نتائج الفصل الدراسي الثاني . [ قممة الإححبآط ] !!

السسلام عليكم ورحمه الله وبركاته ,

صبحكم / مسساكم , الله بالخير ,


أنـآ طالبة ثنوية ع ـآمة , قسم العلمي ,,

من منطقة رأس الخيمة التعليمية

يوم الخميس طببعآ الكل استلم الشهآيد ,,

وكان كلي امل أني أحصصل درجات عالية ونسبة ترفع الراس ,

بس انصدمت يوم مسكت الشهآده , الدرجات كلهـآ نازلة ,,

والسبب !!

مع أني ما أعرف شو السبب اللي خلاهم يمنعوو الدقيق , بس صرآحة يزآكم الله ألف خيير وما قصرتو ,, نزلتو نسبنا !

يعني نحن اللي سمعناه من الأبلوات عقب امتحانات الفصل الأول , أنه كانت فيه أخطاء لو بسيطة ف التصحيح وف جمع الدرجات

والحين منعتو التدقيق !

يعني انا يبت ف الفيزيا الفصل الأول 91 والثاني 77 !!

مع أنه الامتحان ما كان وآيد صعب وانا حلييت زين مب أني ما حليت وآخر شي أييب هالدرجة ,

لو أبلتي دققت كانت بتأكد لنا أن ما شي أي أخطاء ف التدقيق انا ما أقول ان المصصححين ظلمونا بس سبحان الله يمكن غلطو ف جمع ولا ف التصحيح ,

ياليت لو تخلوهم يدققون يرآجعو , أو حتى تعطونا أرقام حد نقدر نتواصل وياه عشان نتأكد من درجاتنا !

ومب بس هالمآدة اللي نازلة فيهـآ , كل الموآد بشكل عام نازلة فيهن !

وربي إحبـآط ما قدرت أقول لأهلي شي , يعني انا أقولهم الامتحان كان سهل وعقب اييبلهم 77 ؟

يعني الحين مهما شديت حيلي وسويت اللي سويته ما بييب النسبة اللي كنت دوؤم أبا اييبها

وما بقدر أدخل التخصص اللي كنت أبـآه !! ><

رآعونا نحن ع ويه جامعه وبدون النسب ما بندخل التخصصات اللي نباها !

ومب بس انا اللي نزلت معظظم بنات صفنا نازلات ! معقوولة كلنا ما حلينا زيين , !!!

كنا نييب ف التسعين والحين درجاتنا ف الستين والسبعين

انا أتكلم عن عمري وانا أعلى نسبة ف الصف ! عيل باقي البنات كيف !

أووكي بششد حيلي أكثر وبذاكر بس النسبة ما بترتتفع خاصصة ويا نظام الدرجات هذا , !!

وربي خببصصه وأنا أشوف هالنظام كله ضد الطالب وهذا غير نظام الثلاث فصول المتعب

انهد حيلنا ونحن نذاكر وكل فصل أقصر من الثاني والأبلوات مستعيلات عنبوه مب دراسسة هذي !

أدري أني وآيد طولت بس بغيت أقول اللي ف خآطري ,

ع أمل أن حد يقرآ كلامي , ويتغير شي لو تردون التدقيق بس !

فمآن الله ,

[ سمحولي ع أسلوبي بس وربي مقهورة ]

هي والله صدقتي ف كل كلمة والله حرام الي يصير فينا بعد السهر والتعب اخر شي ماشي نسب والي يقهر اكثر وقت الامتحان شوي شو يكفي ياعاااالم نقرا ولا انحل ولا نتاكد ولا نرااجع ومدارس ثانيه ياخذون الاجوبه ع البارد ويدخلون عليهم الابلوات يشرحون لهم الامتحان حرف حرف وين المساواة هم يحصلون النسب وبدون تعب ونحن نهلك عمارنا وماشي نسب وبعدين لين متى جي كيف بندخل جامعات والتخصصات الي نباهن كيييف حسوووا فينا شوي كلام واايد ف خاطرنا بس ما نقوول غير حسبي الله ونعم الوكيل



والسموحه بس الي مجرب صدق القهر الي فينا بيقول زود

وانا رسبوني في الرياضيات مع ان الامتحان ما كان صعب وحليت عدل بعد شو اسوي عشان انجح في الفصل الاخير

الله يعينكم يال ثاني عشر ووفقكم والله مابيضع تعبكم اجر ان شاء الله وخير لكم ...

