مفهوم الخدمة الاجتماعية!

الخدمة الاجتماعية يختلف مفهومها من شخص للثاني ..
وهنا حابة اعرف وجهات النظر حول مفهوم الخدمة الاجتماعية ..
منهم من يشوفها وظيفة وبس
ومنهم من يشوفها خدمة انسانية ويحسن النية ابتغاء الاجر من الله
ومنهم من يشوف فلسفه وبس
و ..و ...و المهم انها آراء كثيرة ..
نبي نتعرف عليها من خلال ردودكم


بالنسبة لي شخصياً اشوفها ..
ممكن نتكون مهنة ..ومصدر للرزق ..باخلاص النية تتحول لمكسبين ..!
عمل ممتع +ومثوبة ربانية +.واجر دنيوي
واشوف بعد
انة مو شرط الخدمة الاجتماعية ..
تكون مكتب وتحت مكيف واكون مشرفة اجتماعية وكل يومين بنت
تجي تسولفلي عن مشاكل اهلها وانا انصحها بطريقة علمية ووو وآخر الشهر كم الف في جيبي
لا
اشوف ان كل فرد في المجتمع لازم يخدم ..
باي طريقة يخدم ..
اللي يمتلك اسلوب بليغ في الكلام ..ممكن يكون واعظ في مجتمعه ...
واللي يملك المال ..ممكن يبي مساجد ..دور ايتام ..مدارس تحفيظ قرآن وغيره وغيره
واللي تملك حب الناس ..ممكن تستغل هالشي بتحفيزهم على الخير وعلى فعل كل ماهو طيب
وغيره وغير كثير نماذج ..
اللي ابي اوضحه ..ان كل فرد فينا يقدر يخدم مجتمعه ..مو شرط اخصائي ..؟!!
او متخصص في هذا المجال ..؟
بس كيف نساعد ونحفزهم على الخدمة الاجتماعية هنا دور المتخصص يوضح

واشوف بعد ان الاخصائي ..يبدا بالوقاية اولاً
والوقاية تكون عن طريق نشر الوعي الاجتماعي بين طبقات المجتمع
ونشر هالوعي هو اول طريق لنجاح المتخصص في خدمة الفرد ..
وبعدها تبدا مراحل العلاج ..من دراسه وتشخيص وعلاج ..
يعني على سبيل المثال ..
بدل مايجلس يساهم في حل كل القضايا المتعلقة بضرب الازواج لزوجاتهم ..
يروح يتكلم عن اضرار هالشي وعواقبه ..عن طريق محاضرات .,ندوات ..مطويات وغيره
وعلى هالمثال نقيس في بقية المجالات ..تربوية ..اسرية ...طبية وغيره ..


وفي نقطة حابة اضيفها الى اي حد تشعر انك متمكن من خدمة مجتمعك باي صورة كانت ؟؟؟
انت تخدم مجتمعك ..لاتقول انا اخصائي بمستشفى والا باحثة في دار والا مشرفة في مدرسة ؟؟هاذي لقمة عيش بالدرجة الاولى ..مايمنع هي خدمة اجتماعية صح ...بس ماهي كافيه ..عشان نقدر نقول عنك فرد فعّال في مجتمعه ..
ومايمنع تذكرون لنا على صعيد العمل :d
لكن كافراد مجتمع الى اي حد انتم متمكنين .؟!:(33):

انتظر ردودكم...