السلام عليكم ..
كيف الحال يا جماعة الخير .. انا فتحت هالموضوع للكل .. وان شاء الله يتم تثبيته ..
اللي عنده اي استفسار عن البعثات , الجامعات و الولايات . . ان شاء الله بساعده قدر المستطااع ..
واللي محتاج اي مساعده ترا انا موجود ..
عرض للطباعة
السلام عليكم ..
كيف الحال يا جماعة الخير .. انا فتحت هالموضوع للكل .. وان شاء الله يتم تثبيته ..
اللي عنده اي استفسار عن البعثات , الجامعات و الولايات . . ان شاء الله بساعده قدر المستطااع ..
واللي محتاج اي مساعده ترا انا موجود ..
وعليكم السلام ورحمة الله وبركاته
::
تشكر على هذه المبادرة أخي الكريم
وسيتم تثبيت الموضوع لنرى التفاعل منك ومن الأعضاء وان غاب حس التفاعل من قبل أحد الطرفين فسأضطر الى الغاء التثبيت
::
موفق
السلام عليكم والرحمة
اشحالك اخوي... مشكوور اخويه على هذه المبادرة الطيبة منك لانه قلة ما نرى في بعض المنتديات مثل هذه المبادرة
....
لو سمحت ابغي مساعدك منك
انا قطري ووادرس الثانوية في الامارات كيف احصل على بعثة وشو الجامعات اللي ممكن إني استطيع ادرس فيها في الامارات وعلى العلم نسبتي 83 هل تأثر في البعثات
والسموحة لو طولت عليك
مشكووور اخوي على التثبيت وان شاء الله يكون شي تجاوب من الاعضاء ..
اسمحولي اذا تأخرت في الرد على الاستفسارات ...
بالنسبة لأخوي القطري ..
انا الصراحة ما اعرف عن طلاب من دول مجلس التعاون .. بس انت حاول تقدم للبعثات ..
واذا تبا تزيد من فرصة قبولك لأي بعثة حاول بكل مجهود انك ترفع نسبتك فوق 85 ..
الشيء الثاني .. حاول تقدم لامتحان التوفل أو الايلتس ولازم درجاتك تكون عالية ..
بالنسبة للجامعات .. لكل بعثة جامعاتها اللي تتعامل معها ..
مثلا الديوان يتعامل مع افضل عشرين جامعة في امريكا .. وهكذا ..
داخل الدولة تقدر تدرس في جامعة خليفة - الجامعة الامريكية وغيرها ..
أخوي انت ليش ما تدرس ف قطر (( نصيحة ))
قطر مسويه منطقة جامعية مكونه من ست جامعات قوية واهمها taxes a&m والمتخصصة في الهندسة ..
فالله الموفق .. وانت حاول بكل طاقتك انك تقدم لجميع البعثاات .. واللي كاتبه ربك بيصير ..
الســــــــلأام عليك أخو ي ......!
أنــــــــا أدرس أحييين ثاني ثنوي علمي ..متى أجهز عمري حق البعثة وأي بعثة هي أوكي أو أحسن بعثة من بين البعثات ؟ وأنا أبا أدرس ف أمريـــــــــكا ...............!! (( " هندسة " ))............
شكرا .......
وعليكم السلام اختي .. طالبة الامتياز ..
افضل الاوقات لتقديم البعثات هي بعد انتهاء الفصل الدراسي الاول للصف الثالث ثانوي .. وطبعا في الصف الثالث ثانوي بيكون هناك تقديم لجميع البعثات .. يعني محاضرة واستفسارات .. نصيحتي سيري واستفيدي ..
البعثات تختلف .. وما شي بعثة احسن من الثانية وحتى الموارد المالية نفسها ..
انا طالع عالديوان و ربيعي عالتعليم .. والاثنين عايشين والحمد لله
الديوان معروف بحسن التواصل مع الجامعات الثانية .. وتسهيل الامور لتقديم الجامعات .. وطبعا شي عيوب ..
التعليم .. التواصل ما يكون لهالدرجة .. بس له ميزة احلى .. وانج تقديمن للجامعة اللي تبينها ..
بس لانج بنت ترومين ترمسين الديوان عن الجامعة اللي تبين تدرسين فيها . وبيراعونج ان شاء الله ..
