نبدا قصتنا

محمد : هلا هلا ميااااااااااثي .. هلا حياتي حياج .. صباااااااح الخير غنايه جيف حالج؟

ميثه : هلا حمادي .. انا هب زينه فديتك .. مضااااااايجه وكارهه عمريه ..
محمد : خير إن شاء الله .. شو صاير ..؟
ميثه : لا هب صاير شي .. إلا بقولك أبويه ويييين ؟
محمد: أبويه عند خطيبج .. عند ريييييلج ابو عياااااالج المستقبلي
ميثه : شووووو .. شوو.. شوووو.. اخاف إذني تعورني ويالسه اسمع كلام هب زين .. كلاام يسد النفس .. حمادي قول الصدق ..
محمد: شووو بجذب عليج يعني ..؟
ميثه عصبت وقالت بعد ها له وييييييييه إي بيتنا بعد .. تخسي إلا هووووو .. وجان توقف عند باب الميلس .. وتنادي على ابوها

ميثه : ابوووووويه .. ابووووووووويه تعال شوي بغيتك ..
ابوها : هلا ميثه .. يعني ما تشوفين عندي رياييل ..! شو يايبنج ؟
ميثه : ابويه امنووو عندك داخل ..؟
ابوها : خطيبج .. وابوووووووه بعد إمنو .. اسميكم يا البنات مااااا تصدقون تسمعون ريااااال .. جان بتوايقون قبل الابو ..
ميثه : هههههه .. اسميك حركات يا الشويبه .. انزين اقولك ابويه .. إن جان هم يايين عشان يشووفون الموضوع .. قول حق هالخمام ينسى وحده اسمها ميثه .. لا أي ألحين وأجلب عليه الدنيا .. مالت عليه وعلى شيفته .. وع .. يالله فمان الله ..
ابوها مستغرب وقال: يعني ما تبينه ..؟
ميثه : هي ابويه ما اباااااه خير شر الله يخليك ابويه قوله إني ما اباه خلاص ..
( عافك الخاطر ) ههههههه ..
ابوها : هذا هب وقت مصخره ..
ميثه : ابويه انا ما اتمصخر .. اقولك ما اباه ..
ابوها : خلاص .. روحي داخل وانا بيج عقب ..

دخلت ميثه داخل غرفتها وبعد نص ساعه أبوها ياااااا .. وخبرته الموضوع كله ..

كان يموووووووت يموووووووت يتعذب عذااااااااااااااااب لو بس ميثه قالت كلمه حلوه .. بس طبعاً من طبع ميثه الجاسي ما تحب تقول حبيبي وعمري وحياتي .. تقوله سيف بس ..
(( حااااااااف و منتف )) هههههه ..
فهو كان يباها تقول كلمه حلوه .. لوووووو وحده .. بس هي هب راضيه لأنه ما تحبه .. والحب عند ميثه هب مصخره .. الحب تضحيه بين روحين .. وبين جسدين .. الحب هب مجرد كلااااااااااام واوهااااااااام ..

مرت 6 شهوووووور وهم على هالحال .. ميثه .. كانت تحس إنها بدت صدق تميل لسيف .. مع إنها جاسيه معااااااه لأبعد الحدود .. ما تتصوروووون كيف ( انا شاهده ) تراني انا كنت وياهم ^_^ ..

في يوم الجمعه .. كانوا العايله كلهم يتمعون بيت العم راشد المزروعي .. وكانت ميثه تلبس لأنها بتروح بيت عمها .. وجان يرن التلفون
وجان تلقى : Maleqah calling .. طبعاً إلي هو سيف إمسجلتنه " مليقه "

وردت .. السلاااااام عليكم ..

سيف : مرررررررررررحبا .. وعليييييييييكم السلااااااااااام ..

ميثه : ياخي إنت تتصل في وقت هب زين .. إجلب ويهك خلني ألبس انا بطلع ..

سيف : وين وييييين يا الغاليه ؟ ويييين إنشاء الله ؟

ميثه : وإنت شلك .؟؟؟ هذا إلي بيبط لي جبدي .؟ وإنت ليش إن شاء الله معور راسك ؟

سيف : ميثوووووه وين رايحه ..

ميثه : سيفوووووووو .. بروح بيت عمي .. خير في شي ؟

سيف : إنزين بشوفج :

ميثه : سير إنقع لااااااااااااه .. صدق إنسان فايج .

سيف: صدق والله انا رايح المسيد وإنتي دخلي بيت عمج ..

سيف ياي مشي .. طبعاً لأنه بيتهم جريب من بيت ميثه ( ياخي قولي جيران وخلاص ) وهووووووو رايح المسيد .. جاااااااان يشووووووف ميثه .. واخوها الصغير نادر .. ياااااااااااااا ويلي ويلاااااااااااااااه .. حشااااااااا هذي هب أدميه ..

والله قلبي بيطلع ..

سيف : ميثه .. ؟ انتي هب أدميه حشاااا

ميثه تطنز عليه : ايييييه اييييييه إنت ؟ شو هب أدميه .. شو شايف جدامك ينيه اشوووووو .. لا . . لا قول لا .. ويا ويهك

سيف: ويا ويهج إنتي .. ميثووووووووه غطي ويهج احسن لج لا اصفعج ..

ميثه تغايظه جان إطلع شعرها شوي .. وسكرت التلفون .. وحتى ما سوت له سالفه ..

وووووراحت بيت عمها .. وهي تدري بأنه هو قاعد يطالعها ..

المهم .. دخلت ميثووووه بيت عمها ويلست تسووووووولف ويااااااا البنات .. وتغدت وووووووو الحين تبا ترد ..

ما تروم تصك درب بعد .. اتصلت في اخوها .. ويا شلها .. وفي دربها جان تشوووووووف سيف يالس في الخيمه إلي خذال بيتهم .. ووووو قلبها وقف .. استانست .. إلا تشققت بعد .. ^_^

ردت البيت وجان يوصلها مسج من عند سيف :
خذ كلمتي يوم حال البعد من دونك ، شوفتك لو إني بوجه الموت تسعدني )) تعالي أهمسي بإذني ونسيني الأسى والياس
وقولي أنا أحبك لعله يبرد فؤادي
.......
ردت عليه ب مسج .. وكتبت :

إن غبت عني حن قلبي وتشره ..

وإن جيتني قلبي حفظ كل تقدير ..

إن كان تغليني على النفس مره ..

ترى غلاك يفوق بالوصف تعابير ..

سيف من شاف المسج .. تشقق .. لأن ميثه ما تطرش له .. ولا تسوي له سالفه ..

واتصل فيها .. وكلمته ..

سيف: هلا حبيبتي .. هلا وااااالله ..

ميثه : هلا سيف .. جيف حالك ..؟

سيف: ههه .. إنزين ماشي حبيبي ما شي كلمه حلوه .. ياخي خاطريه اسمعهااااااا ..

ميثه : جب يالله جب .. انا ما تعيبني هالسوالف .. ويا ويهك ..

سيف: هيييييه من حقج بوووويه من حقج تقولين ويا ويهك .. ترى ويهج قمر ما حد يروم يقولج شي ..

ميثه : جب إنزين .. بس خلصنا .. بعدك يالس في الخيمه..؟

سيف : هي غنايه بعدني .. اقول حياتي اخواني يايين بكلمج عقب .

ميثه: اووووكيك .. باي

سيف: ربي يحفظج ..

وبندت عنه وسارت عند ابووووووها .. كان قاعد في الصااااااااااله .. وجان تي مييثه وتلوي عليه .. فدييييييييتك ابووووويه فديت روحك .. وينك ؟ ما تقول عندي إبنيه بسأل عنهاااااا ..

ابو ميثه: هههههه .. والله إنج خريطه .. إنتي تحبين امج اكثر عنيه .. شله اسأل دام الحب والحنان هناك .. وإنتو ناسيني ؟

ميثه : ابويه ؟؟ إنت ليش جيه شكااااااااك .. واااااالله إنك غالي واغلى من الغلا نفسه ..

