عرض للطباعة
السسلام عليكم ..
أخواني وأخواتي طلبة القانون في جامعات الامارات حابة أطلب مساعدتكم ..
حالياً أنا طالبة ثانوية عامة -سعودية الجنسية- القسم الأدبي (النظري) , وأرغب في اكمال دراستي الجامعية في الامارات قسم القانون ..
ممكن تعرفوني على المتطلبات لأتمكن من الدراسة في الامارات؟ وماهي الشروط ؟ أو النسب المطلوبة ؟ وماهي أفضل الجامعات وفي أي إمارة؟ وشكراً
و عليكم السلام اختي
ممم ممكت تدرسين القانون في جامعة الشارقة (امارة الشارقة) و عندهم سكن و انا اعرف ناس من السعودية تدرس فجامعة الشارقة و هم فسكن ... بالنسبة للشروط انا اللي اعرفه النسبة لازم تكون فوق 70 ( بس مو متاكدة) و لازم تقدمين اوراقج للجامعة ( صورة عن الجواز، صور شخصية، صورة البطاقة الصحية، صورة الشهادة الثانوية العامة المصدقة من وزارة التربية و التعليم (بالنسبة للطلبة اللي يدرسون فالامارات) ، صورة عن شهادة حسن السيرة و السلوك ، الفحص الطبي اللي لازم تسوينه فالمستشفيات الحكومية فالامارات،صورة شهادة الميلاد) و يبون بعد شهادة الايلتس او التوفل حق كل التخصصات ما عدا التخصصات اللي تكون الدراسة فيها بالعربي مثل القانون و الاتصال و الشريعة يعني انتي حاليا ما تحتاجينها ... بس بالنسبة للمتقدمين للدراسة من خارج الامارات ماعرف شو الاوراق الثانية المطلوبة غير اللي ذكرتها فوق و السموحة ع القصور
و ممكن انج تدخلين على موقع الجامعة و تجوفين
و من الموقع تاخذين رقم القبول و التسجيل و تتصلين فيهم
و لو تبين اي شي ثاني انا هني
اشكرك اختي على ردك ,, ان شاء الله ابحث عن موقع الجامعة وأرد لك خبر
العفو اختي .. بس ادخلي جوجل و اكتبي اسم "جامعة الشارقة" و بيطلع لج " القبول و التسجيل sharjah university" و ادخليه و بتحصلين رقمهم .. و لو كنتي محتاجة اي مساعدة اسالي .. اتريا ردج و بالتوفيق