عرض للطباعة
ياأأخوان انا طالب بالثانويه العامه وقد انهيت الدراسه قبل اسبوع ولكن ابغي معلومه عن التسجيل في امتحان التوفل وكم سيكلف التسجيل الاختبار وكم يعطى فرصه لاداء الاختبار وماهي افضل المعاهد التي تستضيف هذه الامتحانات؟؟ ومالفرق بينها وبين الايلتس ؟؟
ارجو الرد
هلا اخوي،،
ما عندي خلفية عن امتحان التوفل ،، بس اللي اعرفه ان امتحان الايلتس اسهل بوايد عن امتحان التوفل (هو يعتمد اي امتحان توفل تمتحنه،، IBT او PBT).
**امتحان التوفل IBT هو اختصار ل Internet based test ،،، واللي تمتحنه عن طريق الانترنت ،، و المهارات اللي بتمتحن فيها هي listening // reading // writing // speaking ،، و ما بتكتب اجوبتك ع ورقة،،، بتكتبها ع الكمبيوتر ،،، يعني مثلا في listening بتسمع المقطع الصوتي ،،، بعدين بتجوف الاسئلة و عندك وقت محدد عسب تحل الاسئلة ،، و عقب بيطرشون اجوبتك للتصحيح فامريكا (ع ما اظن)..
**امتحان التوفل PBT هو اختصار ل Paper based test،، اللي تمتحنه على ورقة ،، بس مادري كيف هي نوعية الاسئلة ،، اظني فيها جرامر.
**بالنسبة لامتحان الايلتس شيء امتحانين (academic/ general) طبعا اللي يبون يدخلون الجامعة بيمتحنون الاكادميك ،،
فامتحان الايلتس اكاديمك بتمتحن فنفس مهارات التوفل ibt ،، يعني listening/ reading/ writing/ speaking ،، بس الفرق هو انك فامتحان الايلتس بتمتحن ع ورقة،، و فالتوفل ibt على الكمبيوتر .و بحاول اكتب باختصار عن نوعية الاسئلة فالايلتس:
Listening: اربعين سؤال ،، و الاسئلة تتنوع بين الاختيارات و الفراغات و التوصيل و صح او خطأ،، الفرق بينه و بين امتحان التوفل ibt هو ان فالايلتس بيعطونك وقت (دقيقتين) عسب تقرا الاسئلة قبل لا تسمع المقطع الصوتي ،،، بس فالتوفل ibt انت بتجوف الاسئلة بعد ما تسمع المقطع الصوتي،، يعني لازم تاخذ نوتس خلال الاستماع ،، و بعتمد على النوتس فحل الاسئلة ..
Reading: اربعين سؤال موزعة على 3 قطع ،، و الاسئلة تتنوع بين الفراغات و الاختيارات و الصح او خطأ و التوصيل و اختيار الفكرة المناسبة و ... بيكون عندك 3 قطع و ساعة واحدة للاجابة على كل الاسئلة،، يعني ماكسيمام عندك 20 دقيقة عسب تقرأ كل قطعة و تحل اسئلتها ..
Writing: بيعطونك موضوعين،، الموضوع الاول بيكون غالبا عن ارقام و احصاءات و رسوم بيانية ،، يعني مثلا يمكن يبون لك رسمين بيانيين لهوايات الاشخاص فدولتين معينتين، و انت لازم تقارن بين هالرسمين بحيث انك تستخدم الارقام الموجودة عسب تكتب ع الاقل 150 كلمة، أما الموضوع الثاني هو كتابة مقال ،،، مثال: يرى الكثير من الناس ان استخدام الانترنت قد ساعد كثيرا في تيسير الحياة ،، بينما يرى الاخرون ان للانترنت مساوئ حيث بدا وسيلة لقضاء وقت الفراغ بدلا عن القيام بامور اخرى،، كما انه وسيلة سهلة للمجرمين للاحتيال على الاخرين .. ناقش رأيك بالأدلة .. لازم ع الاقل تكتب 250 كلمة،،، و عندك ساعة واحدة للكتابة فالموضوعين ،، الموضوع الاول 20 دقيقة و الموضوع الثاني 40 دقيقة..
Speaking: تتنوع الاسئلة ...
بالنسبة للتسجيل للايلتس تروح british council و رسوم التسجيل 800 درهم (هذا لو ما زادوه).
وبالنسبة للتوفلibt ،، لازم تسأل و تجوف فاي معهد يمتحنون هالامتحان... عاادي تقدر تمتحن اكثر عن مرة ،، و عدد مرات التقديم للامتحان مب محدود ( و نفس الشيء للايلتس).
انا عن نفسي رحت خذت الدورة فمعهد اللغات و بصراحة واايد استفدت
بشكل عام،،، انا اجوف ان امتحان الايلتس اسهل بوايد عن التوفل ،،، لانك تمتحن الايلتس ع ورقة ، و هالشيء اريح و احسن بوايد ،،
بس ما الزمك بهالشيء ،، القرار النهائي لك :) ،، و لا تنسى تصلي استخارة
اتمنى ان اكون موضحة النقاط اللي كنت تبي تعرفها
بالتوفيق ،،
و السموحة ع القصور
السلام عليكم ورحمة الله وبركاته
اخوي انت تبى تاخذ التوفل الدولي iBT والا المحلي PBt؟
في انتظار الرد منك....
اختي par
امتحان الآيلتس اسهل من التوفل الدولي فقط وليس من المحلي
وا الreading اسهل في التوفل الدولي IBT لانها كلها دوائر واختيارات فقط
بالتوفيق للجميع ان شاء الله
هيه انا قصدي انا امتحان الايلتس اسهل عن التوفل ibt اللي هو الدولي ،،،اقتباس:
المشاركة الأصلية كتبت بواسطة theroyale
مشكوور اخوي الكريم ^^