ابو ميثه: اخرط على إلي ما تعرفه .. وإلي تعرفه زيده ..

ميثه : انزين ابويه : خل الأولاد ينفعونك .. فمان الله .. باااااااااااااااااي

ابو ميثه : ياااااااااالله زعلتي يعني .. تعالي تعالي ..

ميثه : لا لا مابي خلاص

ابو ميثه : تعالي لااااااا .. إنتي الدلع والولع وكل شي .. إنتي البجر ..

ميثه: هيييييه صح صح .. قاعد تدهن سيري بس عشان ايلس وياك .. إلا أقولك .. إمايه وينها ..؟

ابو ميثه : ياااااالله قومي سيري سيري خلاص ما اباج .. انا يالس عندج وتقولين لي امي وين ..؟ صدق إنكن بنات النيدووو .. روحي دوريها .. ما عرفها وين ..

ميثه : ههههههه .. مشكله إلي يغارووون ..

راحت ميثه عند امها وهي تضحك .. تعرف إن ابوها وايد يغار ليش إنها تحب امها اكثر ..

دخلت ميثه على امها في الغرفه لقتها تلبس ..

ميثه .. هاااااااا .. وين يا العيوووووز .. وين رايحه ..؟

أم ميثه: عيز حيلج يا مسودة الويه .. انا العيوووز ..! انا إلا أكبر عنج بكم من سنه ..

ميثه وهي تضحك : لا لا .. إنتي عمرج 19 سنه إتقصدقين ..

ام ميثه : هي خلج جيه cool هب تحطميني ..

ميثه : اووووووووه اوووووووه cool بعد .. لالالالالا خطيره الوالده . . إنزين إمايه على وين إن شاء الله ..

ام ميثه: شووووووو يايه تحاسبيني وين رايحه ووين ياييه ..

ميثه: اووووه .. انا شو قلت .. ؟ انزين على وين .. ؟

ام ميثه : انا رايحه دبي .. ازور عمتج .. ابوها مرقد في المستشفى .. ومن زمانما رحت لها ..
ميثه : اقول إمايه انا بروح وياااااااااج ..
ام ميثه : يالله تلبسي ..
ميثه: اوووووووووووووووكيك يا كيك ..

دخلت ميثه غرفتها .. وجات تتصل في سيف..

لقت عنده خط ثاااااااني ..
بندت ..

رد إتصل إبها سيف ..
سيف: الووووووو ..
ميثه : إنزييييييين ما يحتاي تمدها .. اسمعك .. ههههه
سيف: ههههههه .. فديت هالضحكه .. قولي أميييين
ميثه: اخاف تدعي عليه ..
سيف: لا والله قولي ..
ميثه : آمييييييييييييييييييييييييييين >> من خاطرها ..
سيف: الله يديم هالضحكه ..
ميثه : اجمعين يا رب ..
ميثه : سياااااااااافي .. انا بروح دبي ..
سيف: شو ..؟ ليش ..؟
ميثه : بسير عند عمتيه .. وبنزوووور ابوها مرقد في المستشفى ..
سيف: انزين بشوفج ..؟
ميثه: سير إنقع إنزين ويا راسك .. يالله يا ااااااااااالله .. انا قلت لك .. يالله انا بتلبس .. بااااااااي
سيف: ربي يحفظج .. ديري بالج على عمرج ..
ميثه : وإنت بعد حبيبي .. !!
سيف: شوووووو شو وشو شو .. ميثه .. شو قلتي ..؟ يرحملي واااااااااالديج عيديها ..
ميثه ما كانت قاصده إنها تقولها بس طلعت جذا عفويه ..
ميثه وهي منحرجه : شو قلت ما قلت شي .. ؟ يالله فمان الله ..
سيف: : إنــز يي يي يي ن
ميثه: يالله فمان الله .. باي
( وسكرت التلفونوبعدين وافقت ميثه قالت يالله خلني اشوفه ..
بعد ما سكرت يلست تضحك على عمرها .. تقول انا عمري ما قلت هالكلمه شقايل الحين قلتها .. يا ربي اكيد سمعهاااا .. اوووووووووووف ..

راحت تلبست وووو ظهروا .. الساعه 5 العصر ..

وصلوا مشتشفى راشد في دبي .. دخلوا الغرفه إلي فيها عمتها ..
جان تدخل ام ميثه .. وابوووها .. وميثه بعدها برع .. لأنها كانت مستحيه لأن هناك كان محمد ولد عمتها وفيصل وحارب .. وهي تستحي تدخل .. بس أبوها قال لها إدخلي ..

فدخلت وسلمت على الكل إلا محمد وفيصل وحارب ..
محمد وفيصل وحارب .. جنهم عمرهم ما شافوا إبنيه في حياتهم .. !!
يالسين يطالعونها .. حتى عمتها حست بهالشي .. وجان تطلعهم عشان ميثه ترتاح ..

وفعلاً ميثه إرتاحت يوم ظهروا ..

عمت ميثه: هلا مييييييياثي .. جيف حالج حيااااتي ؟
ميثه : بخير غنايه .. إنتي جيف حالج ..؟ وجيف حال الوالد ..؟ إن شاء الله بخير وسهااااااااااااااااله ..؟
عمتها: بخير .. قالوا بيظهرونه يوم الأثنين ..
ميثه: يالله حمدلله على سلامته .. وإن شاء الله خير ..

( بيني وبينكم عمت ميثه كانت تبا ميثه حق محمد لأنه اكبر عن فيصل وحارب )
وجان تقول حق محمد يوصل ميثه عند بنات عمتها .. في البيت بدال اليلسه في المستشفى ..

عمت ميثه: اقول اخويه .. ليش ما تخلي ميثه عند البنات في جميرا ..؟
ابو ميثه : فديتج يا ختيه .. والله هاكيه البنيه جدامج شوفيها جان ودها تروح ..؟
عمت ميثه: ها مياثي .. شو رايج إهناك حصه وموزة يتريونج .. توهم يتخبروني عنج..
ميثه : انزين بروح بس ابويه يوم بترد رأس الخيمه طوف عليه لأني ابغي ارد .. ما ابغي اتم في دبي ..
ابو ميثه : ان شاء الله .. يالله قومي بوديج ..
عمت ميثه : لالالالا ما يحتااااي .. هاكوووه محمد رايح البيت خله يوصلها ..

ميثه إهنيه انصدمت بغت تموت .. كان في خاطرها تشرد من الغرفه ..
حتى احمرت .. وتموا يضحكون عليها ..

وعمتها اتصلت في محمد وقالت له إي الغرفه عشان يشل ميثه ..
وهوووووو عاااااااد ما صدق .. داخل الغرفه وهو شاق الثغر ..

دخل محمد .. ها اميييييه .. بغيتيني بشي ؟
عمت ميثه: هيه امايه .. ود ميثه البيت عند خواتك ..
محمد وهو الفرح هب شايلنه : إن شاء الله .. كم ميثه نحن عندنا ..؟
وجان تطلع ميثه من الغرفه وهي بتموت ..
ماااااااا تباااااااااااااااا ..
طلعوا من المستشفى .. وراحوا ركب السياره .. سيارة محمد رنج ازرق .. رقم دبي ثلاثي .. >> ما بيعطيني إياها .. ^_^

المهم ركبوا .. وووو سلم على ميثه .. وفيصل وحارب يظحكون عليه برع ..

محمد يبا يكلم ميثه بس مستحي منها ..

وميثه قااااااااااااااافطه ولافه وييها صوب الجامه عشان ما يشوفها ..

محمد: ميثه ..
ميثه وهي خايفه بتموت : نعم !
محمد : بلاج إنزين تقولينها جذا جني باكلج ..
ميثه : لا لا عادي ما فيه شي .. يالله خلنا نسير ..
محمد: إن شاء الله ..

