-
اقتباس:
المشاركة الأصلية كتبت بواسطة المرزوقي 77 http://www.study4uae.com/vb/fh.com.s...s/viewpost.gif
هلا بو عوف كيف الحال أنا عندي استفسار بسيط هل بعثة مكتب تنسيق البعثات هي نفسها بعثة الشيخ منصور و لا و كم بعثة موجودة ف الإمارات تطرش الطلاب للخارج لأني الصراحة اليوم امتحنت توفل و لعنت ابو التزفيت الامتحان مرة صعب مال مكتب تنسيق البعثات وهل البعث الثانية يبونك تيب فوق 400 ف التوفل نفس مكتب تنسيق البعثات و اسمحلي كان طولت عليك بالأسئلة
أهلين اخوي .. اسمحلي اني ما شفت مشاركتك ..
هيه شي اكثر من بعثة ف الامارات ..
- مكتب تنسيق البعثات ( بعثة الشيخ منصور )والي هي بعثتين : الاولى بعثة صاحب السمو رئيس الدولة للطلاب المتميزين , الثانية هي بعثة الديوان
- التعليم العالي
- جهاز ابوظبي للاستثمار
- الشرطة
- الجيش
- النووي
- وغيرها ..
اخوي لا تحاتي من التوفل .. ترا بس حضورك للامتحان يعطيك 300 درجة بس ان شاء الله تييب 100 .. لا تفقد الامل اخوي ..
وانا عطيتك اسامي البعثات الموجوده .. وانت حاول تقدملهم ,,
عن التوفل والله ما ادري .. ترا التوفل اللي ماخذينه مب لين اهناك .. شي اصعب يا حبيبي ..
بس ما عليه .. ان شاء الله مقبول .. اهم شي النسبة تكون عالية فوق 85 % عسب تضمن الدخول للبعثة .. وان ربك ما اراد .. شي بعثات ثانية .
والسموحة ع الاطالة و التاخير
-
تسلم بوعوف ماقصرت:(2):
شكلي بحول ع بريطانيا:(48):
-
رد
اخوي انا الحين ثالث ثانوي ادبي بغيت ادرس علوم سياسية في الخارج يعني هل الدوله تختار كليهه محددة تروحلها ولا لا:(6):
-
على حسب البعثة ..
فالديوان يختارلك الجامعات اللي بتسيرلها .. وانت تروم تغيرها ...
اما التعليم العالي .. فانت تسير بروحك وتحدد الجامعات التي تبيهن ..
-
-
عنــــدي استفســـــآآآر ..!!
هـــل طلبـــة مــدارس الحكــــومة يواجهون صعــوبه فالانجليزيه بالنسبه للدراسه برع ....
لأن الانجليزي اللي ندرسه الحين ما أحس إنه قوي.....
أرجو الإفاده
-
السلام عليكم .. اختي ..
سؤالج حلو .. بس لازم تعدلينه شوي ..
مب كل الطلاب .. هو على حسب الطالب نفسه .. النصيحة اللي بقولها حطوها ع راسكم يا طلاب و صدقوني بتتاكدون يوم بتيوون امريكا ..
المدرسة ما تعلمك شي .. اللغة الانجليزية تتغير باستمرار .. فمعظم الكلمات اللي نستخدمها ف المدرسة انقرضت اهنيه ..
بالمعنى المفيد تابعوا المسلسلات الاجنبية و الافلام .. شوفوا النطق الصحيح .. خذوا كلمات يديده .. اقرؤا جرايد انجليزية .. لا تييوون صوب الكتب .. تراها بتخرب لغتكم .. معظم الكتب مطبووعة من زماان .. يعني الكلمات اللي فيها ما تعدلت ,, شي كلمات يدية نزلت .. وشي كلمات كنسلوها ..
و الله انا مافادني الا الافلام و المسلسلات .. والسفرات اللي كنت اسيرلها قبل الثانوية ( من مجلس ابوظبي للتعليم )
اما اللي ف المدرسة .. تعلمج كيف تنجحين ف امتحان السيبا ..
والسموحة ع الاطالة
-
تسلم يمناك أخوي ع الإفـاده .....
و الله يوفقك فدراستك ....
-
السلام عليكم
اول شيء مشكور اخوي على طرح الموضوع الجيد
صراحه انا عندي شوية استفسارات بما اني توي راد البلاد ومخلص
عندي بكلريوس هندسة مكملنه على حسابي من بعد الدبلوم البكلرويوس مالي من استراليا ب معدل 3,6 الحمد الله وناوي على الماستر
قدمت على كذا بعثه اعداد وبعثة النخبه واتريا يفتحون مالت وزارة التربية والتعليم ها الشهر واتريا بعد الديوان قالو لي يب القبول من الجامعة ويصير خير طبعا انا ابا ادرس ماجستير في ايطاليا وحاب التخصص وااايد
ومادري شو من البعثات بعد اقدر اقدم لان صراحه ابا اضمن شيء بس يكون فيه على الاقل راتب لان شكلي بستقيل من وظيفتي وماعرف بعمري ماطلعت بعثة على حساب الدولة
طبعا انا جيكت على الجامعة اللي اباها في موقع الوزارة ومعترف فيها فما فيه مشاكل
ياريت لو تساعدوني انا اللي اعرفه الطلبات تبدا من اللحين
انا كلمت الجامعة وبعده باب التسجيل بيفتح على شهر ثمانية بس ابا اعرف من اللحين اي بعثة اختار لاني احس بتخبل
ومابا احط بالي مكان وبعدين مايقبلوني واتحطم
-
السلام عليكم .. اخوي .
ما شاء الله عليك .. وعقبال الدكتوراه ..
المهم .. عن الابعثات انا ما ارووم اقنعك ببعثة وحدة .. الافضل انك تقدم ع البعثات كلهن .. عسب يوم اييك القبول تعرف الاختيارات اللي عندك .. وحتى لو انت حاط ف راسك بعثة معينة .. يمكن ما تتوفق .. التوفيق من الله .. واللي كاتبه بيصير .. وانت ما تعرف الخير وين ..
الافضل تقدم ع البعثات كلهن .. وشوف الامتيازات اللي تمتاز فيها كل بعثة .. وان شاء الله خير
السموحة ع الاطالة .. والقصور ف المعلومات
