدرين تتصفحين موقع الجامعة وتتعرفين على برنامج التقنيات الحيوية اكثر .. و اذا حابه تراسلينهم او تتصلين المعلومات و الارقام موجودة ...
UOS Home
هلاا والله فيييج الغاليه .. KIDDY
اذا تساليييين عن الكليه الجامعيه للتقنيات الحيويه ..
الراااابط هذاا بسااعدج واايد
http://www.study4uae.com/vb/study4uae41/article144203
و بعد هذااااا
http://www.ameinfo.com/ar-177369.html
ط§ظپطھطھط§طX ط§ظ„ظƒظ„ظٹط© ط§ظ„ط¬ط§ظ…ط¹ظٹط© ظ„ظ„طھظ‚ظ†ظٹط§طھ ط§ظ„طXظٹظˆظٹط© ط¨ط¯ط¨ظٹ
و الموووووقع الرسمي للكليه اجامعيه للتقنيات الحيوبه
BUC
لي عوووده
^^
هلاا والله فيييج الغاليه .. KIDDY
اذا تساليييين عن الكليه الجامعيه للتقنيات الحيويه ..
الراااابط هذاا بسااعدج واايد
http://www.study4uae.com/vb/study4uae41/article144203
و بعد هذااااا
http://www.ameinfo.com/ar-177369.html
ط§ظپطھطھط§طX ط§ظ„ظƒظ„ظٹط© ط§ظ„ط¬ط§ظ…ط¹ظٹط© ظ„ظ„طھظ‚ظ†ظٹط§طھ ط§ظ„طXظٹظˆظٹط© ط¨ط¯ط¨ظٹ
و الموووووقع الرسمي للكليه اجامعيه للتقنيات الحيوبه
BUC
لي عوووده
^^
انا بسجل في الفصل الثانياقتباس:
تكملين دراسة الطب الجزيئي ( اعتقد هالشي بيكون مطروح فمعهد الدراسات الطبية اللي فمبنى الميديكال )
و ابي اعرف اكثر عن التخصص
يعطون في الصيف ؟؟
عسبة اكمل يلي راح مني
وممكن افهم شو يعني طب الجزيئي >> ممكن بعد ما نخلص 4 سنوات ندرس في الطب ..
و شو ممكن ندرس للدراسات العلياا ..
اختي بالنسبة لفصل الصيف المواد المطروحة تعتمد على عدد الطلاب اللي بيسجلون و شو يبون ...
يعني اذا دفعة الفصل الثاني كانت كبيرة بيعطونكم فالصيف بايو 102 عسب تبدون ع السنة الياية ويا دفعة هالسنة (تدرسون مادةالبيسك بايوتكنولوجي مع بعض فما بتكونون متأخرين ) .. او تقدرون تسجلون اي متطلب جامعي او متطلب كلية فالصيف مع مادة اختيارية ...
اممم بالنسبة للطب الجزيئي بصراحة ماعندي معلومات كافية عنه يعني سمعت عنه السنة الماضية بس بدون تفاصيل ... بحاول ايمعلج معلومات اكثر .. اما موضوع الدراسات العليا فالمجال مفتوح لج انج تختارين فرع من فروع التقنيات الحيوية ( الطبية .. البيئية .. النباتية .. الخ ) و تقدمين رسالة ماجستير و دكتوراه ... و هالشي متوفر في الخارج ..
بالتوفيج ..
ماشاء الله عليج اختي طموحي المعالي ..انشاء الله للأعلى دائما.....شكلي بكون زميلكم هاي السنة ادعولي....بس عندي سؤال عن الرواتب هل تقارن بالتمريض او الصيدلة او اقل او اكثر ؟؟