محمد تغصص يبا يكلمها وهي تسد الطريج عنه .. كانت في هذاج الوقت تتمنى ان حد يتصل ابها عشان ما تكلم محمد .. تنشغل عنه ..

وماحد اتصل .. وجان تقوم اتظهر تلفونها وكتبت حق ربيعتها شموهShamo0oheta9le le wala gtaltech .. abeech '6aroore

وشوي وجااااااان تتصل شموووووووه .. وتتشقق ميثووووووه اخيراً .. وإضايج محمد .. وردت ..
شمووووه : هلاااااااااا بالغلاااااااااااا ..
ميثه: الســـــــــــــــــــــلاام عليكم ..
شموووووه : ههههههه .. عليكم السلااااااااااااااااااام ..
ميثه: الناس يسلمون قبل .. ولا ما تعرفين السلاام .. ؟
شموووه : بس إنزين .. ذبحتينا ..هههههه
ميثه: جيف حااالج .. ؟
شموووه : بخير .. اقول الأخت صايره قصابه اشوووو ؟ شو بتجتليني ..

( في هالفتره جان يكح محمد )
شموووه : ههههههه .. منوووووو عندج منوووووووووووو
ميثه : ههههه ويا ويهج ما بقولج ..
شمووه : ميثووووووه امنوووووه .. الحب لااااااه ..
ميثه: حبتج القراده إن شاء الله ..

( محمد حس إنهم قاعدين يحشووون فيه ) هههه فسكت وكمل الطريج .. بعد ميثه بندت عن شمووه بعد عيب تيلس طول الوقت شاله التلفون وتغرد فيه وناسيه محمد ..

المهم وصلوا عند الجمعيه .. ونزل محمد وجان يقول حق ميثه : ميثه شي في خاطرج ؟
ميثه: لا سلاامتك .. بس لا تتأخر ..
محمد: صدق ألحين تبين سلامتي ( قالها برقه عورت قلب ميثه )
ميثه اختبصت ما عرفت شو تقول : اكيد ما في حد يبا الشر لهله ..
محمد نزل الجمعيه وياب اغراض كانت موزة اخته موصتنه فيهم ..
المهم .. ميثه كانت تفكر في كلام محمد ومستغربه ..
ليش هو قالي جذا ..؟ شو قصده .. ؟
ويقطع حبل افكارها التلفون .. جان تشله وتلقى mam calling you وترد

ميثه: هلا إمايه ..
ام ميثه : ها حبيبتي وصلتوا ..؟
ميثه : لا اميه بعدنا .. محمد نزل شوي الجمعيه ..
ام ميثه : هييييه زين .. يالله عيل فمان الله ..
ميثه: فمان الكريم ..

يا محمد ما تأخر .. وقال لها : ميثه اسمحيلي ما يبت لج شي ما عرف شو يعيبج ..
ميثه: لا يا محمد ما اريد شي .. بس وصلني البيت .. عنبوه وين رايحين نحن قطر ..؟
محمد : ههههههه .. لا وإنتي الصادقه .. السعوديه ..
ميثه : هههههه .. بلا سخافه يالله ودي عند خواتك متوله عليهن ..

المهم كملوا الطريج وقبل ما يوصلون البيت .. جان يتصل بها سيف
جان تشل التلفون لقت Maleqah اوووووويه نفدت ..
ميثه: هلا سيف ..
سيف: مساااااااااااااااااااااء الووووووووووووورد يا الورد
ميثه : ههههههه .. فديتك ..
سيف : استوى بكبره علامة تعجب .. فدييييييتج وفديت رووووووووحج ..
ميثه: ههههههه .. انزين بس خلاص .. اخبارك ؟
سيف: ميثه .. انا بخير إذا إنتي بخير .. ميثااااااااني ودي اقولج شي ..
ميثه: تفضل سيف .. قول ؟
سيف: تدرين إن صوتج حلووووو .. عذااااااااااب .. اقول ميثه .....
ميثه: نعم سيف .. قووووووول تدلع بعد
سيف: يااااااا ويل حااااالي .. انا بقولج موضوع .. انا فاتحت اخويه العود وقلته إني انا اباج على سنه الله ورسوله واخويه إموافق .. وحتى الأم موافقه .. ( هو شاور اخوه العود لأنه ابوه متوفي من زمن .. فأخوه العود عباره الابو ) >> افسر لكم بعد شوووو ...

ميثه: ............... ( ساكته ) ........... انزين وانا شو اسوي ..؟
سيف وهو يتمصخر : هههههههه .. اتريني عند الباب .. هههههه
ميثه: ويا ويهك مصدق عمرك
سيف : اقوووووول بااااااابوووو ..
ميثه : جب سيلاااااااااااان .. هههههههههاي

تموا يساااااامورررووون بعض الحبايب .. ( اللللللله محلى الحب ) لين الساعه 1 وميثه حست بتعب .. قالت حق سيف: سيافي انا تعبانه ابغي انام ..
سيف: اوكي حياتي .. احلام سعيده ..
ميثه: same 2 u ..
سيف: باي
ميثه : باااايات ..

نامت ميثه وجان تش الساااااااااااعه 10.58 ..
امها نششتها عشان هاليوم بيروحون بيت عمها سعيد .. مسوي عزيمه ..
نشت وهي مضايجه ما تحب تسير إهناك .. لأنها مش لهناك ويا بنات عمها سعيد ..
المهم راحت ..

تدرووووووووون شووووووو صاااااااااااار ..
بعدين بقول لكم ..

الصبح الساعه 12.30 سارت بيت عمهاااااااا .. وجان تشوف عمها سعيد .. وعاد عمها سعيد يموت فيها .. وجااااااان يقوم يحظنها .. عاااااد هو حظنها بقوووووو .. حست إن صدرها بيتفجج .. بس خلاص ما تقدر تتنفس ..

ميثه: عميه بس جتلتني .. ومن الحب ما قتل .. ههههه .. هدني عمي
عمها سعيد : هههههه .. شحالج بنتي ؟
ميثه: بخير عمي .. إنت شحالك .. يابويه شوي شوي عليه صدري عورني شو هاااااا..
عمها سعيد : خلج سبع ..
ميثه : اويه .. ههههه .. لا ما ابي .. هههههه .. خلني جذا بريئه ..
عمها سعيد : ههههههه .. انزين .. ادخلي عند خواتج داخل الصاله بتلاقينهم ..
ميثه : اوووووووووووووووكيك ..

دخلت ميثه الصاله ولقت خوله ونورة وخلود .. ( وهذيلا ميثه هب وياهم دوم ما يحبنها لأن ابوهن بحب ميثه اكثر عنهن ) وسلمت عليهن ..

نشت ميثه تساعد حرمة عمها في المطبخ .. وكان تلفونها معقوق في الصاله ..
رن التلفون وكان سيف متصل .. جان تقوووووم نورووووووه ام الدووويس شلته
( إنزين ها هب تلفونج شله تروحين تشلينه ) >> متغصصه منها ..

وردت ..
سيف: الووووووو ..
نوره : مستغربه .. !!
نورة : الووووو منوووووو
سيف: تم ساكت .. وبند التلفون ..

نورة عرفت إن ميثه تكلم واحد .. او تحبه .. ( نورة طبعها راعيه مشاكل وهي إمبونها ما تحب ميثه فهي انتهزت الفرصه وقالت لازم امشكلها ..

خلت التلفون مكانه .. ولا جنه شي صااااااااااير ..
تغدو العايله الكريمه .. ويلسوا يشربووون جاااااااي عقب الغدا .. جان تقوم نوروه وتيلس حذال ميثه

نوره : اقول ميثه .. شحال مليقه ( Maleqah ) ؟
ميثه : تمت ساااااااااااااااااااكته ومنصدمه ..
ميثه : وإنتي شو دراج فيهااااااا ..
نوره : ترها اتصلت ورديت عليها او قصدي رديت عليه ..
ميثه: لا واااالله .. ومنو سمح لج إنج تشلين التلفون .. ؟
نورة : شفته يرن ورديت .. فيني فضول ..
ميثه: اقول تراج إنتي إنسانه تافهه تدرين بهالشي ..