ولو شي سؤال ثاني اسالي ...
تسلم أخوي ماااااااقصرت .................جيه هم عياااااال البلااااد دوم في الفزعة ...........!
السلام عليكم ورحمة الله وبركاته ..
عندي كمن شغلة ابي استفسر عنها وان شاء الله تقدر اتساعدني فيها
انا خريج كليات التقنية العليا دبلوم في تخصص هندسي ويبت 2.91 في الجي بي ايه وخاطري اكمل في استراليا
قدمت للبعثة في التعليم العالي لكنهم ماخذوني
الحين ابي اخذ بس قبول للجامعة وابي اعرف كم المصاريف الي بتكون علي واي الجامعات المعترفة فيها في استراليا وكم سنة بدرس التخصص وهل بيكون هناك سنة تحضيرية قبل الدخول في التخصص ؟؟
وكيف اقدر آخذ القبول هل هناك مكاتب في الدولة ؟؟ ومتى بداية السمستر الياي ؟؟
واذا خذت القبول في مجال انه البعثات تقبلني ؟؟ وغير بعثة التعليم العالي في بعثات ثانية ؟؟
والسموووووووحة على الاطالة
طالبة الامتياز لو نحن ما ساعدنا بعض منو بيساعدنا ..
أخوي خيماوي ..
انا الصراحة ما عندي خلفية عن اللي يبون يكملون دراستهم في الخارج .. وخاصة استراليا ..
لازم تسير للبعثات وتستفسر منهم اكثر .. وتعرف ليش التعليم ما قبلك ..
عن الجامعات .. انت لازم تقدم لها وتعرف كم مصاريفها .. وها يباله search .. وعسب لا اخبي عليك انا سرت استراليا قبل ف برنامج للغة .. والصراحة الشباب قالوا عندهم مشاكل في الجامعات المعترفة .. يعني كل سمستر لازم تشيك عند الوزارة اذا الجامعة معترف فيه ولا ..
فنصيحة مني .. حاول تشوف البعثات وتستفسر اكثر .. لاني انا بعدني طالب ف امريكا .. وما ااعرف ضروف استراليا .. وشو نظام البعثة للي يبي يكمل ..
واسف على الاطالة
يزااااااااااااااك الله خيرررررر ...و اشكر المراقب العاام على تثبيت موضوووووعك ........
يا جماعه شو تنصحوني اكمل هنيييه ولا ادرس خارج الدولة (فيه اختلاف في النظر بالشهاده الجامعيه)
السلام عليكم ..
هالسؤال يا خوي حساس ..
لازم تفكر من الصوبين ..
جامعات البلاد قوية وفيه التخصصات كلها .. وجامعات الامريكية اقوى ..
شو اللي بتستفيده في الخارج :-
1) اكتساب لغة + لهجة وها بيساعدك ف وضيفتك ..
2) الاعتماد على النفس و تعلم المسؤولية .
3) شهادة جامعية قوية معترف فيها من قبل الدولة .
4) ضمان الحصول على العمل ( اذا كنت داخل بعثة )
5) اكتساب صداقات + معرفة الحضارات .. يعني تفتح عقلك اكثر نحو العالم .
وغيرها .. بس مو متذكر
اللي بتفتقده :-
1) الاهل
2) الربع
3) الاكل السنع ..
وغيره ..
فنصيحة لكل من يريد انه يدرس بالخارج .. اهم شي القناعة و الثقة باللي تسويه ..
تراك بتكون فخر لاهلك وبلدك ولنفسك .. بانك تدرس خارج الدولة عسب تساعدك بلادك في التقدم .. وصدقني الدراسة في الخارجة حلوة ونفسها في البلاد .. ولا تتحسف على الاهل و الربع .. تراك تروم ترمسهم من فتره لفتره .. ومع الزمن بتتعود ..
واحد من الشباب جريب رد للبلاد .. مب لانه طفر .. ولا الدراسة صعبة .. لانه كان مجبور انه يسافر ف ما حب الوضع اهناك ...
فنصيحة .. لازم تقتنع باللي تسويه قبل السفر .. وتكوين الصداقات مع الغرب شي حلو .. ويخفف من همومك في الخارج ..
