طلبة وطالبات الثاني عشر الادبي-العلمي

السلام عليكم ورحمة اللة وبركاته

اشحالكم اخواني وخواتي ؟؟

حابة استفسر الله يخليكم وتردون عليه !!!
احين نحن كيف راح يكون تقسيم درجاتنا لهذه السنة ؟
ورانا نسبة ومانعرف كيف التقسيم بالظبط حد يقول جي وحد جي !!!
ونحن مب اي طلبة !نحن طلبة 2010 يعني دفعة اول سنه لثانوية العامة من الثلاث الفصوول :( !!
ارحمونا وردوا جزاكم الله خير !!!!!!!!!!!!!!!! :'(

الفصل الأول بيكون نسبة 30 %
اما الفصل الثاني والثالث 35 %

الرابط :http://www.sez.ae/vb/showthread.php?t=145779

مافهمت انا التقسيم روحي كم عليهن اامتحانات الفصل وكم عليهن امتحانات التقويم وكم عليهم التقارير والبحوث ؟؟ وليش امتحان الرياضيات بس 50 ؟؟ والعربي بعد والانقليزي ؟؟ (ادبي)

تخبط × تخبط + ضياع × ضياع = فشل

والله الله يسامحهم ع اللي سوووه فينا

و عليكم السلام ورحمة الله و بركاته ..


التقسيم يا عزيزتي كالتــآلي

بما انني طــآلبة في الثـأنوية العــآمة في القسم الأدبي
سأضع لك التقسيم الي تمشي عليه الدولة كلها ..
لان الثــآنوية العامة موحدة ..


بالنسبة للشهادة التي إستلمناها ..

القسم الأول عبــآرة عن التقويم المستمر في المدرسة ( الإمتحانات و كل شي كنتي تسويه من 100% )
بعدها .. درجة الإمتحــآن الفاينل للفصل الأول .. التي إمتحنتيها سابقا ..
بعد ذلك يآخذون فقط نسبة 10% من درجة التقويم و تقدره كم مثلا أخذتي في التقويم 91 ستكون درجتك من 10% ( 9.1) ..
بما أنك أخذتي 91 سيكون تقديرك a . و هكذا بقية المواد ..
يضعون لك بالأول درجتك من 100% بعد ذلك يستخرجون لك الدرجة من 20%
فمثلا أخذت في الإمتحان 100% ستكون درجتك من 20% ( 20) ..
بعد ذلك تجمع لك نسبة 10% + 20% = يأخذون الفصل الأول بأكمله 30% ..


هذا بالنسبة إلى الفصل الأول ..
أما الفصل الثــآني فبنفس الطريقة و لكن النسبة ستكون من 35% و الفصل الثالث كذلك ..


أتمنى أن تكوني قد فهمتي المطلوب

و إن لم تتضح لك نقطة فأبلغيني سأبسطها أكثر


و بالتوفيق للجميع ..

السلام عليكم

هلا اختي

انا مثلج ثنويه عامه وراسي بينفجر من قراراتهم اللي مامنها فايده

المهم حبيت اوضحلج تقسيم الدرجات كيف بيكون

الفصل الاول طبعا بيكون 30 % ,, [نسبة التقويم المستمر 10% ، ونسبة الامتحان 20% ]

الحين بشرحلج كيف نحسب درجات التقويم مال الفصل الاول اللي بياخذون منها 10%

مثلا يبتي فالدين فالتقويم 98 ,,
المعدل بيكون 98 × 10 = 980 عقب تقسمين الناتج على اميه 980 ÷ 100 = 9.8
معنى هالمعدل انج يبتي في الدين فالتقويم 9.8 من 10

ومثلا خذتي في الرياضيات 95 ,,
المعدل بيكون 95 × 10 = 950 عقب تقسمين الناتج على اميه 950 ÷ 100 = 9.5
ومعنى هالمعدل انج يبتي في الرياضيات فالتقويم 9.5 من 10

وجي ,, اطلعين كل درجات التقويم بهاي الطريقة بس بدون الرياضه والحاسوب لان مابيدشون فالنسبه
واتبعي وياي لين آخر شي عشان تفهمين كيف نجمع المعدل اللي طلعناه توه ويا معدل الامتحان ..

الحين خلصنا من معدل درجات التقويم ..


الحين بشرحلج كيف نحسب درجات الامتحان مال الفصل الاول بعد واللي بياخذون منها 20 %

مثلا يبتي في امتحان الدين 94 ,,
المعدل بيكون 94 × 20 = 1880 ، عقب تقسمين الناتج على اميه 1880 ÷ 100 = 18.8
معنى هالمعدل انج يبتي ف امتحان الدين 18.8 من 20


ومثلا يبتي في الرياضيات 91 ,,
المعدل بيكون 91 × 20 = 1820 عقب تقسمين الناتج على اميه 1820 ÷ 100 = 18.2
ومعنى هالمعدل انج يبتي ف امتحان الرياضيات 18.2 من 20

وجي ف كل المواد تسوين نفس الطريقه ,,

والحين بشرحلج كيف انطلع نسبة الفصل الاول

ناخذ معدل الدين في التقويم و الامتحان ونجمعهم ، يعني بيكون 9.8 + 18.8 = 28.6
وهذا المعدل عباره عن 28.6 من 30


وبعدين ناخذ نسبة معدل الرياضيات في التقويم والامتحان ونجمعهم ، يعني بيكون 9.5 + 18.2 = 27.7
وهذا المعدل عباره عن 27.7 من 30


وعقب تاخذين المعدل النهائي ،
يعني درجة الدين النهائية بتكون 28.6 × 100 = 2860
عقب نقسم المجموع 2860 ÷ 30 = 95.3

وانسوي نفس الشي في الرياضيات وباقي المواد
وعقب نجمع الدرجات النهائيه كلها ونقسمها على عدد المواد و بتطلعلنا النسبه

وبس :)


والفصل الثاني والثالث نفس الطريقه بس بيزيدون من نسبة التقويم
يعني بيكون [التقويم المستمر 15% والامتحان 20%]

وكان الله غفوراً رحيما ..

أتمنى فهمتي علي ،،

والله يوفقنا يارب :)