شلت عمرها ميثه وطلعت من البيت .. وردت بيتهم ..
وجان تتصل في سيف وهي معصبه .. لأنها هي متفقه وياه إنها يوم بتكون فاضيه وماحد عندها بطرش له مسج ولا هي بتتصل .. هب هو يتصل ..

ميثه : الوووووووو سيف .. إنت شو سويت اليوم .. مشكلتني ..اف
سيف: ميثاني والله انا أسف والله
ميثه: هيييييييه إنت ما عندك غير الأسف .. بس تتأسف .. انا هاي وين اصرفها
سيف بندم : انزين شو اقدر اسووووي شوووووو
ميثه: شو تسوي بعد
سيف : انا شعلي منها .. خلها تولي انا ياي اليوم وبخطبج على سنه الله ورسوله .. خلها ترمس من اليوم لين باجر جان ترووم
ميثه: سكرت التلفون في ويه سيف وتمت تصيح ..

نورروووووه ما عيبها الكلااااااااااام لالالالالالالالازم تسوي مشااااااااااااااكل ومصاااااااااااااايب ..

جان تقوم تروح عند عمها أحمد إلي هو ابو ميثه وقالت له شو إلي استوى ..
وعاااااااد ابوووووها عصبي بشكل ما تتصورونه ..

راح لها البيت وهو معصب خلالالالالالاص شوي بيجتلها ..

ابو ميثه: ميثووووووووووه .. ميثوووووووووووووه :X وصمخ يصمخج ..
( وكاااااان في إيده العصااااااااا )

اصلاً ميثه كانت متأكده إن في هاليوم بتستوي مصيبه والسبه نورووه ..
ميثه سمعت الصريخ .. وقالت خلاص .. رحت فيها ..

ابو ميثه : ميثوه وين تلفونج .. ؟ وين ..؟
ميثه : ليش ابويه .. ؟
ابو ميثه : اتصلي في سواااف حبيب القلب .. اتصل لي له الحين
ميثه يوم سمعت سيف بغت تمووووت ..
وما قدرت تقول شي .. غير ( الله يسامحج يا نوره يا بنت عمي )

( يمكن ما اقدر اعبر لكم شو الي صار صدق بس صدق صدق مآساااااااه عند ميثه )

ابووووووها اول شي ظربها ظرررررررررررب ظربها بالعصا حوالي 10 عصي وكلهن تكسرن .. والله إنها كسرت خاطريه .. حتى يوم كانت تي الجامعه كانت ما تقدر تمشي .. ابوهااااا ذبحها .. كان ينشاف الظرب من إيدها .. هو هب معلم في إيدها واضح بس صبعها لأن فيه ظربه يتهاااااا . . ويوم هو كان يظربها كان يطلع الدم منها .. كانت بتموت ( وااااااعليه عليج يا الغلا ما تستاهلين إلي ياج )

بعد ما شبع عنها .. واختبص بيت احمد المزروعي .. راح عند سيف .. ولعن صيييييييييييييييييييره وصييييييير اهله كلهم .. وإلي سنعته إنه زغده بعد هههههه ..

ميثه هذيج الليله .. ما عرفت تنام من شيئين .. اول شي : كيف تنام من الويع .. ما تروم تنجلب أي صووووووب .. كله جسمها مستوي بنفسجي >> عيناويه ههه

والشي الثاني : كانت تفكر في سيف .. حبيب قلبها .. عمرها حياتها ..

سيف قال حق ابو ميثه انا ابا ميثه .. اباها على سنه الله ورسوله .. بس ابو ميثه هدم حلم عمرهم .. وهدم احلامهم وأمالهم .. ورفض قال إنت هب كفو تكون زوج بتني .. وانا اصلاً ما بيكون لي الشرف إني اناسبكم ..

تمت ميثه تفكر في سيف .. ووووو بتموووووت عليه تبا تعرف اخبار حبيبها .. اخبااااااار حياتها .. لايكون حد سوابه شي .. كانت تحاتيه .. وبتموت وبتموت عشان توصله .. كانت وايد تعبانه نفسياً وجسدياً .. وكان هالشي واضح على وييها ..

المشكله إن كان في الباجر دوامات .. يعني ميثوه بتسير الجامعه .. راحت ميثه بس بدون تلفون بعد موووت خلوها تروح الجامعه ولا اصلاً كان ابوها بيظهرها من الجامعه ..

راحت ويوم دخلت الباص .. حتى اليلسه هب قادره تيلسها من كثر الخبطات إلي يتهاااااااا .. ههههههه>> الموضوع يكسر الخاطر وانا اضحك (( صدق جاسيه ))

ف يت ربيعتها اموووون يلست حذالها .. وجان تسلم عليها بإيدها بشوي شوي ..
وجاااااااااااان تصارخ ميثوووه من الويع .. حتى كانت ملابسها يوم تلبسها تعورها ..

ميثوووه : اموووووون دخيلج لا تجيسيني ما اقدر اتحمل دخيلج والله تعبانه
اموون : شو فيج ميثووووه .. شو فيج .. انا ما سويت بج شي .. بس سلمت عليج
ميثوووه : سلامج وصل بس ارمسي من دووون ما تدقيني ..
امووون : إنشاء الله حبيبتي ..

تمت ميثه تفكر في سيف .. بتموووووووت .. وجان تخونها العبره وصاحت في الباص .. من كثر ما تفكر في حبها .. سيف تبا تطمن عليه ..

ربيعاتها استغربن من الموقف .. شووووو صاير ميثاني شو فيج ..
ميثه: لا ما فيه شي .. بس احس عمري إني تعبانه شوي .. وإن شاء الله خير .. بصح ما عليكم ..

وصلت السكن ميثه وهي هب قادره تشل الشنطه .. شلنها ربايعها .. وحطن ملابسها وكل شي .. وووووو يلست طايحه على شبريتها تفكر في سيف

ما تقدر تتصل له .. ولا يقدر هو يتصل لها .. تخاف من ابوها بعد هذاك الظرب إنه يكتشف إنها ردت تكلمه ..

مره شهر على الموضوع وميثه كااااااانت في كل يوم يزيد كررهاااااا لبنت عمها نوره ..

يوم من الأيام كانت في الهيلي في صاله السكيت .. وكانت عندها ربيعتها جواهر ..
جان تقول لها ميثه : جواهر ممكن استخدم تلفونج شوي ..؟

جواهر : اكيد حبيبتي تقدرين ..
وجان تتصل ميثه في سيف .. بعد تررد .. اتصلت .. وسمعت صوت حيااااااتها .. سمعت صوووووت غنااااااااات رووووووحها ..
سيف: الوووووو ( قالها بحزن )
ميثه: الوووووووو
سيف هب مصدق : ميثه !! ميثه !! إنتي ميثه !!
ميثه: هي يا سيف انا ميثه ..
سيف فرحااااااااااااان وشوي عينه بتدمع : ميثه حياتي شو صار فيييييييج .. مثيه حبيبتي شووووووو سوووووو فييييييج .. يعله فيييييني ولا فيج .. يعله كل إلي صار لج فيييييييه ولا فيج .. إنتي بروحج ما تتحملين شي
ميثه: شحالك حبيبي ..
سيف: الحين انا بخير وصحه وسلامه ولا قبل .. لا هب بخير .. من سمعت صوتج انا بخير ( كان وايد مستانس إنه سمع صوت حبيبته صوت عمره حب حياته إلي حرمووه منها )
ميثه: حبيبي انا تعبت .. والله تعبت .. ابويه ذبحي بمووووت والله احس عمري بمووت