واي استفسار انا جاهز ..
سوووري على الاطاله ..
اخوي انته تدرس في امريكا شو رايك عن ولاية كلفورنيا للدراسه
مرحبا اخوي ..
بالنسبة للسكن ..
انت تأجرلك شقة ولا الدولة بتوفر لك السكن .. ؟
السلام عليكم ..
ردا على اخوي ليوابوي ( ولد ليوا )
ولاية كاليفورنيا من الولايات اللي يتجمع فيها الخليجيين .. وطبعا ها بسبب الجو والاماكن اللي تسيرلها .. يعني بالعربي جو لعب .. بس الولاية فيها جامعات قوية وزينه وها ما يمنع انك تسير .. اذا انت لك خاطر فالولاية سير .. بس افضل لك انك تسير ولاية ثانية
اخوي ميجا ..
السكن أو الشقة ..
اولا يعتمد ع نظام الجامعة اذا تقدر تسكن ف شقة او لازم تسكن في السكن الجامعي .
ثاني شي وهو تكاليف هالسكن .. طبعا بيكون عليك .. لانه ها جزء من تكاليفك واللي يكون تحت ضمن الراتب اللي تاخذة
والله اعلم .. عسب ما توهقوني مع البعثات ... :)
سمحولي على الاطالة
السلام عليكم ~
عندي كذا سؤال بالنسبة للبعثات :
1- ما الفرق بين البعثات التالية ( التعليم العالي ، مكتب تنسيق البعثات ، ديوان الرئاسة ) ؟ وشو مميزات المكتب يعني ليش اخترته ؟
2- بالنسبة لمكتب البعثات هل اقدر اختار دولة غير امريكا او اذا كانت امريكا هل اقدر اختار الولاية والجامعة ولا هم يختارون لي على حسب تخصصي ؟
3- هل في نظام معين للدراسة في اول سنة لي في بلد الدراسة " امريكا " لان سمعت ان يجمعون الطلبة لدراسة اللغة وبعدين يفرقوهم حسب جامعاتهم؟
4- بالنسبة لسكن الطالبات ايهما افضل في امريكا .. البيوت ولا الشقق ؟؟
والسموحة ع الاطالة ~
اقتباس:
المشاركة الأصلية كتبت بواسطة غلآ الميم * http://www.study4uae.com/vb/fh.com.s...s/viewpost.gif
السلام عليكم ~
وعليكم السلام والرحمة
عندي كذا سؤال بالنسبة للبعثات :
بسم الله .. نبدا نجاوب ع الامتحان ..
1- ما الفرق بين البعثات التالية ( التعليم العالي ، مكتب تنسيق البعثات ، ديوان الرئاسة ) ؟ وشو مميزات المكتب يعني ليش اخترته ؟
الديوان معروف بتنظيمه و كثرة التواصل بينه وبين الطالب .. وغير ان له سمعته بين الجامعات القوية .. و يضمن انج يوم تخلصين تشتغلين ع طول باذن الله .. انا الحمدلله كنت متفوق .. والديوان عيبني .. والجامعات اللي يبعثج لها قوية ومعروفة .. كافضل الجامعات ..
التعليم العالي .. ما اعيبه .. بس تنظيمه مب لين هناك .. بس ها ما يمنع انج تقدمين اهناااك .. والتعليم يبعث لكثر من دولة ..
الديوان و المكتب نفس الشي .. بس ع حسب النسبة .. يعني اذا فوق 90 بتكونين ف الديوان , وبين 85 و 90 تكونين ف المكتب .. و الاخلاف بسيط جدا .
2- بالنسبة لمكتب البعثات هل اقدر اختار دولة غير امريكا او اذا كانت امريكا هل اقدر اختار الولاية والجامعة ولا هم يختارون لي على حسب تخصصي ؟
الديوان ما يبعث الا لامريكا .. اذا كنتي تبين دولة ثانية لازم تسيرين ع التعليم .. لانهم ع ما اظن يبعثون لاكثر من دولة ..
هم يختارون لج ع حسب تخصصج .. بس ( لانج بنت ) ترومين تطلبين جامعة معينه اذا كان فيها تخصصج .. والله اعلم .. بس لازم تقولين لهم اسبابج ..
