أسئلة بخصوص الثانوية العامة علمي منازل

السلام عليكم:
انا اريد ادرس (الثانوية العامة) علمي ((منزلي)),و انا جديدة في دولة الامارت, و عندي كم سؤال لو سمحتوا اللي يعرف يجاوبني الله يجزاكم الخير:
1. المواد ال8 كلها تحتسب في المعدل؟
2. السنة الدراسية 3 فصول, يعني نمتحن 3 مرات كل ال 8 مواد؟ أو بس نمتحن مرتين, آخر الفصل الاول و آخر الفصل الثالث!!!؟
3. اذا رسبت في مادة بكل ال 3 فصول, لازم اعيد المواد كلها السنه اللي بعدها أو بس المادة اللي رسبت فيها؟ أو في امتحان اعادة بعد طلوع النتائج؟
4. هل صحيح انه علامة النجاح 60% بكل المواد؟ حتى لو كان في مواد ما تدخل المعدل؟

شكرا شكرا شكرا شكرا شكرا للي يجاوب أي سؤال

أفا يا طلاب المنتدى، 50 مشاهده ولا حتى جواب لسؤال واحد، والله اني حزنت، عل أقل دلوني لمنتدى أو موقع ثاني الاقي فيه أي اجابه،

و عليكم السلام و الرحمة ..

أول شي موفقة إن شاء الله و اسمحي لنا على التأخير ..

1. على الأرجح كلها تحتسب، بدون مشاريع و أنشطة .. يعني الدرجة ياخذونها مباشرة من امتحانات نهاية الفصول الثلاثة
2. تمتحنين مع مدارس الصباحي نهاية كل فصل دراسي 3 مرات في المواد كلها
3. في امتحان دور ثاني للطلبة اللي عندهم 3 مواد راسبين فيها كحد أقصى بس خلي هدفج إنج تتفوقين لا تفكرين بالإعادة فكري بالتفوق
4. صحيح ..و المواد كلها تدخل بالمعدل أعتقد .. اتأكدي من المدرسة اللي بتسجلين فيها للمنازل
5. بيعطونج الكتب و فيها فراغات .. حاولي تشترين مذكرات أو تنقلين من طلبة الصباحي أو تحملين كتب دليل المعلم و الملفات اللي يحطونها عندنا في هذا المنتدى و إذا عندج طريقة غير هالطرق بعد أفيدينا فيها ..

الصراحة ما أقدر أعطيج جواب الحين لان يمكن في شي تغير

ان شاء الله تلاقين الاجوبة الصحيحة يارب

Eros: الله يجزاك كل الخير, يعني هالرد ريحني كثير و الله و عن 100 مشاركة, ممنونة لك كثير
شجون: يسلموا يالغالية, ان شاء الله تكون اجوبة Eros هي الاجوبة النهائية و ما يتغير شي
مشكورييييين و ربي يسهل لكم كل امور حياتكم