سيف: يعل يومي قبل يومج حياتي .. يعل يومممممي قبل يومج .. لا تقولين هالكلمه ما اريد اسمها بليز ما اريد اسمعها ..
( كان سيف يكلمها وهو قلبه متقطع .. منفطر عليها .. هو يباها على سنه الله ورسوله .. حتى هو كان يقول لها ام طحنون .. كان يقول لها يوم بنعرس بنام وياج هي كانت ترفض هالفكره .. كانت تطنز عليه تقوله بعقك عند امك تنام هب عندي )
( كان يسألها شحال طحنون .. تقوله بخير طحنون .. ويقول لها : وابوووو طحنون .. اتم ميثه تضحك .. )

كل هالأحلاام .. كل هالحب .. كل هالغلا .. كل هالأماني .. (( تهــــــــــدمــــــت ))

ليش ..؟ عشان إنسانه قلبها فيه حقد ؟
عشان إنسانه تحب المشاكل ؟
عشان إنسانه نفسها خايسه ؟

تخرب علاقه حب بتتوج بالزواج ؟
لييييييش .. لييييييييش ؟
هذا وإنتي ببت عمها ؟
شو خليتي للغريب .....؟
ميثه وهي تكلم سيف وكانت تصيييييييح بتموووت ..
وصيااااااحها كان يقطع قلبهااااااا ..
جان تقوله الأوضاع في البيت .. قالت أن الحين تقدر تقفل باب الغرفه يعني هب نفس قبل حتى الباب يخلونها تبطله ..

كانت في الصاله مال السكيت تسمع اغنيه روح وروح .. وكانت تبا تشتري السي دي .. فجان تقول حق سيف انا الحين ببند عنك بروح اشتري السي دي .. وما اقدر اطول ترى هذا تلفون ربيعتيه .. ولا تتصل عليه ..

سيف : لا حياتي لا تشترينه انا بيبلج إياه .. انا شوووو بالنسبه لج ..؟
ميثه: إنت شووو بالنسبه لي ؟ بعدك تسأل شو بالنسبه لي ؟ صعب اجاوب ما غير رب العباد هو إلي يعرف إنت شو بالنسبه لي ..

سيف: انا بطرشه ويا ام نوافل تراها عندكم في الجامعه ..
ميثه : لا ما يحتاي تعبل على عمرك ما ابااااا ..
سيف: لا عباله ولا شي ..
ميثه: اوكي حبيبي .. دير باللك على عمرك ..
سيف: امووووووووووووووووووح .. احبج
ميثه : ههههه .. اموووووووووووووح فدييييييييييييتك حبيبي .. يااااا بو طحنون

(( في هاذيك اللحظة حست ميثه إن الحياه رجعت لها مره ثانيه بعد ما راحت حست إن الالوان ردت لدنيتها بعد ما كانت سوداااااا ..))

ردت التلفون حق جواهر .. وشكرتها .. وكانت وااااااااااايد مستانسه لأنها قدرت تطمن على حب حيااااااتها ..

المهم ردت البيت هي وربيعاتها الساعه 8.30 فالليل ..

وكان يوم الجمعه ..كانت ترتب اغراضها عشان بتسير الجامعه ..

المهم .. وصلها اخوها عند المواقف الساعه 2.00 الظهر ..
وركبت .. ونست سالفه ام نوافل ..

يت الساعه 6.39 المغرب .. وهي يالسه في السكن جان تيها الغرفه وحده حرمه شكلها معرسه لأنها كانت عوده .. وحامل بعد بس تدرس سنه اخيره لها
..

جان تقول لها : ميثه صح .. ؟
ميثه : هيه صح .. ؟ امنوووو الاخت ..؟
ام نوافل : وياج ام نوافل .. اكيد عرفتيني ..
ميثه تذكرتها : هييييييه .. هلا فيج ام نوافل .. جيف حالج ..؟
ام نوافل : بخير .. شحالج إنتي ؟ مالومه سيف لو متخبل عليج ..
ميثه : ههههههههه .. فديت رووووحه ..
ام نوافل: اسمحيلي الغاليه .. هذي هديتج من عند سيف ويقولج اسمحيله تراها هب من مستواج وإنتي تستاهلين اكثر .. من جذا .. بس ما قدر إييب لج عشان اهلج ما يشكون ..
ميثه: لالالالالا ما يحتاي .. اصلاً هو ليش يايب كل هاااااا ..؟!!!!! انزين ام نوافل ممكن اعرف إنتي شو تقربين له ...
ام نوافل : انا بنت خاله .. ورابين مع بعض يعني نحن متراضعين مع بعض .. هو عباره اخويه ..
ميثه : هييييييه .. زين والله .. الله حيهم .. هههه
ام نوافل : الغاليه انا اترخص عنج الحين .. بروح اتراااح مثل ما تشوفين شاله شخصين شاله نفسي والي في بطني
ميثه :ههههههه .. الله يحفظكم كلكم ..

وظهرت ام نوافل وشكلها انعجبت في ميثه واخلاقها واسلوبها ..
ميثه .. فجت الهديه إلا تلاقي السي دي
وتحت فيه التلفووووووووون وبطاااااااااااااقه

انصدمت ..

مااااااااا عرفت شو تسوي .. واااااااااااااااااااااااااايد واااااااااااااااااااااااااايد تضايجت من سيف ما تعرف شو اتسوي فييييييييهن ؟؟؟

شغلت التلفون عشان تهزب سيف على سواته ..
اتصلت .. وسيف كان يتريا اتصالها ..

رد ..
سيف: هلا والله ..
ميثه : شو هالحركات البايخه ..؟
سيف: ليش حبيبي .؟شو فيج ؟
ميثه: لا سلامتك ما فيه شي ..! بس منو سمح لك إتتيب لي تلفون وبطاقه وين اوديهن ؟
سيف: انا أسف بس بغيت اتطمن عليج .. والله إني وايد احاتيج ..
ميثه : سيف اجلب ويهك .. انا برد التلفون حق ام انوفل .. يالله باي ..
سيف: على راحتج المهم ما احب اضيق عليج ..
ميثه : سكرت التلفون وراحت تدرو ام نوافل ما حصلتها .. تبا ترد التلفوووووووووووون ما قدرت .. مر الأسبوع والحين لازم ترد رأس الخيمه وما تقدر تخلي التلفون عشان ما حد يشله .. وما تقدر تشله رأس الخيمه عشان اهلها ما يشوفووونه ويعرفون انها ردت تكلمه .. المهم ردت كلمت سيف وتظاربت وياه وكانت وايد ضااااااااااااايجه وايد ..

ردت ميثوووووووووه راس الخيمه .. وشلت التلفون وياها .. ما تقدر تخليه ..
وداستنه في ستين الف لكه .. عشان ما حد يشوووفه ..
المهم وصلت البيت .. وبصراحه في البيت قام الوضع يتحسن شوي .. من ناحيه ابوها وامها .. لأنها ما كانت تقدر تكلمهم .. طبعاً معروف أن يوم الأربعاء يردوووون من الجامعه ... فيوم الأربعاء العصر ردو .. ووو الساعه 6.50 قاموا راحوا القريه العالميه ..

كانوا في السياره ميثه وامها وابوها واختها الريامي و اليازيه .. ونادر ..
راحوا القريه العالميه .. وكاااااان وااااااااايد زحمه ومن طبع ميثه انها ما تحب الزحمه بس ما كانت تقدر تقول شي ..
يوم وصلوا .. ابو ميثاء دخل من طريح Vip استغربت ميثه قالت بيردونكم .. كلهم سكتوا عنها .. كان واقف هناك شرطي .. ابويه بطل له الجامه وسلم عليه >> شكله يعرفهم ..

واكيد بعد كان يعرفهم .. لأن أحمد المزروعي هب شوي .. كان له مكانته في الجيش .. ووووواول ما بطل احمد المزروعي الجامه .. قال له .. مرحبا مرحبا الساع طال عمرك .. تفضل .. نورت دبي ..