3- هل في نظام معين للدراسة في اول سنة لي في بلد الدراسة " امريكا " لان سمعت ان يجمعون الطلبة لدراسة اللغة وبعدين يفرقوهم حسب جامعاتهم؟
طبعا .. اول سنه بتكونين ف برنامج اللغة .. وهالبرنامج يختلف من جامعة لثانية .. وفي هالفتره بتمتحنين (توفل IBT ) وتحاولين تييبين الدرجة اللي تطلبه جامعاتج .. معظم الحالات .. طلاب اللغة يفرقون .. لان الجامعات تختلف من شخص لاخر .. بس زي ما قلتلج .. انتي رمسيهم عن الجامعة اللي تبينها .. وان شاء الله يبعثونج الها ..
4- بالنسبة لسكن الطالبات ايهما افضل في امريكا .. البيوت ولا الشقق ؟؟
كل جامعة ع حسب .. شي جامعات السكن مالهم حلو .. وشي زفت .. ف ما اقدر احكم .. بس علي انا .. بسكن ف السكن الجامعي .. عسب استفيد من اللغة .. و الغرفة الحمد لله ما فيها عيب ..
بس الامر يرجعلج .. وف جامعتنا شي مواطنات ساكنات ف السكن الجامعي .. ف هي مب مشكلة ..
والسموحة ع الاطالة ~
تم بحمد الله .. سمحوني عالاطالة .. وان شاء الله اكون كفيت ووفيت
اخوي بو عوف
اولا شكرا على مساعدتك لاعضاء المنتدى..
بس بدي اسالك..وين منقدم على البعثات؟و هاي البعثات مخصصة لمواطنين الدولة و لا كمان للوافدين؟
و اذا كانت بس للمواطنين ،طيب في بعثات خاصة من الجامعات؟و كيف مشان التكاليف؟
علماً باني طالب علمي بالصف الثاني عشر و معدلي للفصل الاول93 و حابب ادخل طب او هندسة
السلام عليكم .. اخوي الرفاعي ..
والله الصراحة انا ما عندي علم عن بعثات الوافدين ..
بس اللي اعرفه ان ادنوك تعطي بعثات للوافدين .. طبعا للهندسة.. و الله اعلم ..
وطبعا ف جامعات ثانية مثل الحصن و ابوظبي .. انا اذكر انهم قالوا شي بعثات للوافدين ..
اخوي انت حاول تييب فوق 96 .. وبتكون امورك طيبة .. ولا تياس .. اسال عن البعثات المتوفرة .. و قدم لكل الاماكن
واسمحلي اخوي لاني تاخرت ف الرد .. و سوري لاني ما خدمتك كثير ..
وسامحونا ع القصور
السلام عليك اخوي اشكرك على الجهد الي يالس اتسويه
عندي سوال السوال هو انا يبت في الفصل الاول نسبه 85
اوبا ادش هندسه جينات على ىوزاره التعليم العالي تتوقع بيقبلوني معى انه عندي سات او الحين بقدم على توفل
ونشاء الله هل الفصل بحاول ايب فوق 90
السلام عليكم اخوي ..
طبعا ليش لا .. تخصص قوي ومطلوب ف الامارات .. ونسبتك زينه ولو تشد حيلك بتنقبل ..
ونصيحة مني قدم لكل البعثات ..
وطبعا التوفل و السات يدعمك .. بس حاول تييب درجة عالية ..
في التوفل فوق 80
وفي السالت فوق 1300
وصدقني باذن الله تعالى بتنقبل في جامعات قوية
السلام عليك اخوي بوعوف
عندي استفسار ثاني
الحين قبل كمن يوم قريت في دليل الطالب للبعثات الخارجيه للتعليم العالي انه
لازم اكون امسجل في جامعه الي ابغيها في امركيا مثلن كيف اسجل مافهمت ممكن اتفيدني
السلام عليكم أخوي ..
اظن انهم يبون القبول الجامعي .. لازم تقدم للجامعة اللي تبي تدرس فيها واللي تخصصك موجود فيها ..
واذا ياك القبول .. وبييك معاه شي اسمه ( i-20 ) وهي عبارة عن فيزا للطالب الدارس .. وبدونها ما تروم تاخذ فيزا دراسة لامريكا ..