انا في صف الحادي عشر العلمي

بس صدق حسيت بمعاناتكم يوم شفت بنات ال12 في المدرسه يصيحن والله انا من داخلي اصيح قلبي اتقطع ، والمعلمات باردات وعادي يعني صراحة مشكله مدرستنا المعلمات مايعطن درجات يعني مثلا التقرير الابله تعطيج المعايير الي تباهن والي بتقيمج فيهن واطبقين كل شي وتتفاجئين انج ناقصة 3 درجات تسالين ليش تقولج الابله انا مااعطي علامة كامله اعلى وحدة تنقص 3 درجات مثلا وتعترف انج مطبقه كل شي ، وين التشجيع والتحفيز كيف ماتبونا نكره المدرسه مب بس المدرسه الحياه كامله ، انا الاحظ انه المسات الاجنبيات حتى لو نقصتج تشجع وتقولج سوي وسوي ونصائح ماتنتهي ..... ماعرف ليش المعلمات المواطنات خاصة جيه طبعا مب الكل الاغلبية بس...!!!

مع أنا كنا فئران تجارب منذ دخولنا المدرسة في صغر ، لكن أسوء نظام طبقوه إلى الأن هو نظام ثلاث فصول ، أرجو أحد أن يستمع إلى كلامنا ربما نحن طلاب لكنا نعي ما يدور حولنا !!!

و الحمدالله إنها أخر سنة بالنسبة إلنا منفتك من هالوزارة إلي ما توخد رأي أحد و لا تنصت لأولياء المور أو مدراء المدارس ، و ترضي الأجانب قبل مواطنيها !

أحب فقط أن أضيف بما إنا مسلمين {وَلَن تَرْضَى عَنكَ الْيَهُودُ وَلاَ النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللّهِ هُوَ الْهُدَى وَلَئِنِ اتَّبَعْتَ أَهْوَاءهُم بَعْدَ الَّذِي جَاءكَ مِنَ الْعِلْمِ مَا لَكَ مِنَ اللّهِ مِن وَلِيٍّ وَلاَ نَصِيرٍ } و الكل عارف شو قصة ثلاث فصول !

والحين التربية ما تهتم بطالبات اعادة التصحيح

الله يكون فى العون

انا كانت بالنسبه ليه افضل فقط ارتفعت فوق 50 درجه منع اني رسبت بالفل الدراسه الاول فيزيا ورياضيات ولكن كانت النتائج مقوبله للجميع
ووفقكم الله