ميثه استغربت ! صارت بكبرها علامه تعجب ! غريبه !!
سكتت ميثه عن الموضوع ووقف ابوها في Vip ونزلوااا ويوم كانت نازله ميثه .. جان يزقرها ابوها

ابوها : ميثه ..
ميثه: نعم ابويه ..
ابوها : اندوج هاي 2000 درهم .. اشتري لج إلي يعيبج ..
ميثه : لا ما يحتاي ابويه عندي بيزات ..
ابوها : يا ميثه انا ما ببخل عليج انتي بنتي وبجري .. انا ربيتج من يوم إنتي صغيره .. لين كبرتج وصرتي حرمه .. ببخل عليج وانتي في هالسن ؟؟
ميثه: والله يا بويه ودي اقول لك شي ..
انا اسفه على إلي صار .. وأنا ادري إني نزلت راسك تحت في الثرى .. ولكن مافي إنسان ما يغلط في حياته .. بس المهم إنه يتعلم من غلطه .. وأبويه انا تعلمت من غلطيّه ومنايه إنك تسامحني وتكون راضي عليه .. ( ميثه والدمعه واصله خلاص بس ناقص ترمش وبتنزل لأن طبع ميثه إنسانه حساسه اتفه الأشياء بتتحسس منها )
ابوها : ما عليه حبيبتي .. كل شخص لازم يتعلم من غلطه .. واتمنى أنج تعلمتي من غلطج وإلي فات مات ونحن عيال اليوم .. واتمنى ان هالشي ما تكرر مره ثانيه ..
ميثه: لا يابويه إن شاء الله ما يتكرر .. وصاحت وجان تلوي على ابوها ..
ابوها : لوى عليهااااااا .. وسكتها ..

وجان تي ام ميثه وتصيح .. لأنها وايد تحب ميثه وتخبلت يوم شافت بنتها تنظرب حتى أنها حيزت بس احمد طردها برع الغرفه فكانت ام ميثه بروحها تتعذب وهي تشوف بنتها تنظرب .. فحمدت الله على إنها ردت مثل قبل ميثه إلي يعرفونها ..

ميثه استانست وهم كبيييييييييير انزاح عن قلبها يوم كلمت ابوها .. ويوم لوت عليه كان جدام الناس كلهم .. حتى واحد شرطي يا .. يتحراهم يسوون شي ..
بس ابوووووها هزبه ههههه .. ( بنته وهو حر فيها ) ^_^ إنته شلك راز ويهك ؟

بس ميثه .. على إلي صار وعلى الظرب إلي يااااااااها .. مستحيل تنسى سيف مستحيييييييييييييييييل ..

سيف بالنسبه لها الدم إلي يمشي في عروقها ..
سيف بالنسبه لها مثل القلب إلي يدق في جسمها ..
سيف كان بالنسبه لها الهواء إلي تتنفسه ..
سيف كان ميثه
وميثه كانت سيف
روحين في جسد واحد
المهم .. راااااااحوااااا .. وإســــــــتااااااااانسووووا في القريه العالميه ودخلوا السرك ميثه وابوها واليازيه .. اما الباجين راحين يتفرجون ويشترووون ..

ردو البيت الساعه 12 فالليل وكاااااااانوا تعبااااااااااااانين ..
ابو ميثه احمد يا عند ميثه قبل لا ترقد ..
هي كانت متلحفه وكل شي .. خلاص بترقد ..

وجان يدخل عليها ابوها .. ورد عليها مفتاح الغرفه .. قال لها تقدرين تقفلين الباب ..
خلاص انا ألحين تأكدت إن بنتي ميثه ردت لي .. هب ميثه إلي ظربتها .. ويا بنتي لا تزعلين مني يوم ظربتج .. تراني خايف عليج .. وما احب اتفه وانزل الناس يرمسون عن بنتيه ..

ميثه: وايد تأثرت من كلام ابوها .. وباسته وجان تنام وما قفلت باب الغرفه .. خلته برايه مثل ما هوووووو ..

في الباجر الصبح ميثه نشت وتذكرت التلفون وهي تبا ترده .. وخاصه إن سيف .. ولد جيرانهم يعني .. تبا أي وسيله عشااان ترده ..
تريت لين الظهر .. وجان تقفل باب الغرفه عشان تقول حق سيف .. إي ياخذ التلفون بس سيف ما رد ..؟

ميثه تمت تحاتي .. وقلبها عورها عليييييييييه .. سيييييييف حبيبي وينك ...؟
طرشت له مسج ..

" سيف حبيبي يوم بتفضى كلمني ابغيك ضروري "

وشوي يرد المسج ..

" السلام عليج .. انا اخو سيف .. سيف في المستشفى .. بيسوي عمليه في القلب لأنه تعبان "

يوم قرت ميثه المسج .. حست روحها بتطلع .. ما عرفت شو تسوي ... ما غير دمعاتها إلي يتحدرن من عيونها ..

وفي قلبها ودها تصااااااااااااااارخ بأعلى صوووووووتها بسيف .. ودها تناديه وتلاقيه جدامها .. كانت هذاج الوقت ميثه هب في حاله طبيعيه .. حسيتها انها شوي بتتخبل ..

سييييييييييف لالالالالالالالالالا سييييييييف .. لا ترووووووووح وتتركني .. سيف الله يخليييييييييييك .. سيف انا حبيبتك .. سيف انا ميثاني .. سيف انا ام طحنون ..

كانت سته وستين فكره تمر في بالها .. كانت بس تبا تسير عند سيف ..
كانت وايد تحبه .. وااااااايد .. خاصه إنه اول حب في حياتها .. وميثه عمرها ما حبت حد .. لا بنااااااااااات ولالالالالالا اولاااااااااااد ولا أي حد .. كانوا الناس يحبونها ..
بس هي ما تعودت تحب حد .. او تقول حق حد انا أحبك إلا
" ســــــــــــــــــيـــــــــــــــــــــــــ ـــف "
سيف حب حياتها .. سيف عشق حياتها
سيف سيد خلانها .. سيف سيد قلبها

سيف .. هالأسم حبته لأن حبيبها اسمه سيف ..
وتذكرت أن امها كانت وايد تدعي عليه خاصه بعد ما عرفت بأن هو يكلم بنتها ..
كانت تقول : الله ياااااااااخذ بروحك مثل ما خذيت قلب بنتي ..
يعلك تموووت .. ( يعني شي من هالسب ) :*_*:

وكانت بصراحه هب قادره حتى تشل ريلها من الأرض من كثر مب هيه خايفه عليه ..
وصلت العصر .. ودعت له إن الله يقومه بالسلاااااااامه ..
وبعد صلاة العصر .. الساعه 4.30 تقريباً وصل خبر وفاة سيف ..

