كيفية التأمل مع بنتي

السلام عليكم ورحمة الله
بنتي بالصف الرابع ومتعبتني حيل ما عرف كيف أتعامل معاها
كل يوم ع نفس الموال ونفس الكلام تعالي ندرس ما خذينا شي تعالي نحفظ ماعلينا شي وانا ماريد اضغط عليها عن تكره الدراسة والمدرسة
ويوم افتش كتبها عقب ماترقد الاقي ان في اشياء خذوها وحالاتها غلط
والمشكله احس ان استيعابها مب لين هناك وان عقلها فمكان ثاني يوم تدرسه والحمدلله ماعندنا مشاكل فالبيت
واذا بدت تحل واجباتها تبدأ الساعة 4وتخلص10
شو الحل وكيف اقدر أتعامل معاها

هاتي ليها معلمة تدرسها لاحظي التغيير

حاولي اكثر واكثر في تشجيعها وتحفيزها وكل ما تسوي شي تكافؤنها بشي يعجبها وان شاء الله بتلاحظين التغير