عرض للطباعة
مرحبا ..الصراحه وااايد استانست يوم شفت موضوعك لاني فعلا محتاجة لحد يساعدني ..
اولا انا موظفه في مدرسة في بوظبي ودارسة ف التقنيا وماخلصت ..قدمت على بعثة عن طريق مجلس ابوظبي للتعليم والحمد لله ناقصني من الشروط الايلس فقط .. وسجلت حاليا لامتحان الايلس بس المشكلة اني متخوفه للسفر وحابة اسير كندا بس ما اعرف وين احسن مكان اسيرلة واي جامعه اوكي هب صعبه وايد خخخ ؟
ما اعرف محتاجه نصيحتك
عفوا ... كان عندي سؤال بالنسبة للبعثات ... اللي يايب فالثانوية العامة معدل 99 (علمي) في امل ان يحصل بعثة عسب يدرس برع م ان مب مواطن؟؟؟
و سؤالي الثاني اللي يدرس طب جامعة الشارجة و يبي يتخصص برع وين يقدر يروح عسب يقبلونه؟ يعني فاي دولة و اي جامعة؟
و شكرا
السلام علييكم
شحالك اخويه , ربك الا بخير
بغيت استفسر ..
انا الحين في الثانويه العامه القسم الادبي , وان شاالله ان يبت نسبه حلوه بكمل دراسه جامعية ...... وانا حاب اكمل فصل او فصلين هنيه في الامارات في اي جامعة وبعديين اكمل براا , هل رح تواجهني صعوباات او شي
وشو رايك , اخلص فصل او فصلين هني وبعدين اطلع برا او بعد الثانويه اقدم ع بعثة وابدأ دراستي هناك
وشو افضل البعثات المتوفره ... من ناحية المصروف والجامعة والسكن ...
+
بغييت استفسر عن بعثة الديوان , كم النسبة المطلوبه لطلاب الثانويه و هل هم ينظمون لي الجامعه يعني لما اوصل البلد ابدأ في الدراسه في الجامعة اللي نظموها لي ولا انا ادور قبول قبل لا اقدم لهم .. ومتى اسجل فيها علما باني الحين في الثانوية العامة
لي رجعة ان شاالله , والسموحة بنغثك شوي خخخ
السلام عليكم
كيف حالك أخوي
أنا والله محتار بين تخصصين ودولتين فبغيتك تساعدني يا أخوي
اليابان أشوفها زينة وبغيت أدرس فيها الـit أو التكنلوجيا في اليابان بس مشكلتي في اللغة وهل تدريسهم بيكون باللغة اليابانية لأني يالا يالا أعرف أدرس بالإنجليزي والسؤال الثاني أي جامعة معروفة بتدريس مثل هذا التخصص وتكون زينة يعني
أو كندا اللي محتار أدرس فيها الطب أو التكنولوجيا وبغيت أعرف أي أحسن جامعة لكل من هذين التخصصين
وبغيت أسئلك عادي أغير بالطلب في التخصصات أو الدولة التي أود الدراسة بها
أما السؤال الختامي لو يبت نسبة أقل من التسعين يعني مثلاً بالثمانين هل راح يقبلوني أدرس في الخارج
السموحة يا أخوي لو كثرت عليك بالأسئلة بس أنا محتاج للأجوبة ضروري
السلام عليكم ورحمة الله وبركاته،
أخوية بغيت أستفسر ياليت تفيدني أريد منحه دراسيه لدراسة الفنون في الهند وما عرف وين أقدم بجهات حكوميه ..؟
1) عندي شهادة ثانوية بنسبة 91% بس 2007 ، وماعرف منو الي راح يقبلني ياتيت اذاتعرف ساعدني...؟
2) وعندي شهادة أيلس 4 ..؟
والسؤال منو وأي جهه حكوميه تقبل مؤهلاتي أرجو عدم careless plz >>..؟
شكراً
مرحبا ... محتاجة مساعدتكم بليز هذا ايميلي ضيفني عندك بلييييز fa.to22XXXXXXXXXXXXX
fa.to22 عقبها ات هوتميل
و عليكم السلام اختي عذبة الورد .... بالنسبة لحالتج انتي عندج شهادة 2007 و انا اقول لج روحي استفسري احسن لج او ادخلي موقع الوزارة و جوفي بس بالنسبة للسؤال الثاني ... انا السنة اللي طافت يوم سووا لنا محاضرة قالوا لنا ان البعثات بس بتكون للدول التالية : الأردن، الجامعة الأمريكية في قطر، ألمانيا، أستراليا، اليابان، نيوزلندا، امريكا ، كندا، ايرلندا، فرنسا بس هالسنة ماعرف اذا في بعثة للهند أو لا .. و قالوا لنا أن شهادة الايلتس أقل درجة لازم نيبها 6 ،،، و مرة ثانية بأكد لج روجي استفسري احسن ... و السموحة ع القصور
السلام عليكم انا الحين في ثالث ثانوي ادبي ونسبتي في الفصل الاول 94.5 بغيت استفسر عن البعثات لخارج الدولة .
هل في بعثة للسعودية .
السلام عليكم
شحالكم لو سمحتوا ابي تقرير عن التاريخ المشترك
ضروري