تخيلووووووووو
شو موقف ميثه ؟

شو بيصير في ميثه ؟

شو سوت ميثه ؟

شو سوت ويا امها وابوها ؟

شو سوى محمد ولد عمتها ؟

شو سوت موزة وحصه يوم عرفوا باللي صار في ميثه ؟

شو كانت وصية سيف لميثه ؟

شو سوت ميثه لما يابو سيف البيت عشان يغسلونه ؟

كيف كانت مستحمله الموقف ؟

هل كان عادي عندها .. إن تشوف حب حياتها يروووح عنها ويخليها بروحها في هالدنيا ؟

شو كان السبب في موت سيف ؟

شو إلي صار في سيف ؟

شو قال سيف قبل موته ؟

شو قالت ميثه قبل ما تشوف سيف ؟

شو صار في ميثه عقب ما شافت سيف ؟

شو كاااااااان موقف ام سيف يوم شافت ميثه موجوده بين الناس يعزوووونهم الجزء الثاني من القصه
كانت مزون اخت ميثه يالسه تلعب برع .. و جان يطوف عليها ولد عمها إلي قدها يعني 11 سنه جذا .. قال لها: اقول مزنوووووه امج ما بتروح العزى ؟
مزون: عزى امنووووه ؟
خالد( ولد عم مزون: عزى سيف ولد جيرانا .. توفى الله يرحمه )
مزون : صدق .. بروح اقول حق إمايه .. بشوفها جان بتروح ولا لأ ..
وخلت خالد برع وراحت عنه وووو كانت رايحه عند امها تركض .. جان تلاقف في دربها ميثوه . ميثوه شافتها تركض جان تهزبها : مزنووووون ويعه إن شاء الله ليش كل هالركض ؟ شو فاتحين الصاله مرثون ؟
مزون: لالالالالا .. انتي ليش هب راضيه تفهميني ؟ كله تتحريني مزعجه وراعيه مشاكل .. أنا رايحه عند إمايه اقولها بتحظرين عزى قوم ولد جيرانا.. تراه مات الله يرحمه .
ميثوه قلبها حستبه انقبض: منو منو مات ؟ لا حول ولا قوة إلا بالله .
مزون : هذا واحد اسمه سيف ..
ميثه : شووووووووووووووووووووووووووووووووووووووووووو !!
سيف .. أي سيف .. قولي أي سيف ..
وشوي تدخل حرمة عم ميثه ( فاطمة) : السلام عليكم .
ميثه وهي خلاص تحس عمرها بطيح : وعليج السلام فاطمة .
فاطمة: شحالج ميثه .
ميثه: منو انا .......؟ هيه .. هيه .. زينه ..
فاطمة : اقول ميثه ما بتروحين العزى ؟
ميثه : الله يخليييييييج قولي لي منووووووو؟
فاطمة: ليش إنتوا ما تعرفون .. هذا سيف ولد جيرانا .. توفى الله يرحمه ..
ميثه اهنيييييييه خلاااااااااااااص ما راااااااااامت تشل ريولها .. حست عمرها جنها متسبسه خلااااااااص ..
وجان اتم تصييييييح بصوووووت عالي وعى امها وابوها واخوانها وخواتها من الرقاااااااد
تخبلت ميثوه .. وهي تصارخ تقول حق امهاااا : إنتي السبب .. إنننننننتي تدعين علييييييييه .. يا ليتج دعيتي عليييييييه انااااا بعد
ياااااااا ليييييييت .. ياليتني رحت وياااااك يا سيف ..
ودخل ابوها وعرف السالفه وبصراحه وايد كان محرج .. بس في نفس الوقت كان يدري بأن سيف كان يباها .. وهي تباه .. بس هو كابر في هالشي ..
وعاند
ميثوه جان تطيح عليهم في البيت من كثر الصياح والتعب .. ووو فزعوبها المستشفى .. امها وابوها بصراحه خافوا عليها مووووووت قالوا بنتنا بتموت
لأنه تغير لونها حتى ..
................. في المستشفى ..................
ميثه كانت مرقده في الطواري ..
ووو عقب ودوها الغرفه ..
في الغرفه ..
ابو ميثه: لا حول ولا قوة إلا بالله .......... شو هالحااااااله .. انا عمري ما شفت حد يحب جذا ..
ام ميثه: اسكت .. انته فايج اصلاً يا احمد انا خايفه ع البنت . .شوف لونه كيف صاير ..
ابو ميثه : يعني انا إلي مستانس على حالها يا حرمه .. الله كريم .. هم قالوا الدكتور بيها ألحين ..
== وشوي ودخل الدكتور ==
ومن شافته ام ميثه سوت له استجواب\
دكتور الله يخليك شو فيها بنتي .؟ شو إلي حل إبها ؟ دخيل والديك اتقول لي ؟
الدكتور: لا ما عليه اطمنوا .. شوية إرهاق .. يبالها يومين 3 وبتظهر إن شاء الله .
ابو ميثه: ياها هالإرهاق من سيف .. انا السبب .. انا السبب
ام ميثه: إنا لله وإنا إليه لراجعون ..
ميثه نشت .. وجان تقول : وين انا .. ؟ ابغي سيف ..؟ وين سيف ؟
ويوم يت عينها على ابووووهاااااا ........ يالله يالحقد إلي كان في قلبها هاذيج الساعه تمت تصاااااارخ تقول له اطلع براااااااااااااااااااااااع ..
برع ما اريد اشووووووفك .. انا كررررررررررهتك .. إنت جتلت سييييييف .. إنت موته ..
قوموا اطلعوا برع .. ما اريد حد ويايه .. وجان تقوم تبا تظهر ..
تبا تروح البيت عشان كانوا بيدفنونه .. في نفس الوقت .. العصر .. تخبلت .. لالالالالالالالالالالالالالالالالا .. مستحيل اتم في المستشفى .. مستحييييل
ودوني ابغي احظر العزى .. قسماً بالله إن ما وديتوني .. وووووالله يا ولكم واسوي إلي اسوووووووويه
..
راحت ميثه البيت .. وكان المفروض اتم في المستشفى .. بس طلعت على مسؤوليتها .. بعد طلااااااااااااع روووووووووووح ..
وطبعاً ما رضت اتروح ويااااا امها و ابوهاااااا .. لالالالا .. هي الحين مضايجه منهم
جان تقوم تتصل في محمد ولد عمتها في دبي تذكرت انه كان في RAK
وتتصل ميثه: الووووو محمد
محمد: منوووووو
ميثه: اقول محمد انا ميثه انت وين ؟
محمد: انا في بيتكم
ميثه : انزين تعال المستشفى شلني بسرعه
محمد: ما تشوفين شر الغاليه .. وووو توني عرفت والله ولا جان يتج .
ميثه : ااااااااااااالله يخليك محمد هب فايجه تعال شلني وبس
وبندت عنه من دون ما تقول له باي
10دقايق إلا محمد واصل وووو ركبت السياره وهي شكلها ينباااااان إنها تعبانه موووووت خلاص
محمد : شو فيج .. شكلج تعبانه .
ميثه: يرحمي والديك محمد .. الله يخليك اسرررررررررررع ودني البيت
محمد سكت عشان ما يضاااااايج ميثوه.
وقبل لا يوصل البيت دلته بيت سيف.. قالت له نزلني هنيه .. كانوا برع واااااااااااااااااااااايد رياييل .. وكانوا توهم يايبين سيف عشان يغسلونه .. ويودونه عشان يصلون عليه ..
المهم نزلت .. ومحمد هب قادر يقول لها شي .. هو شكله عرف .. او حس ان ميثه في شخص في حياتها .. ولكن يوم نزلت .. ووووو راحت العزى وكان شكلها تعبان .. عرف ان هالشخص هب أي شخص .. شكله وايد عزيز عليهااا
دخلت ميثه . . وأول ما دخلت جااااااااان تي ام سيف وتلوي عليهاااااا
ام سيف: آآآآآآآآآآآآآآآآآآآه .. يا ميثه .. سيف راااااااااااااح يا ميثه سيييييف راح
راااااااح ابو عيالج يااااااا ميثه راااااااااح .. راااااااح نظر عيني راااااح وخلالالالالاني
ميثه: ما قدرت تتحمل : وجان تصيح .. ما عليه خااااااااالوا .. كل إنسان وله نصيبه في هالحياه .. والإنسان لازم يتصبر .. >> هي تقول هالكلام من دون نفس لأنها هي بروحها هب قادره ..