على العموم .. انا انصحك بانك تسير للبعثة وتستفسر اكثر .. لاني انا من بعثة الديوان .. وهم بروحهم سوولي هالشي ..
والسموحة ع التقصير
ابصراحه اخوي انا دخلت موقع الجامعه الي ابغي اسير لها اوسجلت بس العضويه بس لازم بعد ادفع 50000 دولار يعني معقوله انا اتوقع انه هم اسون لك هم اسجلونك سويت العضويه بس عسب اكمل وين التخصص اهني يطلب الاكريدت كارد ماعتقد انه انت اتسوي اتسجيل
السـلام عليكم ورحمة الله وبركاته
كيف الحال ؟
حبيت أستفسر عن تخصص " اختصاصي تغذية " مااعرف شو اسم التخصص بالضبط ....بس الي هو يختص بمجال التغذية .........أنا الي عرفته ان نادر ف الإمارات من قبل مواطنين .......!
في إمكاانية إبتعااث الطالب لبعثة يدرس من خلالها هذا التخصص ؟......
يزاك الله خير أخوي بو عوف ...... ولكل إخواني وأخواتي الأعضاء .......
اقتباس:
المشاركة الأصلية كتبت بواسطة طالبة إمتياز http://www.study4uae.com/vb/fh.com.s...s/viewpost.gif
السـلام عليكم ورحمة الله وبركاته
كيف الحال ؟
حبيت أستفسر عن تخصص " اختصاصي تغذية " مااعرف شو اسم التخصص بالضبط ....بس الي هو يختص بمجال التغذية .........أنا الي عرفته ان نادر ف الإمارات من قبل مواطنين .......!
في إمكاانية إبتعااث الطالب لبعثة يدرس من خلالها هذا التخصص ؟......
يزاك الله خير أخوي بو عوف ...... ولكل إخواني وأخواتي الأعضاء .......
اختي .. والله العلم عند ربي .. لان كل سنة يزيدون مجال التخصصات .. فانا ما ادري اذا هم بيبتعثون احد لهالتخصص ولا لا .. راجعي البعثات .. يزاج الله خير
اقتباس:
المشاركة الأصلية كتبت بواسطة uniQuenasser http://www.study4uae.com/vb/fh.com.s...s/viewpost.gif
ابصراحه اخوي انا دخلت موقع الجامعه الي ابغي اسير لها اوسجلت بس العضويه بس لازم بعد ادفع 50000 دولار يعني معقوله انا اتوقع انه هم اسون لك هم اسجلونك سويت العضويه بس عسب اكمل وين التخصص اهني يطلب الاكريدت كارد ماعتقد انه انت اتسوي اتسجيل
مثل ما قلتلك اخوي .. الافضل انك تراجع البعثة عسب يفهمونك شو هو المطلوب ..
اقتباس:
المشاركة الأصلية كتبت بواسطة بوعوف http://www.study4uae.com/vb/fh.com.s...s/viewpost.gif
اقتباس:
المشاركة الأصلية كتبت بواسطة طالبة إمتياز http://www.study4uae.com/vb/fh.com.s...s/viewpost.gif
السـلام عليكم ورحمة الله وبركاته
كيف الحال ؟
حبيت أستفسر عن تخصص " اختصاصي تغذية " مااعرف شو اسم التخصص بالضبط ....بس الي هو يختص بمجال التغذية .........أنا الي عرفته ان نادر ف الإمارات من قبل مواطنين .......!
في إمكاانية إبتعااث الطالب لبعثة يدرس من خلالها هذا التخصص ؟......
يزاك الله خير أخوي بو عوف ...... ولكل إخواني وأخواتي الأعضاء .......
اختي .. والله العلم عند ربي .. لان كل سنة يزيدون مجال التخصصات .. فانا ما ادري اذا هم بيبتعثون احد لهالتخصص ولا لا .. راجعي البعثات .. يزاج الله خير
يزاكـ الله خير .أخوي ....." وعســـا خيررر " .....
elslam 3lekum
sorry am writing in english bs i have an english keybaor
am a DWC graduate
w 7abeh a8dem 3la b3that eldewan
bs 7beet astfser, my GPA is: 2.97
agdr a8dem wla la zem elGPA ykon a3la 3n che ??
no problem sis .. speak with any language..
from my knowledge I think you have to get 3.0 or above to continue your studies .. but I think it is better to ask the scholarship .. coz they may let you go ...
