ما تأثرت

ما تأثرت


بقلم : بطي المري
مازلت احمل لك نفس المشاعر
اجذب عليك وأنا اقول ما اباج
صحيح انك غايب عن الناظر
لكن الحقيقة اني بكلي معاج
من غبتي اشوف الكون شاغر
صمت رهيب يخيم على المناظر
الليل ماعاد فيه من حلاة
والبيت بكل ركن انة الاه
صحيح اني اقول ما تأثرت
ماتأثرت نعم ما تأثرت
من هول صدمة غيابك
فقدت كل احساس
ما اقول انها صعبة صدمة غيابج
ولا اقول اني قويت ع فراقج
لكن اقول عجزت حروفي
توصف حالي من بعد فرقاج
اه يا مطول الثواني
واه يا كم أنا اعاني
صحيح انج غبتي عن الناظر
لكن مازلت احمل لك نفس المشاعر
مادري بترجعين اليوم ولا باجر
ولا بتذرفين دمعتج فوق المقابر
ما تأثرت بغيابج لكن اخاف
اخاف تذبحني حسرة فراقج

المري