ام سيف: تصييييييييح .. وميثه تصيييييييح ولاويه علييييييها وكل وحده تصيح من صوب .. لكن ميثه قلبها يتقطع .. تحسه ان يتقطع .. خلاص ..
محمد ولد عمت ميثه كان ويا الرياييل برع يعزيهم .. وشوي ركب السياره لأنه فيه فضووووول ..
اتصل في موزة اخته :
محمد : موزووووه .. السلام عليكم
موزة: وعليكم السلااااااااااام
محمد : انتي وين ؟
موزة : والله انا في برجمان .. ليش بغيت شي؟
محمد : صدق إنكن فايجات .. تعالوا شوفوووووووو ميثووووه بتموت ..
موزة: شوووو .. ميثوه .. شو فيها .. محمدووووو قوووووولي شو فيها ..!
محمد : ما ادري بس هالإنسانه وايد حساسه ؟ في واحد من الفريج ميت عندهم وهي متخبله ..؟ بس انا شاك بصراحه ..
موزة : إنا لله وإنا إليه لراجعون .. منووو مات ؟
محمد : والله انا الريال ما اعرفه بس اسمه سيف
موزة : منوووووووووووووو >> انصدمت لأنها تعرف ان هالإنسان حبيب ميثه.
محمد: شو شو فيج ...؟ ليش ارتبكتي ؟
موزة : لا لا ماشي ......
محمد : >> بصوت عالي و محرج .. : منو ها سيف قووووووولي؟
موزة : ما اعرف شدراني .. يالله لا تيلس تصدعني .. انا بروح لها باجر ..
محمد : اوكي ما عليه .. نتفاهم يوم بوصل دبي
بند عنها وهو تساوره الشكوووك
.................. في العزى .....................
ميثه يالسه تهدي ام سيف .. وام سيف متقطع قلبها عليييييييه ام ..
ميثه ما كانت تدري شو سبب وفاة سيف ..
وأم سيف كانت تدري ..
فأم سيف بعد ما هدت شوي قالت حق ميثه : ميثه شوي بغيتج في الغرفه .
ميثه: إن شاء الله خالوا..
ام سيف قامت ودت ميثه غرفة سيف .. غرفة حبيبهااااااااااا ..
ميثه اول ما دخلت شافت صورته .. وراحت تبوسه .. وهي دموعها تارسه وييهااااا
رحت عني يا سيف وخليتني في دنيتي
رحت عني يا سيف ووو خليتني في همومي وحيده
ام سيف : ميثه .. إنتي تعرفين شو إلي موت سيف ..؟
ميثه : لا......
ام سيف : إلي موت سيف يااااااا ميثه .. ( بنت عمج نوره ) اتصلت في سيف وقالت له إنج مخطوبه من محمد ولد عمتج .. وإن الملجه والخطوبه في يوم واحد .. وسيف تعرفينه قلبه ضعيف .. ووووووما اتحمل
ميثه: شووووووووووو !! تخبلت ميثه ووووووو كرهت الساعه إلي عرفت فيها بنت عمها .. وكرهت بنت عمهاااااا كره ما ينوصف .. صعب .. !!
يعني كان يدور في بالها 66 فكره .. من وين يابت الرقم ؟ وليش تكلمه ؟وليش قالت له جيييييييه ؟
تمت ميثه معصبه ومضااااااايحه في نفس الوقت...
أم سيف : ميثه .. في وصيه لج .. من عند سيف ..
ميثه : استغربت وقلبها تم يدق بقووووووو .. هااا . شو هي قولي الله يخليج
ام سيف : يا ميثه .. قبل لا يموت ولدي سيف انا كنت عنده واخوانه وخواته .. كان يقول خلوا ميثه تعرس .. وتستانس في حياتها .. والله يفرحها .. بس قولوا لها لا تنساني .. وخل تسمي ولدها سيف .. وعقبها هالكلمة تشاهد .. ووو سلم روحه لرب العالمين ..
ميثه : منصدمه .. ؟ اعرس ؟ ليش ؟ يلعن يومج يا نوروه يعلج يومج ويلعن اليوم إلي انودتي فيه يا بنت اللذين .
ا م سيف: اتمنى يا ميثه انج تنفذين وصيه سيف.
ميثه: خالوا .. اسمحيلي .. وصية سيف في عيوني .. لكن ما بتزوج .. ما يحلالي غير سيف .. وسيف راح .. ومالي هوى غيره ..
ام ميثه: واااااايد كانت مستانسه من رد ميثه وفي نفس الوقت متقطعه على ولدها.
المهم ميثه ظهرت برع .. وكانت تشوف النااااااس .. والرياااايل والحريييييم .. إلي يصيح وإلي إي يعزي .. وإلي مضااااااايج ..
.................... بعد 3 ايام من موت حبيب القلب سيف ..........................
ميثه في بيتهم .. وجان تي عمتهااااااااااا تقول لها: ميثه .. انتي بنت عوده وفاهمه.
وبغيتج في سالفه .............
ميثه: قومي عمتيه جان بغيتيني في سالفه .. تعالي غرفتيه ..
راحت ميثه غرفتها هي وعمتهااااااا ..
عمت ميثه: ميثه
ميثه: لبيه
عمت ميثه : مثل ما تعرفين يا الغلا .. إنتي الحين حرمة عوده .. والحين حاشرني محمد يبا يخطبح .
ميثه: شووووووووووو !! محمدووووووووو .. عمتيه الله يخليج إنتي تعرفيني اكثر وحده اني ما ابغي اعرس .. ماسحتنه من راسي .. انزين .. اسمحيليه عمتيه .. محمد ريال والنعم فيه وكل البنات يتمننه .. بس انا لا .. ما ابااااااااه ..
عمت ميثه: يا ميثه .. سيف راح .. وكل واحد بياخذ نصيبه في دنياه .. وهو قايل في وصيته يباج اتيبين ولد وتسمينه سيف.
ميثه: عموووووووووو .. لا تغيرين الموضوع .. بخبرج انتي محمدو حاشرنج ؟
عمت ميثه: هيه .. ذابحني الغدا والأكل ما اتهنابه ..
ميثه: ويا ويهه .. اتصلي به .. انا بقوله اني ما اباه ..
عمت ميثه تعرف ان ميثوه الحين محرجه واعصابها محترقه .. بس عادي .. خذتها بروح رياضيه لأنها ما بتحصل احسن عنهاااااااا..
ظهرت عمت ميثه وخلت ميثه في الغرفه .. ميثوه .. بعد 10 دقايق حست براحه .. وجان تعق عمرها ع الشبريه .. وتذكرت سيف يوم تكلمه .. ويوم شافها .. هههههه كانت تضحك وفي نفس الوقت تتقطع لأن خساره هالحلم ما إكتمل.
كانت تمسك تلفونها متطالع مسجات سيف:
كان في مسج مفضل عندها مكتوب :
صباااااااح الخيييييير حبي اوه شكلي غلطت صباح الخير بابوه
هههههه .. كان يسميها بابوه .. وهي كانت تضحك عليه .. بتموت من الضحك ..
النهايه ..
ميثوه الحين هب في بالها حد وكل من يا يخطبها ترفض .. وطبعاً الكل يعرف بقصه حبهااااا .. عشان جذا ما يقدرون يقولون لها شي .. بس لين الحين ابوها يعصب إذا شافها سرحانه .. لأنه متأكد انها تسرح فيه ..
ميثوه .. الحين ما تسير عند بنات عمها .. ولو شافتهم .. عادي عندها .. وحتى لو ما شافتهن .. عادي يعني ولا جنه عندها بنات عم ..
في العيد تروح تسلم على عمها راشد وسعيد وعلى وترد البيت .. وبس ما يحتاي تسلم على بنات عمها ..
اما محمد لين اليوم وباجر يحاول فيها .. بس هي رافضه وهي محطيه في بالها تحطي حد حق هالسالفه .. وفي واحد يديد ههه New يبا يخطبها اسمه هويدن
هههههه استانست في البدايه .. بس طبعاً رفضت .. لأنها حالفه تصووووون عهد حبها سيف ..
بس بعد مرات تفكر في وصيه سيف .. وتشوف هل هي بتنفذها ولا لأ ..
إذا نفذتها تراها بتاخذ محمد .. احسن عن الغريب .. بس الله يعينها لأنها ما تحب دبي وايد .. >> عشان الزحمه ..