و الله اعلم ..
mmmmmmmmmm ok thnx bro :)
i'll call them 2moro then
wish me luck & thnx again
اقتباس:
المشاركة الأصلية كتبت بواسطة Ba6a6ah http://www.study4uae.com/vb/fh.com.s...s/viewpost.gif
mmmmmmmmmm ok thnx bro :)
i'll call them 2moro then
wish me luck & thnx again
hhh .. you are welcom
oky .. GooD LucK
:biggrin23:
مرحبا اخوي بو عوف ..
عنـدي كمن سؤال..
انا ادرس حاليا ثاني ثنوي > يعني في ثالث امتحن السيبا ولا
اظن ما بستفيد منه لاني مابدخل جامعة زايد ولا التقنية
اريد اقدم على بعثة في نيوزيلندا ولا اي مكان مناسب
بس شو المتطلبات اللي علي واللي على الديوان ؟؟؟
السلام عليكم ..
اختي اسمعي نصيحتي .. انا واحد كنت ظامن البعثة 100 % .. بس امتحنت سيبا وقدمت لجامعات البلاد ( زايد و الامارات ) وغيرها .. فاحسن شي امتحني .. تراج ما تعرفين وين الله كاتبلج ..
الشي الثاني ..
اللي عليج .. انج تشدين حيلج وتييبين نسبة عاليه ,.. فوق 90% وذيج الساعة البعثات بتتصل فيج ..
قدمي ع كل البعثات .. والله انها احسن طريقة .. عسب تضمنين انج بتحصلين بعثة .. وعقب تختارينها ..
حاولي ف الصيف تدربين ع التوفل و السات ( toefl ibt & sat ) وامتحنيهم .. وييبي درجة عالية .. مب مشكلة لو ما يبتي .. اهم شي المحاولة ..
هم بيطلبون منج درجات الثانوية كلها ( الاول و الثاني و الثالث ) .. فشدي حيلج ..
ادخلي اعمال تطوعية ويمعي شهادات تقدير و مشاركة .. لانه بيفيدج ف تقديم الجامعات ..
فكري ف التخصص اللي تبينه قبل لا تختارين .. شوفي ايجابياته و سلبياته .. عسب لا تتحسفين عقب ..
اما البعثة .. ان شاء الله امورها طيبة .. متطلباتهم من اللي قلتلج فوق ..
و السموحة ع التاخير و الاطالة ..
اقتباس:
المشاركة الأصلية كتبت بواسطة بوعوف
وعليـكم السـلام .. يامرحبا واللـــه ......ْ}
مافهمت عليك اخوي ؟ كيف يعني اقدم ع كل البعثـات ؟
وامتحان السات ؟؟ انا اللي عرفته انه الأيلتس مطلوب ؟؟
اسمحيلي .. ما وضحت اكثر ..
انا قصدي شي بعثات ثانية غير الديوان .. يعني الديوان مب الحل الوحيد ..
التوفل نفس الايلتس .. بس ع حسب .. اذا بتدرسين ف دولة اوروبية ( الايلتس افضل ) اما اذا بتدرسين ف امريكا و كندا .. ( التوفل افضل )
امتحان السات SAT مطلوب للتخصصات اللي تحتاج الرياضيات مثل الهندسة و البزنس .. وهالامتحان فيه ثلاث اقسام ..
reading - writing - math
قراءة و كتابة ورياضيات ..
ان شاء الله اكون وضحت بما فيه الكفاية ..
مرحبا اخوي ..
ممكن سؤال ؟
ليش يبون شهادة الثانوية كلها ؟ ..
يعني لو كانت نسبتي في اول ثنوي = 75% .
بيقبلوني ولا ؟؟؟
مرحبتين ميجا ..
لا اخوي منو قالك انهم ما بيقبلونك .. البعثة تعتمد على نسبة الثانوية العامة ..
