عرض للطباعة
السلام عليكم
شحالكم
حبيت اسئلكم بخصوص البعثات الخارجيه من متى بيبدا التسجيل ؟
في مره دقيتلهم قالولي تعالي اول ماتحصلين شهادة الفصل الاول .. للحين ماعطونا الشهايد وسمعت انه مابيعطونا بعد مادري اذا صج ولا لا
يعني الحين في حد مسجل ؟ ولا مايستوي التسجيل الا وياي شهاده الفصل الاول
والسؤال الثاني : شو رايكم فالبنت الي تدرس برع البلااد .. تنصحووني ادرس بررع في امريكا ولا طبعا لو سرت مابسير بروحي اكييد وياي محرم ..
روحي طبخي بيض ابرك لج
تعالي حياج نترياج هني .
هلا اختي "عامرية كيووت"
بالنسبة للسؤال الاول انا ما اقدر اساعدج لاني ماعرف متى بيكون التسجيل ،، بس احسن لج انج تسالينهم او تراجعنيهم ... بس بالنسبة للسؤال الثاني ..
اذا انتي جايفة نفسج ان مستواج فاللغة الانجليزية اوكي و ترومين تتحملين الغربة و المشاكل الثانية اللي يمكن تواجهج هناكي ،، و ما راح تتاثرين بثقافة الاجانب... انا بنصحج انج ما تفوتين هاالفرصة و تكملين دراستج برع .. بس اكييد لا تنسين تصلين استخارة :) و السموحة ع القصور
اطلبوا العلم ولو في الصين وطالما معك محرم وتقدري تكوني سفيره للإسلام ولبلدك توكلي على الله وامنياتي بالتوفيق
بخصوص بدء التسجيل في البعثات الخارجية، يختلف التاريخ من بعثة إلى ثانية. أفضل حل هو أنك تتواصلي مع مكتب التسجيل في البعثة. التسجيل ما يعتمد على شهادة الفصل الأول بس بعض البعثات تاخذ العلامات بعين الاعتبار. باختصار، يمكنك التسجيل بدون شهادة الفصل الأول لأنه التقييم كامل يكون على شهادة آخر العام.
ثانياً، بخصوص الدراسة في الخارج، الأمر مب سهل، إذا كانت عندج القدرة والعزيمة على السفر، فالله يوفقج إن شاء الله، في الأخير الكل يعرف أنه الشهادة من برع غير عن الشهادة من داخل الدولة، وثانياً تكتسبين خبرة في الحياة.