السلام عليكم.. اللي جرب مقابلة مكتب تنسيق البعثات بليز يجاوبني :)
حبيت أستفسر عن طبيعة المقابلة.. الأسئلة اللي يسألونها.. بالعربي ولا انجلش؟
وأي تفاصيل ممكن تفيدنا
عرض للطباعة
السلام عليكم.. اللي جرب مقابلة مكتب تنسيق البعثات بليز يجاوبني :)
حبيت أستفسر عن طبيعة المقابلة.. الأسئلة اللي يسألونها.. بالعربي ولا انجلش؟
وأي تفاصيل ممكن تفيدنا
و عليــكم الســلام..اقتباس:
المشاركة الأصلية كتبت بواسطة Emirati
.. المقابلة طبعا انجلش .. لانك اصلا نجحت في امتحان التوفل اللي سووه المكتب ...
ما اقدر اضمن لك شو الاسئلة اللي يسألونها..
لكن احب اقول لك طبيعي اي مقابلة حق اي بعثة قد تكون المقابلة حول ثلاث نقاط او اكثر:
1- شخصيتك.
2- تخصصك .. و ليش؟ و عاد يسالونك كم سؤال عن التخصص و جي ..
3- و ليش اخترت بعثتنا؟
مع تحيات الدكتور المرزوقي .
اقتباس:
المشاركة الأصلية كتبت بواسطة عربيه
هذي البعثه حق طلاب مجلس بوظبي للتعليم .. بس لطلاب عاشر و حادي عشر ...
على حد علمي التسجيل مخلص و مختارين الطلاب و الوجهات ..
اخوي ممكن معلومات عن بعثات القوات المسلحه لاني نسبتي عاليه في ثالث ثنوي بس قدمت لاكثر من بعثه ورفضوني لان مستواي بالانجليزي مب عالي مقبول لاكن مقارنه مع زملائي هم اعلى مني بوايد و هذا سبب الرفض في اكثر من مره قالي الوالد ما لك الا بعثات القوات المسلحه و الشرطه ممكن معلومات ووين اسجل و شو المتطلبات مقالبه ؟ توفل ايتلس ؟
السلام عليكم ورحمة الله وبركـآتة
بغيـت أستفسر اذا شي بعثات لليابان حق طلاب الثانوية العامة ؟؟
وشـو التخصصـات الموجدة ؟؟
أرجو المسـآعدة
شكرآ
ليه ما حدا جاوب على أسئلتي...
لا اله الا الله
السلام عليكم و رحمة الله و بركاته ..
أنا متأكد 98.6 % بأن مثل سؤالي هذا قد سبق ذكره في المنتدى أو تم ذكره في هذا الموضوع نفسه ! ..
بصراحة صفحات الموضوع كثيييييرة و ما اعرف كيف ببحث من بينها , إن شاء الله ارجو أن تعذروني على التكرار إن حصل حيث أني ألأمس من جهودكم رحب الصدر , جزاكم الله خير .
احسن الله إليكم , هل من الممكن أن تفيدونا بمعلومات عن :
- بعثات شرطة دبي .
- بعثات شرطة ابو ظبي .
- و ما هو المتاح في شرطة الشارقة ؟ حيث على حسب علمي لا يوجد لديهم بعثات .
جزاكم الله خير ..
آنآ كلمت مكتبآدآرة البعثات على آسآس آخذ بعثة للسعودية
بس قالولي مآشي بعثآت للسعودية !!!
معقولة ؟؟
و آنآ عندي حجز مقعد في جامعة الملك سعود
كيف آقدر آغيره لـ بعثه ؟؟؟
أنا خريجة علم اجتماع
وحابة أكمل ماستر فبعثة على حساب الدولة ..
وعندي وااايد استفسارات ..
شو الجامعات اللي تنصحوني بها سواء عربية أو أجنبية ؟
ولازم إذا حبيت أكمل ماستر يكون فتخصصي ولا أقدر أختار شي ثاني ؟
وشو البعثات اللي تنصحوني بها وماتلعوز الطلبة ؟
وهالبعثات تركز على المعدل ولا لااء؟
ومتى يبدا التسجيل ؟ وشهادة التووفل لازم آخذها وانا فالبلاد ولا عادي من برع ؟؟
الـ س ـلام عليكم ورحمه الله بركــاته
لو سمحتوا إخواني انا عندي سوال ويلي عنده درايه بالموضوع ياريت يفيدني والله يجزيه الخير
انا مختاريني لبعثات الطلاب الثانويه لهذا الصيف ، وسمعت إنهم يقسمون الطلاب على الدول
وحابه كيف التقسيم بيكون