اما الشهادات الثانية .. فبيكون مطلوب منك انك تترجمها عسب ترسلها للجامعات .. والجامعات لازم تشوفها ..
يعني الشهادات للقبول الجامعي مب للبعثة ..
مرحبا اخوي بوعوف
مشكور على الموضوع الرائع
اخوي انا حصلت على قبول مشروط من مكتب تنسيق البعثات
1-وودي استفسر عن المصاريف بامريكا هل 3000او 4000تكفي كل شي وتعيشني مرتاح
2-وبعدين بالنسبة للمكتب ايقولون لازم تييب فوق3او2.5من اربعة هل هي بسيطة او لا
3-هل تعرف حد ياب اقل عن هالنسبة ورجعوه ماخلوه يكمل دراسته
4-طلاب البعثة الحاليين كم تستلمون (خخخخخخخخ)وكم تصرفون تقريبا كل شهر
5-شو الوقت اللي سافرت فية للالتحاق بالجامعه
6-انا اريد ادخل هندسة حاب هندسة الطيران بس انته شوتنصحني كأخو
ومشكور مرة ثانية واسمحلنا على الاطالة
اقتباس:
المشاركة الأصلية كتبت بواسطة بودرياه http://www.study4uae.com/vb/fh.com.s...s/viewpost.gif
مرحبا اخوي بوعوف
مرحبتين ..
مشكور على الموضوع الرائع
اخوي انا حصلت على قبول مشروط من مكتب تنسيق البعثات
1-وودي استفسر عن المصاريف بامريكا هل 3000او 4000تكفي كل شي وتعيشني مرتاح
باذن الله تكفي .. لا تحاتي من هالصوب .. الامور طيبة
2-وبعدين بالنسبة للمكتب ايقولون لازم تييب فوق3او2.5من اربعة هل هي بسيطة او لا
طبعا اهي مب صعبة ولا سهلة .. فاذا بتدرس اول باول وتنظم وقتك .. امورك بتكون ف السليم .. اما اللعب و مضيعة الوقت بتحصل ان 2.5 واايد صعبة.
3-هل تعرف حد ياب اقل عن هالنسبة ورجعوه ماخلوه يكمل دراسته
على حد علمي .. ما اظن .. بس انت ليش تحط نفسك ف هالمواقف .. ان شاء الله انت قدها
4-طلاب البعثة الحاليين كم تستلمون (خخخخخخخخ)وكم تصرفون تقريبا كل شهر
الصراحة .. امر الراتب .. شي حساااس ..
انا استلم 3 .. والحمد لله معيشتني احسن عيشة .. سكن وملبس و سفرات .. أموري ف السليم .. بس اهم شي تنظم مصروفاتك
5-شو الوقت اللي سافرت فية للالتحاق بالجامعه
انا ييت في الفول Fall الخريف .. يعني نفس دوام البلاد شهر 9
6-انا اريد ادخل هندسة حاب هندسة الطيران بس انته شوتنصحني كأخو
انا في الهندسة .. ميكانيكية .. اول شي انا ما اروم احددلك اي مجال احسن لك .. بس بسهل الطريق ..
هل انت تبي تدخل الهندسة برغبتك .. فكرت قبل لا تدش .. ليش تبا هندسة طيران بالذات .. وشو اللي عيبك فيه ..
هل انت راضي ع الشغل اللي بتشتغله طوال حياتك ..
هاي اسئلة فكر فيها وجاوب نفسك ..
تخصصك قوي ووايد مطلوب .. والراتب لا تحاتي .. مرة فوق .. بس اهم شي انك تكون راضي عن هالتخصص
ومشكور مرة ثانية واسمحلنا على الاطالة
العفو اخوي .. واسمحلي انا على الاطالة .. واي مساعدة انا موجود .. ولا ييت امريكا طرشلي رقمك أو ايميلك
تسلم طمنتنا الله يطمنك
الغالي
عندي سوال ادري اني مصختها بس الله يعينك علية
انته ليش ماسافرت على الشرطة او الجيش او شي من هالبعثات اللي رواتبها عالية واخترت بالتحديد مكتب تنسيق البعثات
وانته كم يبت بالثانوية
وليش ماحصلت بعثة رئيس الدولة هل بس عشان النسبة