مبروك قبل طلوع النسب ياخريجي الثانوية
السلام عليكم ورحمة الله وبركاته
حابة اوجه شكري وامتناني لجميع الاعضاء خاصة
الي كااانووا ثالث ثانوي بالتحديد علمي هالسنة الي عدت
واقول لهم الف الف الف الف مبروك تحديدا الي بيحصلون 98% وفوق
تمنياتي للجميع بالنجاح
واشكر هالمنتدى الاكثر من رائع الي استفدنا منه كلنا
من ايام الاعدادية لين ماتخرجنا من المدرسة
شكرا مديرنا شكرا مشرفيننا وشكرا اعضاءنا
والحين
مابقالنا غير الذكريات الحلوة
احلى شي اول مانرد من الامتحان على طول ع النت وندور موضوع عنوانه
"شو الامتحان؟ اخبار الامتحان؟ شو سويتو بالامتحان" ؟
شو حطيتو click ولا push
كم طلع لكم الجهد ولا المقاومة المكافئة؟
كم ناتج جواب التكامل؟اشتقاق؟limit؟
هالسؤال كم عليه (طبعا ها مايساله غير الي متاكد ان كل جوابه غلط) خخخخ
الي يقول الامتحان سهل والي يقول صعب والي والي والي
بس في النهاية كلنا متميزين وكلنا متفوقين
12 سنة وخلصناها على خير تعبنا وننتظر نتيجة جهودنا وسهرنا
شكله هذا اخر موضوع لي فالمنتدى خلاص خلصنا مدرسة ياااي خخخخخ
عقبال طلاب الحادي عشر ان شاء الله
فعلا استمتعت بمناقشاتي وتواجدي وياكم
وربي يوفقكم ويبشركم باحلى نسب ان شاء الله
ترقبوا 4-7-2012
لان من هاليوم باذن الله بيبتدي مستقبلكم ^^
ماحب الوداع لكن ربي يحفظكم وين ماكنتم
مع السلامة