انا وياااااج ف موضوووع ان كل فصل اقصر عن اللي قبله خخخ والابلة مااشاالله تتحول ألى سووبر مااان بس عشاان يخلص هالمنهج الدسم
صج في اموور لازم يعييدوون التفكيير فيها
اوكييه مااعندنا ماانع ثلاث فصووول لكن رااعوو ان الوقت قصيير ف لاازم تقللوون المنهج
واللي صج صج يقهر حااطيين خطه وفالخطه مكتووب شي درووس الطاالب يدرسها برووحه ! اوكييه لوو درسنا برووحنا خلونا نحط الامتحان برووحنا خخ
ياخي بالعقل من وين بنييب الافكار الصعبة اللي فالدرس ومرات الدرس صفحه لكن فيه مليون فكرة لازم الاستاذ يشرحها بالتفصيل
ومشكلة الخطه ان مثلا يخلص الدرس كامل ف حصه وحده والحصه اللي بعدها سيدا درس ثاني
طيب الافكاار وحل الاسئلة والمناقشة بين الطلاب والاساتذه ويين بتصيير !!!!
معلوومه ثاانيه نحن صج صج فالفصل الثاالث كرررفنا كرااااااااااااااف جنه الحرب العالمية
يعني نحن علمي لاتخلونا نحس ان نحن سوبر مان ولا ابطال خارقين ! والله نحن بشر
يااااخي الحصه ماتكفي وفالفسحه ناكل ولا نسير عند المدرس الفلاني ولا المدرس الفلاني خخ ومشكلة هوا مااشمييناااه خخ ويووم نرد البيت نبا نرتاااح مايسمونها رااحه خخ تبدأ الحرب العالمية الثاالثة فالبييت اتغدى وانام واحل واجباتي واذاكر للامتحان واحضر دروس واطلع ابحاث والنشاط والتقارير وايلس ويا هلي واجوف تلفزيون واحدر مسن واسوي واسوي كل هاااا يصيير من ساعه اربع ليين ساااعه عشر فالليل .. بالله عليكم وين الوقت يكفي !
خخخ ادري كتبت براقرااف لكن صج فييني حرررة خخ نتعب نتعب و آخر شي الحظ والقدر (شي من الناس يحصل نصييبه وشي منهم ينظلم ولا يصير وياه شي موب زين) .. بس اااخر شي
اللي ابا اووصله
دااااااام انكم ثثلاااث فصووول ومصمميييين تكرفوون الطاالب وتحوولووونه إلى اينشتااين نمبرر تووو :s31: بليييز بلييييز المنههههجج رااعوونا فيييه وحااولوو تحذفوون اشيااء ,,
وفي الختاام خخخااي انا خلصت ثالث ثانووي :s77: تورطووو يا عيال الثانوية وشكرا ..( ادري دخلت من موضووعكم الى موضوع اخر لكن سامحوني مجرد فضفضة )

وصصصححح ريييم الهنووف معااها حق ..
شي مداارس مثل مدرستنا نستلم ورقة الامتحان ويتم اخذ الورقة منا قبل انتها الوقت بعشر دقاايق
امااااااااااااا مدااارس ثااانيه والله والله والله انهم ع الرااحااااات المعلم يدخل الصف ويفهمهم الامتحااان ويعطييهم رؤووس اقلاام
واالله حتى وقت الامتحاان يزييدوونه لهم
ياااخي بليييز ف هالنقطه الظلم وااضح .. لا صج صج ارمس انا قهههههههههههههههههرررررررررررر
لان الوقت هووو اللي يحكم منوو الذكي ومنوو الغبي
لان كل مازااد الوقت كل ماازااد تفكييرررك
ف اللي مثلا حل الامتحااان في نص ساعه وسلم الورقة يمكن يطلع عنده خطأ وااحد
ويصيييير لوو مثلا كانت مدة الامتحاان سااااعه
كاان فكر ف السؤاال عددددل والذااكرة تتنشط يووم نفكر ونركز ف شيء ف تطلع الاجاابة معاه ويرووووم يحل السؤاال
يعني وييين العدددل فالحالة الاولى بيكون مظلووم لان الامتحان نص ساعه ..
بلييز ياخي حسوو فيينا .. صج هالحركه قهههههرر قهههررر فكروو فيها عددددل . لاازم تحطوون مرااقبيين فالمداارس.. اوكييه ادري بتقوولوون شي هاللي يوون كل فترة ويتأكدون من كل شي فالمدرسة
لكن انا قصدي مرااقبيين مااحد يعرفهم يعني الوزارة تتفق مع اسااتذه ويحلفوونهم انهم يخبرون الوزارة اي غلط او اي شي يصير فالمدرسة بكل صدق واماانه .. بلييز اسمعوونا وحاولوو لوو محاااولة انكم تفهمووننا وتساعدووننا . خاطري اكتب اكثر خخخ بس بنطم لان وايد كتبت خخ عقب بحط موضووع كامل افضفض فيه خخ ..

الله ييسر لكم اموركم و يوفقكم
و تدخلون التخصصات اللي تحلمون بها
و الله يهدي الوزارة